نۇرسۇلتان نازارباەۆ اقش-تا ەكىجاقتى كەزدەسۋلەر وتكىزدى

مەملەكەت باسشىسى اڭگىمەلەسۋ بارىسىندا ا.دۋدانى پولشانىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندەگى قىزمەتىنىڭ باستالۋىمەن قۇتتىقتادى.

– بۇگىنگى كەزدەسۋ قارىم-قاتىناستارىمىزدى تالقىلاۋ ءۇشىن بىزگە زور مۇمكىندىك بەرەدى. پولشانىڭ بىرىككەن ۇلتتار ۇيىمى قاۋىپسىزدىك كەڭەسىنىڭ 2018-2019 جىلدارداعى تۇراقتى ەمەس مۇشەسى رەتىندەگى قىزمەتىنىڭ باستالۋىمەن قۇتتىقتايمىن, – دەدى قازاقستان پرەزيدەنتى.

نۇرسۇلتان نازارباەۆ قازاق­ستان مەن پولشانىڭ بۇۇ قاۋىپ­سىزدىك كەڭەسى جۇمىسىنداعى ۇستا­نىم­دارىنىڭ ۇقساستىعىن اتاپ ءوتتى.

– ءبىزدىڭ وي-پىكىرىمىز بەن بىرىك­كەن ۇلتتار ۇيىمى قاۋىپسىزدىك كەڭە­سىندەگى جۇمىس باعىتىمىزدىڭ ۇقساس ەكەنىنە قۋانىشتىمىن. مەنىڭ ۆار­شا­ۆاعا ساپارىم جانە ءسىزدىڭ وتكەن جىلعى استاناعا ساپارىڭىز ءالى ەسىمدە. مۇنداي كەزدەسۋلەر ءبىزدى ءارى ەلدەرىمىزدى جاقىنداتا تۇسەدى, – دەدى قازاقستان پرەزيدەنتى. ا.دۋدا كەزدەسكەنىنە جانە ەكى­جاقتى ىنتىماقتاستىقتىڭ وزەكتى ما­سەلەلەرىن تالقىلاۋ مۇمكىندىگى بول­عانىنا ريزاشىلىق ءبىلدىردى.

سونداي-اق مەملەكەت باسشىسى بىرىككەن ۇلتتار ۇيىمىنىڭ باس حاتشىسى انتونيۋ گۋتەرريشپەن كەزدەستى. اڭگىمەلەسۋ الدىندا نۇر­سۇلتان نازارباەۆ بىرىككەن ۇلتتار ۇيى­مىنىڭ قۇرمەتتى قوناقتار كىتا­بىنا قولتاڭبا قالدىردى. كەزدەسۋ بارىسىندا تاراپتار قازاقستاننىڭ بۇۇ قاۋىپسىزدىك كەڭەسىندەگى تورا­عالىعىمەن بايلانىستى وزەكتى ما­سەلەلەردى تالقىلادى.