تاراز مەملەكەتتىك ۋنيۆەرسيتەتىندە ن.نازارباەۆتىڭ «تاۋەلسىزدىك ءداۋىرى» اتتى كىتابى تانىستىرىلدى

جيىنعا جامبىل وبلىسى اكىمدىگىنىڭ بىرقاتار باسقارما باس­شىلارى, بۇقارالىق اقپارات قۇ­رالدارى وكىلدەرى, جوعارى وقۋ ورىندارىنىڭ پروفەسسور-وقى­تۋ­شىلار قۇرامى قاتىستى.

شارانى اشىپ, جۇرگىزگەن م.ح.دۋلاتي اتىنداعى تاراز مەم­لەكەتتىك ۋنيۆەرسيتەتىنىڭ رەكتورى, پەداگوگيكا عىلىمدارىنىڭ دوكتورى, پروفەسسور م.سارىبەكوۆ ەلباسىنىڭ بۇل ەڭبەگى ەلىمىز تا­ۋەلسىزدىككە قول جەتكىزگەن جىل­دارداعى قيىنشىلىق پەن بۇگىنگى گۇلدەنگەن قازاقستاننىڭ ءجۇرىپ وتكەن جولىن كورسەتەتىن شەجىرەلى كىتاپ ەكەنىن ايتىپ ءوتتى.

م.سارىبەكوۆ جاڭا تۋىندىدا «تاۋەلسىزدىك رۋحىمىزدى شىڭ­دادى», ء«بىز الەمدىك داعدا­رىس سىناعىنا توتەپ بەردىك», «الەم مويىنداعان كوشباس­شى­لىق», «جاڭا ەكونوميكاعا باتىل ۇمتىلىس», «ادام كاپيتا­لى­نىڭ جاڭا ساپاسى», «قازاق­ستان­نىڭ ايقىن جانە مىزعىماس باسىم­دىقتارى» اتتى بىرقاتار تارتىمدى بولىمدەر بار ەكەندىگىنە توقتالىپ, ونىڭ ماڭىزى توڭىرەگىندەگى ويلارىن ورتاعا سالدى.

كەلەسى كەزەكتە بايانداما جا­ساعان زاڭ فاكۋلتەتىنىڭ دەكا­نى قايرات نۇرمانبەتوۆ ەلبا­سى كىتابىنا ارقاۋ بولعان تاۋەل­سىز­دىكتىڭ العاشقى جىلدارىنداعى ەل ءومىرىنىڭ قوعامدىق-ساياسي احۋالى, ونداعى قۇقىقتىق قاتىناستاردى رەتتەۋدىڭ جاي-جاپسارىن اڭگى­مە­لەدى.

ودان كەيىن گۋمانيتارلىق-الەۋمەتتىك عىلىمدار فاكۋل­تە­تىنىڭ دەكانى ءازىمحان ىبىرايىم « ۇلى بەتبۇرىس» تاقىرىبىندا بايانداما جاساپ, ەلباسىنىڭ بۇل ەڭبەگىندە ەلىمىز تاۋەلسىزدىك العالى بەرى مەملەكەتىمىزدىڭ قول جەتكىزگەن تابىستارى جان-جاقتا سارالانعاندىعىن تىلگە تيەك ەتتى.

سونىمەن قاتار ايمەن انۋار­بەك كىتاپتىڭ «جاڭا عاسىر تابال­دىرىعىندا» اتتى تاراۋىنا توق­تالىپ, جاڭا مىڭجىلدىقتار تو­عى­سىندا ەگەمەندىككە قول جەت­كىز­گەن قازاق ەلى جاڭا عاسىر تابال­دى­رىعىن تابىستى اتتاعانىنا تاريح كۋا ەكەندىگىن ايتىپ ءوتتى. سون­داي-اق جوعارى وقۋ ورنىنان كەيىنگى ءبىلىم بەرۋ فاكۋلتەتىنىڭ دەكانى زاۋرە ابدىكارىموۆا «قالىپ­تاس­قان مەملەكەت» تاقىرىبىندا جا­ساعان بايانداماسىندا كىتاپتا قازاقستاننىڭ تاريحي وقيعالار الاڭىنا اينالىپ, حالىقارالىق ساياساتتا بەدەلىنىڭ ارتا تۇسكەندىگىن تىلگە تيەك ەتتى.

شارا سوڭىندا ۋنيۆەرسيتەتتىڭ پروفەسسور-وقىتۋشىلار قۇرامى كىتاپ تۋرالى ءوز ويلارىن ور­تا­عا سالدى, ۇسىنىستارىن ايتتى.

ءلاززات تالعاتقىزى