قازاقستان رەسپۋبليكاسى پرەزيدەنتىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋى جاڭا الەمگە, ياعني ءتورتىنشى ونەركاسىپتىك رەۆوليۋتسيا الەمىنە بەيىمدەلۋ مەن جەتىستىككە جەتۋ جولىن تابۋ ءۇشىن نە ىستەۋ قاجەتتىگىن ايقىندايدى.
بۇل رەتتە اكادەميا ۇجىمى ەلباسى بەلگىلەگەن 10 مىندەتتىڭ ىشىنەن ء«تيىمدى مەملەكەتتىك باسقارۋ» مىندەتىنە اسا نازار اۋدارادى. مەملەكەتتىك باسقارۋ تيىمدىلىگىن ارتتىرۋ بويىنشا مىندەتتەر سپەكترىنىڭ اراسىندا ەلباسى مەملەكەتتىك ورگاندار ناقتى ۋاقىت جانە جەدەل جاۋاپ بەرۋ رەجىمىندە ازاماتتاردىڭ ەسكەرتپەلەرى مەن ۇسىنىستارىن ەسەپكە الۋ ءۇشىن زاماناۋي تسيفرلى تەحنولوگيالاردى قولدانۋعا ءتيىس ەكەنىن اتاپ ءوتتى. بۇل مەملەكەتتىك قىزمەتشىلەردىڭ كاسىبي جانە تۇلعالىق قۇزىرەتتەرىن دامىتۋعا تىكەلەي قاتىستى. سونىمەن قاتار مەملەكەتتىك ورگانداردىڭ جانە مەملەكەتتىك قىزمەتشىلەردىڭ IT الەۋەتىن, ونىڭ ىشىندە كۇندەلىكتى جۇمىستا IT قۇرالدارىن قولدانا ءبىلۋدى كۇشەيتۋ دە ايرىقشا ورىنعا يە.
وسى باعىتتا قازاقستاندىق مەملەكەتتىك قىزمەتشىلەردىڭ وزگەرىستەرگە دايىن بولۋى دا اسا ماڭىزدى بولىپ تابىلادى. بولىپ جاتقان ۇدەرىستەردىڭ جىلدامدىعىن ەسكەرىپ, تەك مەملەكەتتىك ورگاندار قىزمەتىنە وزگەرىستەر ەنگىزىپ قانا قويماي, ەڭ جاڭا ۇردىستەردىڭ الدىندا بولۋىمىز قاجەت.
پرەزيدەنتتىڭ العا قويعان مىندەتتەرىنىڭ ماڭىزدىلىعىن تۇسىنە وتىرىپ, مەملەكەتتىك باسقارۋ اكادەمياسى مەملەكەتتىك قىزمەتشىلەردى ستراتەگيالىق مەنەدجمەنتكە, كوشباسشىلىققا, جوبالىق مەنەدجمەنتكە, ۇلكەن دەرەكتەردى تالداۋعا, فاكتىلەرگە نەگىزدەلگەن شەشىمدەردى قابىلداۋعا وقىتۋ ارقىلى ولاردىڭ كاسىبي دامۋىن قامتاماسىز ەتەدى. سونداي-اق قىزمەتتى تۇتىنۋشىعا باعدارلاۋعا, تۇتىنۋشىنى اقپاراتتاندىرۋعا, ءتۇرلى قيىنشىلىقتارعا توزىمدىلىك سىندى قۇزىرەتتەردى دامىتۋعا ەرەكشە نازار اۋدارىلادى.
جالپى, جولداۋدى ىسكە اسىرۋ ماقساتىندا اكادەميا الداعى ۋاقىتتا تومەندەگى باعىتتاردا جۇمىس جاسايتىن بولادى:
ءبىرىنشى. «تسيفرلى قازاقستان» مەملەكەتتىك باعدارلاماسى شەڭبەرىندە «تسيفرلى اكادەميا» جوباسى جۇزەگە اسىرىلادى. بۇل اكادەمياعا مەملەكەتتىك قىزمەتشىلەردىڭ ءىت قۇزىرەتتەرىن كۇشەيتۋ ءۇشىن ورتالىق بولۋعا مۇمكىندىك بەرەدى جانە جولداۋدا ماڭىزدىلىعى اتاپ وتىلگەن, مەملەكەتتىك ورگاندارداعى ۇدەرىستەردى تسيفرلاندىرۋعا جاعداي جاسايدى.
ەكىنشى. الەمدە بولىپ جاتقان قارقىندى وزگەرىستەرگە بەيىمدەلۋ ءۇشىن ءبىرىنشى كەزەكتە مەملەكەتتىك باسقارۋ سالاسىنا زاماناۋي تەحنولوگيالاردى ەنگىزۋ قاجەت. سولاردىڭ ءبىرى – باعدارلامالىق جانە جوبالىق باسقارۋ. اكادەميا وسى باعىتتا ءبىراز جۇمىستاردى قولعا الىپ, تەك قانا وقىتۋمەن شەكتەلمەي, ادىستەمەلىك قولداۋ كورسەتۋ مەن مامانداردى كاسىبي سەرتيفيكاتتاۋ جۇيەسىن ەنگىزۋدە. بۇل جۇمىستاردى اتقارۋ ماقساتىندا اكادەمياعا تاجىريبەلى, وتاندىق زاڭنامانى بىلەتىن, ناقتى جوبالاردى جوسپارلاۋ, ىسكە اسىرۋ, مونيتورينگ جۇرگىزۋگە قاتىسقان ماماندار تارتىلادى.
اكادەميانىڭ نەگىزىندە قۇرىلعان مەملەكەتتىك باسقارۋدىڭ جوبالىق مەنەدجمەنتىن دامىتۋ ورتالىعى 2018 جىلدان باستاپ مەملەكەتتىك قىزمەتشىلەردى 2 ستاندارت بويىنشا سەرتيفيكاتتايتىن بولادى.
ەلباسى جولداۋىندا ءار مىندەتكە قاتىستى ناقتى ماقسات قويىپ وتىر. مىسالى, يندۋستريالاندىرۋدىڭ ءۇشىنشى بەس جىلدىعىن ازىرلەۋ. ول جاڭا باعدارلاما مەن بىرنەشە جاڭا جوبا پايدا بولادى دەگەن ءسوز. اگروونەركاسىپ كەشەنى بويىنشا 5 جىلدا ەڭبەك ونىمدىلىگىن 2,5 ەسە ارتتىرۋ, كولىك-لوگيستيكا ينفراقۇرىلىمى بويىنشا 2020 جىلى ترانزيتتەن تۇسەتىن تابىستى 5 ملرد دوللارعا جەتكىزۋ, قۇرىلىس سالاسى بويىنشا 2030 جىلى باسپانامەن قامتۋ كورسەتكىشىن ءبىر تۇرعىنعا شاققاندا 30 شارشى مەترگە جەتكىزۋ – ناقتى باعدارلامالار مەن جوبالاردىڭ ماقساتتارى. وسى جوبالاردى ءتيىمدى باسقارا الاتىن جاڭا تەحنولوگيالاردى مەڭگەرگەن باسشىلار – جوبالىق مەنەدجەرلەر قاجەت.
ءۇشىنشى. پرەزيدەنت وڭىرلەردەگى مەملەكەتتىك قىزمەتتىڭ تيىمدىلىك الەۋەتىن ولاردىڭ ەكونوميكالىق دەربەستىگى مەن جاۋاپكەرشىلىگىن ارتتىرۋ ارقىلى مەيلىنشە تولىق اشۋ كەرەكتىگى تۋرالى ايتتى. وسىعان بايلانىستى «كوركەيگەن وڭىرلەر – مىقتى قازاقستان» فورمۋلاسى جاڭا يمپۋلسكە يە بولۋدا جانە قازاقستاننىڭ جۇيەلى دامۋىنا قىزمەت ەتەتىن بولادى.
وڭىرلىك مەملەكەتتىك قىزمەت الەۋەتىن كۇشەيتۋ بەلگىلى ءبىر شامادا مەملەكەتتىك قىزمەتشىلەردى بىرىڭعاي وقىتۋ جۇيەسىن قۇرۋعا ىقپال ەتەتىنىن اتاپ وتكەن ءجون, وندا اكادەميا مەن ونىڭ بارلىق وبلىس ورتالىقتارىنداعى جانە الماتى قالاسىنداعى فيليالى ورتالىق ورىن بولىپ تابىلادى.
اكادەميانىڭ فيليالدىق جەلىسىن قۇرۋ پرەزيدەنت اكىمشىلىگىنىڭ تاپسىرماسىنا سايكەس جۇزەگە اسىرىلدى جانە ول 2017 جىلدىڭ جەلتوقسان ايىندا اياقتالدى. 2018 جىلى تولىققاندى جۇمىس جاساۋعا ءوتۋ مەملەكەتتىك قىزمەتشىلەردى بىرىڭعاي وقىتۋ ستاندارتتارىنا كوشىرۋگە جانە وڭىرلەردى دامىتۋدىڭ اعىمداعى جانە پەرسپەكتيۆالى قاجەتتىلىكتەرىن ەسكەرۋگە مۇمكىندىك بەرەدى.
جالپى ايتقاندا, جولداۋدىڭ ء«تيىمدى مەملەكەتتىك باسقارۋ» مىندەتى – مەملەكەتتىك قىزمەت الەۋەتىنىڭ دامۋىنا حالىقتىڭ سەنىمى ارتاتىن بولادى, سونىمەن قاتار ول قازاقستاننىڭ دامۋىنا ۇلەسىن قوسادى دەگەن سەنىمدەمىز.
فاتيما جاقىپوۆا, مەملەكەتتىك باسقارۋ اكادەمياسىنىڭ رەكتورى