ءماجىلىس سپيكەرى نۇرلان نىعماتۋليننىڭ توراعالىعىمەن وتكەن پالاتانىڭ بيۋرو وتىرىسىندا الداعى جالپى وتىرىستىڭ كۇن ءتارتىبى ناقتىلاندى, دەپ حابارلادى ءماجىلىستىڭ ءباسپاسوز قىزمەتى.
دەپۋتاتتار وسى كۇنى قازاقستان مەن ازەربايجان رەسپۋبليكالارىنىڭ ۇكىمەتتەرى اراسىنداعى تابىس پەن م ۇلىككە قوسارلانعان سالىق سالۋدى بولدىرماۋ جانە سالىق تولەۋدەن جالتارۋعا جول بەرمەۋ تۋرالى كونۆەنتسياعا وزگەرىستەر مەن تولىقتىرۋلار ەنگىزۋ تۋرالى ەكى ەل اراسىنداعى حاتتامانى راتيفيكاتسيالاۋ تۋرالى زاڭ جوباسىن قاراۋ جونىندە شەشىم قابىلدادى. سونداي-اق قازاقستان رەسپۋبليكاسىنىڭ ۇكىمەتى مەن بىرىككەن ۇلتتار ۇيىمى اراسىنداعى سولتۇستىك جانە ورتالىق ازيا ءۇشىن سۋبوڭىرلىك بولىمشەگە ارنالعان اكىمشىلىك جانە قارجىلىق راسىمدەرگە قاتىستى كەلىسىمدى راتيفيكاتسيالاۋ تۋرالى زاڭ جوباسى وسى كۇنگى وتىرىستىڭ كۇن تارتىبىنە ەنگىزىلدى.
بيۋرو وتىرىسىندا قورعانىس ونەركاسىبى جانە مەملەكەتتىك قورعانىستىق تاپسىرىس جانە قاۋىپسىزدىك كەڭەسى, ۆاليۋتالىق رەتتەۋ جانە ۆاليۋتالىق باقىلاۋ تۋرالى زاڭداردىڭ جوبالارى ىلەسپە تۇزەتۋلەرىمەن, كەيبىر زاڭنامالىق اكتىلەرگە ءدىني قىزمەت جانە ءدىني بىرلەستىكتەر ماسەلەلەرى مەن قازاقستان رەسپۋبليكاسىنىڭ كەيبىر زاڭنامالىق اكتىلەرىنە الەۋمەتتىك قامسىزداندىرۋ, سونداي-اق دارىلىك زاتتار مەن مەديتسينالىق بۇيىمداردىڭ اينالىسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوبالارىنا وزگەرىستەر مەن تولىقتىرۋلار ەنگىزۋ تۋرالى زاڭ جوبالارىن تالقىلاۋ ماسەلەسى قارالدى.
سونىمەن قاتار باسقا دا بىرقاتار زاڭ جوبالارىن تالقىلاۋ ماقۇلداندى.