ماجىلىستەگى «اق جول» دەموكراتيالىق پارتياسىنىڭ فراكتسياسى وتكەن جىلدىڭ قازان ايىندا پرەمەر-ءمينيستردىڭ ورىنباسارى ەربولات دوساەۆقا دەپۋتاتتىق ساۋال جولداپ, وندا دەنساۋلىق ساقتاۋ نىساندارىن جەكەشەگە ساتۋدىڭ ناقتى شارتتارى بار باعدارلاما ازىرلەپ الماي توقتاتا تۇرۋ كەرەك ەكەنىن وتىنگەنبىز. ءبىز اسىعىس جەكەشەلەندىرۋدىڭ كەسىرىنەن مەملەكەت ءتيىستى دەڭگەيدە ناقتى تابىس الا المايتىنىن, سونىمەن بىرگە نىساننىڭ ءوزى دە قوسىمشا ينۆەستيتسيا تارتا المايتىنىن ەسكەرتكەنبىز.
وكىنىشكە قاراي ءبىزدىڭ قاۋپىمىز شىنعا اينالدى. ماسەلەن, قىركۇيەك ايىندا پاۆلودار قالاسىندا وبلىستىق دياگنوستيكالىق ورتالىق پەن ەكى ەمحانا ساتۋعا قويىلدى. دياگنوستيكالىق ورتالىقتىڭ باستاپقى باعاسى – 557 ملن №1 ەمحانانىڭ باستاپقى باعاسى – 224 ملن جانە №2 ەمحانانىڭ باستاپقى باعاسى 347 ملن تەڭگە دەپ كورسەتىلدى. ساتۋ بارىسىندا دياگنوستيكالىق ورتالىق باستاپقى باعادان ارزانداتىلىپ, تەك 315 ملن تەڭگەگە ساتىلدى. بۇل باعا فراكتسيا دەپۋتاتتارىنىڭ الاڭداۋشىلىعىن تۋدىرىپ وتىر. ويتكەنى باق حابارلارىنا قاراعاندا 7104 شارشى مەتر بولاتىن ورتالىقتاعى عيماراتتىڭ اۋماعى عانا ميلليارد تەڭگەدەن (وبلىس ورتالىعىنداعى ورتاشا باعا 1 شارشى مەترگە 155 مىڭ تەڭگە) اسىپ وتىر. ونىڭ ۇستىنە ورتالىقتاعى وتە ساپالى ماگنيتتى-رەزونانستىق توموگراف, رەنتگەن اپپاراتى, تسيفرلى جۇيەسى بار ۋدز, باۋىرعا فيبروسكانەر جاساي الاتىن اپپارات, مامموگراف جانە ت.ب. باعاسىنىڭ ءوزى 500 ملن تەڭگەدەن اسىپ كەتەدى. وسىلاردى ەسكەرە وتىرىپ تالداساق, دياگنوستيكالىق ورتالىق ءوز باعاسىنان 5 ەسە ارزانعا ساتىلعان. بۇدان كىم ۇتتى؟
مەملەكەتتىك م ۇلىكتى باسقارۋ جونىندەگى كوميتەتتىڭ ۆەب-پورتالىندا باسقا دا ماڭىزدى مەملەكەتتىك مەكەمەلەردى ساتۋ تۋرالى حابارلاندىرۋ ىلىنگەن. سونىڭ ىشىندە «قازاقتىڭ كوز اۋرۋلارى ينستيتۋتىنىڭ عىلىمي-زەرتتەۋ ينستيتۋتى», «جاربوسىنوۆ اتىنداعى ۋرولوگيا عىلىمي ورتالىعى» جانە ت.ب. بار. ءبىز بۇلاردىڭ دا باعاسى تومەندەپ كەتە مە دەپ قاۋىپتەنەمىز.
اتالعان كوميتەتتىڭ دەرەكتەرىنە قاراعاندا, رەسپۋبليكالىق مەنشىكتە تۇراتىن «ۇلتتىق كارديولوگيا عىلىمي ورتالىعى» اق پەن «ۇلتتىق نەيروحيرۋرگيا عىلىمي ورتالىعى» اق-تى 2018 جىلدىڭ مامىر ايىنا ساتۋ بەلگىلەنگەن. ەگەر ءبىرىنشى اۋكتسيوندا الۋشى تابىلماسا, بۇلاردىڭ باعالارى دا ەكى ەسەگە دەيىن تومەندەتىلۋى مۇمكىن. سوندا بارىنشا قىمبات دۇنيەلەرىمىزدى ءوز باعاسىنان ەكى, كەيدە ءتىپتى ودان دا كوپ سوماعا ارزانداتقاننان نە ۇتامىز؟ ناقتى قاراجاتى بار الۋشى تابىلماسا ساتۋدى كەيىنگە قالدىرۋعا نەگە بولمايدى؟ قازىرگى جەكەشەلەندىرۋ بۇرىنعى جۇمىستى جۇرگىزۋ ءۇشىن امالسىز ساتۋ ەمەس قوي. مەملەكەت جىل سايىن دەنساۋلىق ساقتاۋ سالاسىنا 1 ترلن-نان ارتىق قاراجات بولەدى, قانشاما قىمبات قۇرال-جابدىقتار الادى. سونىڭ ءبارى ەسەپكە الىنباي, جەكەمەنشىكتىڭ قولىنا ارزانعا كەتىپ جاتقانى جانىڭدى اۋىرتادى. ال ەگەر مەملەكەت اياق استىنان مەديتسينالىق حولدينگتەر قۇرعىسى كەلسە اتالعان نىسانداردى قايتادان ساتىپ الادى, بىراق بۇل جولى تولىق باعاسىن تولەيتىنى ءسوزسىز.
وسى ماسەلەلەرگە جانىمىز اشىعاندىقتان ءبىز پرەمەر-ءمينيستردىڭ ورىنباسارى ەربولات دوساەۆقا دەپۋتاتتىق ساۋال جولداپ, تومەندەگى تالاپتاردى قويدىق:
1. دەنساۋلىق ساقتاۋ نىساندارىن جەكەشەلەندىرۋدىڭ ناقتى باعدارلاماسى جاسالىپ, وندا ساتۋدىڭ شارتتارى ايتىلىپ, مەملەكەت پەن قوعامعا تيگىزەتىن پايداسى اتاپ كورسەتىلسىن;
2. وسى باعدارلاما دايىن بولعانشا جەكەشەلەندىرۋ پروتسەسىن توقتاتا تۇرۋ قاجەت;
3. ءتيىستى ورگاندارعا پاۆلودارداعى دياگنوستيكالىق ورتالىقتىڭ 5 ەسە ارزانعا ساتىلۋىنىڭ زاڭدىلىعى تەكسەرىلسىن.
دانيا ەسپاەۆا,
ءماجىلىس دەپۋتاتى