2017 جىلى ۇلتتىق قورعا 2 ترلن تەڭگەدەن استام تولەمدەر ءتۇستى, دەپ حابارلايدى LS سايتى.
2016 جىلعى كورسەتكىشپەن سالىستىرعاندا (1,1 ترلن تەڭگە) بۇل كورسەتكىش 78,6% ءوستى. اتىراۋ وبلىسى ۇلتتىق قورعا - 1,1 تريلليون تەڭگە جىبەرسە, ماڭعىستاۋ وبلىسى - 388,2 ملرد, باتىس قازاقستان وبلىسى - 269 ملرد, قىزىلوردا وبلىسى - 100 ملرد, الماتى وبلىسى - 335 ملن, جامبىل وبلىسى - 19,6 ملن, وڭتۇستىك قازاقستان وبلىسى - 8 ملرد, اقمولا وبلىسى - 7,1 ملن, قوستاناي وبلىسى - 3,4 ملن, قاراعاندى وبلىسى - 4,3 ملن, پاۆلودار وبلىسى - 1,6 ملن جانە اقتوبە وبلىسى - 116,7 ملرد تەڭگە قوستى. ال الماتى قالاسىنىڭ وزىنەن 9 ملرد تەڭگە بولسا, شىعىس قازاقستان وبلىسىنان 3,7 ملرد تەڭگە ۇلتتىق قورعا ءتۇستى.
سونىمەن قاتار سولتۇستىك قازاقستان وبلىسىنان ەشقانداي تولەم جاسالماعانىمەن, استانادان تۇسەتىن ءتۇسىم 6,6 ميلليارد تەڭگەنى قۇرادى. ۇلتتىق قورعا ەڭ كوپ تولەمىن سالعان - مۇناي سەكتورى ۇيىمدارى (782,8 ملرد), ونىڭ ىشىندە; مۇناي سالاسىنىڭ ۇيىمدارىنان پايدالى قازبالاردى ءوندىرۋ سالىعى (626,3 ملرد تەڭگە), مۇناي سەكتورى ۇيىمدارىنىڭ جاساعان كەلىسىمشارتتارى بويىنشا ونىمدەردەگى قازاقستاننىڭ ۇلەسىنە (285,9 ملرد) جانە مۇناي سەكتورى كاسىپورىندارىنان ەكسپورتتالاتىن شيكى مۇنايعا, گاز كوندەنساتىنا جالداۋ سالىعى بار (250,4 ملرد). بۇدان باسقا, مۇناي سەكتورىنداعى كومپانيالاردىڭ ۇستەمە پايداسىنا سالىق رەتىندە 50,6 ملرد تەڭگە قوسىلدى.