قوستاناي قالالىق ىشكى ىستەر باسقارماسىنىڭ «سەۆەرنىي» بولىمشەسىنىڭ كەڭسەسى جوندەلىپ, قايتا پايدالانۋعا بەرىلدى. بۇل 1972 جىلى سالىنعان تيپتىك بالا باقشا بولاتىن. بىراق سودان بەرى , مىنە 45 جىل ەشقانداي جوندەۋ كورمەگەن. 2006 جىلى قالالىق ىشكى ىستەر باسقارماسىنىڭ «سەۆەرنىي» بولىمشەسى اشىلدى دا, ولار 90-شى جىلدارى بوساپ قالعان بالا باقشا عيماراتىنا ورنالاسقان بولاتىن.
«وسىدان ءبىر جىل بۇرىن وبلىس اكىمى ارحيمەد مۇحامبەتوۆ ەكەۋىمىز كەلىپ, كورگەندە جاعامىزدى ۇستاعان ەدىك. قىس ايىندا بولىمشە قىزمەتكەرلەرى قولعاپ كيىپ وتىر ەكەن. ال تيپتىك كەڭسە سالۋ 1,5 ميلليارد قاراجاتتى قاجەت ەتەدى. ءبىز تىعىرىقتان جول تاپتىق» دەيدى وبلىستىق ىشكى ىستەر دەپارتامەنتىنىڭ باستىعى, گەنەرال-مايور بەكەت ايماعامبەتوۆ.
گەنەرال ايتسا ايتقانداي, اپاتتى جاعدايدىڭ الدىندا تۇرعان عيماراتتى قالپىنا كەلتىرۋگە بارلىعى 327 ميلليون تەڭگە جۇمسالدى. وعان كەڭسەنىڭ توبەسى, ەسىك-تەرەزەلەرى, سانيتارلىق تەحنيكاسى, جىلۋ, سۋ قۇبىرلارى تۇگەلدەي جاڭارتىلدى.
«بۇرىن عيماراتتا وتكىزۋ بەكەتى بولمايتىن. قازىر وعان رەنتگەن وتكىزگىش قويىلدى, كابينەتتەر كوبەيتىلدى, ولاردىڭ بارلىعى ۆيدەوكامەرالارمەن جابدىقتالدى. كامەرالار تەرگەۋشىلەر جۇمىسىنداعى كەلەڭسىز جاعدايلاردىڭ الدىن الاتىن بولادى» دەدى «سەۆەرنىي» بولىمشەسىنىڭ باستىعى, پودپولكوۆنيك جانسەرىك حاسانوۆ.
ەندى ءبىر-ەكى كۇندە كەڭسە جيھازبەن جابدىقتالىپ, التى اي بويى باسقا ورىندا ۋاقىتشا وتىرعان قىزمەتكەرلەر كەڭسەگە جايعاساتىن بولادى.
ءنازيرا جارىمبەت
«ەگەمەن قازاقستان»
قوستاناي