كاسپي ماڭى مەملەكەتتەرى قارا جانە جەرورتا تەڭىزدەرىندەگىدەي پورتتاردا كەمەلەردى مەملكەتتىك باقىلاۋ بىرىڭعاي رەجيمىن بەكىتۋگە شەشىم قابىلدادى. سول سەبەپتى قر ينۆەستيتسيالار جانە دامۋ مينيسترلىگى باسقا ەلدەردىڭ سالالىق ۆەدومستۆولارىمەن پورتتىق باقىلاۋدى ىسكە اسىرۋ تارتىبىنە قاتىستى كەلىسۋ جونىندە جۇمىستار اتقارۋدا, دەپ حابارلايدى ينۆەستيتسيالار جانە دامۋ مينيسترلiگiنىڭ بااسپاسز قىزمەتى.
بىرىڭعايلانعان ءتاسىل تەڭىز كەمەلەرىنىڭ تەحنيكالىق قاۋىپسىزدىگىن ارتتىرۋعا جانە ايماقتا سۋبستاندارتتى كەمەلەردى پايدالانۋدى بولدىرماۋعا مۇمكىندىك بەرەدى. بۇل ءوز كەزەگىندە تەڭىز اۆاريالارىنىڭ سانىن ازايتۋعا, كەمە ەكيپاجى مۇشەلەرى مەن جولاۋشىلار ءومىرىنىڭ قاۋىپسىزدىگىن ارتتىرۋعا, كولىك قۇرالدارى مەن جۇكتەردىڭ ساقتالۋىن قامتاماسىز ەتۋگە ىقپال ەتەدى.
سونىمەن بىرگە, تەحنيكالىق جاعدايى جاقسى كەمەلەردى تەكسەرۋ سانى قىسقارادى جانە كەمەنىڭ ءجۇزۋ قاۋىپسىزدىگى تۇرعىسىنان قاۋىپتى كولىك قۇرالدارىن تەكسەرۋ ءۇشىن رەسۋرستاردى پايدالانۋ تيىمدىلىگى ارتادى.
قازىرگى ۋاقىتتا كاسپيدە 1600-گە جۋىق تەڭىز كەمەسى پايدالانىلۋدا. ولاردىڭ 320-سى قازاقستان تۋىمەن جۇرەدى. 2017 جىلى قازاقستاندىق پورتتارعا شامامەن 2 مىڭ كەمە كىرگەن.