ورتالىق كوممۋنيكاتسيالار قىزمەتىندە «قازاقستان بلوكچەين جانە كريپتوۆاليۋتا اسسوتسياتسياسى» كەڭەسىنىڭ توراعاسى ەسەت ءبۋتيننىڭ قاتىسۋىمەن ءباسپاسوز كونفەرەنتسياسى ءوتتى. شارا بارىسىندا قازاقستان رەسپۋبليكاسىندا بلوكچەين تەحنولوگياسىنىڭ كەلەشەگى تۋرالى ايتىلدى.
«2017 جىلعى 17 قاراشادا «قازاقستان بلوكچەين جانە كريپتوۆاليۋتا اسسوتسياتسياسى» زاڭدى تۇلعالار بىرلەستىگى قۇرىلدى. بىرلەستىك قازاقستان ەكونوميكاسىنا بلوكچەين تەحنولوگياسىن شەتەلدىك وزىق تاجىريبەلەردى قولدانا وتىرىپ ەنگىزۋ ءۇشىن قۇرىلعان بولاتىن. ونىڭ ماقساتى – ەلىمىزدە بلوكچەين تەحنولوگياسىن ىلگەرىلەتۋ جانە بىرىكتىرۋ. اسسوتسياتسيا كريپتوۆاليۋتا نارىعىن جانە ICO-نى زاڭداستىرۋ باعىتىندا قازاقستاندىق رەتتەۋشىلەرمەن جۇمىس ىستەۋدى جوسپارلاپ وتىر. سونداي-اق بلوكچەين تەحنولوگياسى زاڭنامالىق باستامالاردى ازىرلەۋمەن قاتار, ءىرى جوبالاردى ىسكە اسىرۋ بارىسىندا اسسوتسياتسيا مۇشەلەرىنىڭ كۇش-جىگەرىن جۇمىلدىرۋ بويىنشا جۇمىس جۇرگىزەتىن بولادى. قبكا قۇرامىنا مەديتسينا, قارجى, ينجينيرينگ سالالارىندا بلوكچەين جوبالاردى ەنگىزبەكشى بولىپ وتىرعان مەدەلەمەنت, سانسكريت, اسىل توبە, تەحسول ينجينيرينگ جانە باسقا دا قازاقستاندىق جەتەكشى كومپانيالار كىردى. قازىرگى تاڭدا بىرلەستىككە قاتىسۋعا نيەت بىلدىرگەن تۇلعالاردان اي سايىن وتىزدان استام ءوتىنىش ءتۇسىپ وتىرادى», دەدى ە.بۋتين.
سونداي-اق ول وسى قىسقا مەرزىم ىشىندە قبكا احقو-مەن ىنتىماقتاستىق تۋرالى كەلىسىمگە كەلىپ, ءوزارا تۇسىنىستىك جونىندە مەموراندۋمعا قول قويعانىن جەتكىزدى.
«وڭتۇستىك كورەيا استاناسى سەۋلدە وتكەن حالىقارالىق بلوكچەين-كونفەرەنتسيا اياسىندا قبكا بلوكچەين يندۋسترياسىن ىلگەرىلەتۋ جونىندەگى كورەيا اسسوتسياتسياسىمەن ىنتىماقتاستىق تۋرالى كەلىسىمگە قول قويدى. وسى مەموراندۋمدار اياسىندا تاراپتار كەلەسى باعىتتار بويىنشا ىنتىماقتاستىق قۇرۋدى قاجەت دەپ تاپتى. ولار قارجىلىق تەحنولوگيالار, جاسىل قارجى, اكتيۆتەردى باسقارۋ, ينۆەستيتسيالىق كراۋدينۆەستينگ ورتانى دامىتۋ, ICO جانە كراۋدفاندينگ, بلوكچەين تەحنولوگياسى», دەدى ول.
راۋان قايدار,
«ەگەمەن قازاقستان»