ۇلىلار مەكەنى اباي اۋدانىندا سوڭعى جىلدارى كەن وندىرۋگە باسىمدىق بەرىلە باستادى. جاقىندا اۋدان اكىمى جارقىنبەك بايسابىروۆ پەن «باست» اق پرەزيدەنتى ۆ.يپاتوۆ ەكى جاقتى ىنتىماقتاستىق كەلىسىمىنە قول قويدى.
اتالعان كاسىپورىن بىرنەشە جىلدان بەرى اۋدان اۋماعىندا مىس, مىرىش كونتسەنترانتىن ءوندىرىپ جاتقانى بەلگىلى. وتكەن جىلى 400 توننادان استام كونتسەنتراتتتى يگەرگەن كاسىپورىن 2018 جىلى بۇل كورسەتكىشتى 1000 تونناعا دەيىن جەتكىزۋدى جوسپارلاپ وتىر.
كەزدەسۋ بارىسىندا بىرقاتار ناتيجەلى كەلىسىمدەرگە قول جەتكىزىلدى. الداعى ۋاقىتتا اباي كوللەدجىن دانەكەرلەۋشى, قۇرىلىس مامانى, سلەسار, تراكتوريست-ماشينيست, اسپاز ماماندىقتارى بويىنشا تامامداعان ستۋدەنتتەر اتالمىش كەن ورنىنان ءىس-تاجىريبەدەن ءوتىپ, جۇمىسپەن قامتاماسىز ەتىلەتىن بولادى. سونىمەن قاتار ءوندىرىس ورنىنىڭ فيليالى اباي اۋدانىنا تىركەۋگە تۇرىپ, زاڭ اياسىندا سالىق تۇسىمدەرىن تولىق اۋدارىپ وتىرۋعا مىندەتتەلدى.
«بۇل مەموراندۋم اباي اۋدانىنىڭ تۇرعىندارىن جانە جەرگىلىكتى كاسىپتىك ءبىلىم بەرەتىن اباي كوللەدجىنىڭ تۇلەكتەرىن جۇمىسپەن قامتۋعا زور مۇمكىندىك تۋدىرىپ وتىر. اۋدان بيۋدجەتىن قۇرايتىن سالىق تۇسىمدەرى دە ارتىپ, الداعى ۋاقىتتا «باست» اق-ى «تۋعان جەر» باعدارلاماسى اياسىندا دەمەۋشىلىك جاساپ, قول ۇشىن سوزۋعا ىقتيار ەكەندىگىن ايتتى», - دەيدى اۋدان اكىمى جارقىنبەك بايسابىروۆ.
ازامات قاسىم,
«ەگەمەن قازاقستان»
شىعىس قازاقستان وبلىسى,
اباي اۋدانى