Apple كومپانياسىنىڭ باس ديرەكتورى تيم كۋك استانا قالاسىنىڭ تۇرعىنى نازىم جانعازينوۆاعا جاڭا جىل قارساڭىندا سىيلىق جاسادى.
«تاڭەرتەڭ قولىندا سىيلىق قوراپشاسى بار كۋرەر ەسىگىمدى قاقتى. باستاپقىدا ارىپتەستەرىمنىڭ نەمەسە تۇتىنۋشىلارىمنىڭ سالەمدەمەسى شىعار دەگەن ويدا بولدىم. ىشىندە «نازيعا ارنالعان» دەگەن جازۋى بار ەكەن», دەدى نازىم جانعازينوۆا.
ال حاتتا بىلاي دەپ جازىلىپتى:
«بىردە ستيۆ دجوبس تۇلەكتەرمەن وتكىزگەن كەزدەسۋىندە: ء«بارىڭىزدىڭ ۋاقىتتارىڭىز ولشەۋلى, سوندىقتان ونى بىرەۋدىڭ ومىرىنە ارناپ, بولماشى نارسەگە جۇمساماڭىزدار. دوگمالاردىڭ قۇرعان قاقپانىنا ءتۇسىپ قالماڭىزدار. ياعني, بىرەۋدىڭ ءجون كورسەتۋىمەن, بىرەۋدىڭ ايتۋىمەن ءومىر سۇرۋدەن ساق بولىڭىزدار. جان-دۇنيەڭىزدىڭ قالاۋىن بوتەن بىرەۋدىڭ پىكىرىنە بولا قۇربان ەتپەڭىزدەر. ءوزىڭىزدىڭ جۇرەگىڭىز, ىشكى تۇيسىگىڭىز قالاعان جولمەن جۇرۋدەن قورىقپاڭىزدار. سەبەبى, ءسىزدىڭ كىم بولعىڭىز كەلەتىنى ولارعا بەلگىلى. ال قالعاندارىن ەكىنشى ورىنعا ىسىرىپ قويۋ قاجەت.
قۇرمەتتى, نازىم, ءستيۆتىڭ نۇسقاۋىمەن ءجۇرىپ كەلە جاتقانىڭىزعا جانە Apple برەندىنىڭ تۇراقتى تۇتىنۋشىسى بولعانىڭىزعا العىس بىلدىرەمىز! العاشىندا سىزگە IphoneX سىيلاعىمىز كەلگەن ەدى. بىراق ماكبۋگىڭىزگە سۋ توگىپ العانىڭىز تۋرالى جازباڭىزدى وقىدىق. وسىدان كەيىن سىزگە سوڭعى ۇلگىدەگى ءارى جاقسارتىلعان ماكبۋك سىيلاۋدى ءجون كوردىك. كەلەسى جىلى اقىلىڭىز مۇنان دا تولىسقان, بيىك بەلەستەردى باعىندىرعان جان بولىڭىز!
قۇرمەتپەن, تيم كۋك!» دەلىنگەن.