«سامۇرىق-قازىنا» ۇلتتىق ءال-اۋقات قورىنىڭ باسقارما توراعاسى تيمۋر ق ۇلىباەۆ باستاعان مەنەدجەرلەر دەلەگاتسياسى جۇمىس بابىمەن ۇلىبريتانياعا كەلدى. سوعان وراي كەشە لوندون قور بيرجاسىندا «قازاقستان كۇنى» وتكىزىلدى.
بيزنەس-فورۋم تۇرىندە وتكەن ءىس-شارالار بارىسىندا «حالىقتىق ءىرو», «بيزنەس-احۋال جانە قازاقستانعا ينۆەستيتسيالىق اعىندار», «قازاقستاندىق زەينەتاقى قورلارىنا ينۆەستيتسيالار», «جەكە كاپيتالدىڭ وسۋىندەگى جاھاندىق ترەندتەر» دەگەن نەگىزگى ءتورت تاقىرىپ بويىنشا پىكىرتالاستار ءوربىدى.
اسىرەسە, حالىقتىق ءىرو باعدارلاماسى بريتان ىسكەر توپتارىنىڭ ايرىقشا قىزىعۋشىلىعىن تۋدىردى. قور باسقارماسى توراعاسىنىڭ ورىنباسارى قۋاندىق بيشىمباەۆ قوردىڭ باسقارۋىنداعى جەتەكشى مەملەكەتتىك كومپانيالاردىڭ اكتسيالارىن قازاقستاندىقتارعا ساتۋ جوسپارى تۋرالى اڭگىمەلەدى.
سول سياقتى لوندوندا «ەنەرگەتيكا جانە بالاما كوزدەردى دامىتۋ», «كەن-مەتاللۋرگيا ونەركاسىبىن دامىتۋ», «فارماتسەۆتيكالىق كومپانيالار قىزمەتى ماسەلەلەرى بويىنشا پانەلدىك پىكىرسايىس» جانە «قازاقستانداعى حيميالىق جوبالار: جاعداياتتار مەن ءمۇمكىندىكتەر» ماسەلەلەرى بويىنشا پانەلدىك سەسسيالار ءوتتى.
«ەگەمەن-اقپارات».