سەنساتسيا! «استانا» چەحيالىق «سلاۆيانى» جەڭىپ, پلەي-وففقا شىقتى

ەۋروپا ليگاسى توپتىق كەزەڭىنىڭ شەشۋى راۋندىندا ەلوردالىق كلۋب سىرت الاڭدا چەحيانىڭ «سلاۆيا» كلۋبىن 1:0 ەسەبىمەن جەڭىپ تۇڭعىش رەت ءتۋرنيردىڭ 1/16 فينالىنا شىقتى. ويىننىڭ 38 مينۋتىندا مارين انيچيچ گول سوعىپ, «استانانى» العا شىعاردى. قۋانىشىمىزعا وراي, بۇل – ويىنداعى جالعىز گول ەدى. الاڭ يەلەرى ۇلكەن كۇشپەن شابۋىلداسا دا, «استانا» قاقپاسىنىڭ كىلتىن تابا المادى. وسىلايشا, "استانا" 10 ۇپايمەن "ا" توبىندا ۆيلياررەالدان كەيىنگى ەكىنشى ورىندى يەلەندى. 

وسىعان دەيىن ەشقانداي قازاقستاندىق كلۋب توپتىق كەزەڭنەن وتە الماعان. «استانانىڭ» بۇل جەڭىسى وسى سەبەپتى قازاقستان فۋتبولىنىڭ تاريحىندا التىن ارىپپەن جازىلادى.

1/16 فينالداعى ءوز قارسىلاسىن "استانا" 11 جەلتوقسان كۇنى بىلەتىن بولادى. جەرەبە نيۋوندا استانا ۋاقىتىمەن 18:00 وتەدى. 1/16 فينال ويىندارىنىڭ كوپشىلىگى 15 جانە 22 اقپان كۇندەرى وتپەك, الايدا ناقتى كۇنتىزبەنى ۋەفا جاقىن ارادا بەكىتپەك.