ەلباسى تەلەكوپىر بارىسىندا شىمكەنت قالاسىنداعى «حيمفارم» اكتسيونەرلىك قوعامىنىڭ قاتتى دارىلەر شىعاراتىن تسەحىن ىسكە قوستى.
جالپى قۇنى 13,5 ملن اقش دوللارى بولاتىن بۇل جوبا كاسىپكەرلىكتى قولداۋ كارتاسى اياسىندا جۇزەگە اسىرىلدى. ءونىمنىڭ 80 پايىزى ىشكى نارىققا, قالعان 20 پايىزى ەكسپورتقا جىبەرىلەدى دەپ جوسپارلانۋدا.
قاتتى ءدارى شىعاراتىن ءوندىرىس تسەحى زاماناۋي قۇرىلعىلارمەن جابدىقتالعان. مۇندا 72 ادام جۇمىسپەن قامتىلسا, ولاردىڭ باسىم بولىگى ارنايى Polpharma توبىنىڭ ۇزدىك ءوندىرىس ورىندارىندا وقىپ كەلگەن. بۇل جوبا - شىمكەنتتەگى ينۆەستيتسيالىق جوبانىڭ ماڭىزدى ءبىر بولىگى بولىپ تابىلادى.
كومپانيانىڭ باس ديرەكتورى يجي ۋربانەتس وسىمەن ءتورتىنشى تسەحتىڭ اشىلىپ وتىرعانىن جەتكىزدى.
ء«بىز جالپى كولەمى 108 ملن دوللار كولەمىندە ينۆەستيتسيا قۇيۋدى جوسپارلاپ وتىرمىز. جاڭا تسەحتى ىسكە قوسقاننان كەيىن ءبىز ەكسپورتتىق الەۋەتىمىزدى 5 ملرد تەڭگەگە جەتكىزە الامىز. «حيمفارمنىڭ» اتىنان فارماتسەۆتيكالىق سالانى قولداپ, ينۆەستورلارعا ىڭعايلى جاعداي جاساعانىڭىز ءۇشىن العىس ايتامىز», - دەدى ۋربانەتس.
بۇگىنگى تاڭدا زاۋىتتا 1200-دەن استام جوعارى بىلىكتى مامان جۇمىس ىستەيدى. ءوندىرىستىڭ بارلىعى الەمدىك ساپا ستاندارتىنا ساي كەلەدى. «حيمفارم» اق جوبالارى پرەزيدەنتتىڭ فارماتسەۆتيكالىق سالاداعى وتاندىق ءوندىرىس ۇلەسىن ارتتىرۋ تاپسىرماسىمەن يندۋستريالاندىرۋ جانە جاھاندىق جاڭارۋ باعدارلاماسى اياسىندا جۇزەگە اسىرىلۋدا.
سالالىق GMP ستاندارىنا تولىق ساي كەلەتىنىن بۇل تسەحتا جىلىنا ءتۇرلى دەرتتى ەمدەۋگە ارنالعان 20 ميلليوننان استام قوراپ ءدارى شىعارىلادى. الداعى ۋاقىتتا تسەح جىلىنا 600 ميلليون تابلەتكا شىعارۋدى جوسپارلاپ وتىر. وعان مۇمكىندىگىمىز تولىق جەتەدى دەيدى كومپانيا وكىلدەرى.