6 قاراشادا قازاقستان پرەمەر-ءمينيسترى «روسكوسموس» باسشىلىعىمەن كەزدەستى. كەزدەسۋ بارىسىندا «پروتون» زىمىران تاسىمالداعىشىنىڭ ەكولوگيالىق قاۋىپسىزدىگىن ارتتىرۋ ماسەلەسى ءسوز بولدى جانە «KazSat-2» سەرىگىنىڭ جۇمىسى تالقىلاندى.
كەزدەسۋگە فەدەرالدىق عارىش اگەنتتىگىنىڭ باسشىسى ۆ.پوپوۆكين, ونىڭ ورىنباسارى س.ساۆەلەۆ, م.ۆ.حرۋنيچەۆ اتىنداعى مەملەكەتتىك عارىشتىق عىلىمي-وندىرىستىك ورتالىعىنىڭ باس ديرەكتورى ۆ.نەستەروۆ قاتىستى.
اڭگىمە بارىسىندا تاراپتار بايقوڭىر كەشەنىنەن ۇشىرىلاتىن «پروتون» زىمىران تاسىمالداعىشىنىڭ ەكولوگيالىق قاۋىپسىزدىگىن ارتتىرۋ ماسەلەسىنە توقتالدى, سونداي-اق «قازسات-2» سەرىگىنىڭ جۇمىسىن قامتاماسىز ەتۋ ماسەلەلەرى تالقىلادى.
«ەگەمەن-اقپارات».