وبلىستىق «ەرتىس مەديا» جشس ديرەكتورىنىڭ ورىنباسارى جۇمابەك سمانوۆ, «نايزاتاس» جۋرنالىنىڭ باس رەداكتورى اسىل ابىشەۆ باستاعان وڭىرلىك باق وكىلدەرىنىڭ تىلشىلەرى بالاباقشالاردا بالالاردى ۇلتتىق ويىندارمەن تانىستىرۋ, اسىق ويىناۋدىڭ تۇرلەرىنە قىزىعۋشىلىعىن وياتۋ, حالقىمىزدىڭ سالت-داستۇرلەرىنە دەگەن ولاردىڭ قىزىعۋشىلىعىن وياتۋ ماقساتىنا وراي شاقىرعان بۇل ۇسىنىستارىن اتا-انالار, بالاباقشالار ۇجىمى قولدادى.
قالاداعى «ەرتوستىك» دەپ اتالاتىن №35 بالاباقشادا «اسىق party» ويىنىنا 360 بالا قاتىسىپتى.اسىقتاردى دەنە شىنىقتىرۋ ساباعىندا ەمەس, اينالامەن تانىسۋ, ءتىل دامىتۋ, ماتەماتيكا ساباقتارىندا دا قولدانادى. دويبىنى اق جانە قارا ءتۇستى اسىقتارمەن وينايدى, سانداردى, الىپ-قوسۋدى دا ءتۇرلى-تۇسكە بويالعان اسىقتار ورناتىلعان ەسەپشوتتار ارقىلى مەڭگەرەدى.
تاربيەشىلەر حالىقتىق پەداگوگيكانىڭ ادىستەرىن قولدانۋدى جەتىلدىرىپ, ىزدەنىس ۇستىندە.
– قازىرگى عالىمدار ساۋساق جاتتىعۋلارىنىڭ پايداسى تۋرالى كوپ ايتادى. ال ءبىزدىڭ اتا-بابالارىمىز اسىق ويىندارى بالانىڭ مەرگەندىگىن ارتتىرىپ, لوگيكالىق ويلاۋ قابىلەتتەرىن بىلگەن, - دەيدى بالاباقشا مەڭگەرۋشىسى گۇلجاۋار اۋباكىروۆا.
بۇلدىرشىندەر تەك قانا اسىق اتۋ ويىنىنا قاتىسىپ قويماي, قوناقتار ءۇشىن اندەرى مەن بيلەرىن ورىنداپ بەردى. «اسىق party» ويىنى قازىر وبلىس ورتالىعىنداعى باسقا دا بالاباقشالاردا جالعاسۋدا.
فاريدا بىقاي «ەگەمەن قازاقستان» سۋرەتتى تۇسىرگەن: ايگۇل ەسەنالي