تاۋەكەل – تالاي عاسىرلار بويى تاۋەلدى بولىپ كەلگەن جۇرتقا تاۋەلسىزدىك بەردى. بۇگىندە جاسامپاز ەلىمىز جەر شارىنا اتاعى جايىلعان ابات ەلگە اينالدى. جاڭا داۋىرگە قادام باستى. كوپشىلىكتىڭ كوز الدىندا ەلدىڭ جاڭا تاريحى قالىپتاستى.
ۇلت تاريحىنداعى جاڭا ءداۋىردىڭ باستاۋى بولعان تاۋەلسىزدىگىمىزدىڭ 20 جىلدىعى – ەل ومىرىندەگى اسا ەلەۋلى وقيعاعا اينالۋى ءتيىس. سوندىقتان دا وسى ايتۋلى مەرەكەنىڭ شەڭبەرىندە اۋقىمدى ءىس-شارالار جوسپارلانىپ, ول ءىس-شارالار ەلىمىزدىڭ جيىرما جىلدا اسقان بەلەستەرىن, ياعني قول جەتكىزگەن زور جەتىستىكتەرىن قوعامعا جەتكىزۋگە, ناسيحاتتاۋعا باعىتتالماق. ويتكەنى وركەنيەت جولىمەن سەرپىندى دامىپ كەلە جاتقان مەملەكەتتىڭ باعىت-باعدارىن, الدىندا تۇرعان مىندەتتەرىن الەم جۇرتى مەن ءوز ەلىمىزدىڭ ۇلاندارى جان-جاقتى ءبىلۋى ءتيىس.
ەلباسى نۇرسۇلتان نازارباەۆ: «تاۋەلسىزدىك – اتا-بابالارىمىزدىڭ جۇزدەگەن جىلدارمەن ولشەنەتىن ارمان-اڭسارىنىڭ جۇزەگە اسقان اقيقاتى», – دەپ قازاق حالقىنىڭ ەجەلدەن تاۋەلسىزدىكتى اڭساي وتىرىپ, تالاي قيىندىقتى باستان كەشىرىپ, بۇگىنگى كۇنگە جەتكەندىگىن ايتادى. ازاتتىق رۋحى كەڭ كوسىلگەن ارقادان كەربەز الاتاۋعا دەيىنگى, التىن تامىر التايدان كارى كاسپيگە دەيىنگى ارالىقتا ۇلان-عايىر دالانىڭ ۇلى وركەنيەتىن قالىپتاستىرعان باتىر بابالارىمىزدىڭ قايسار مىنەزىنەن ويانعان ەدى. از ۋاقىتتىڭ ىشىندە ءبىز ەگەمەن ەلىمىزدىڭ الەۋمەتتىك-ەكونوميكالىق ءال-اۋقاتىن, مادەني, رۋحاني كەلبەتىن بۇرىن بولىپ كورمەگەن بيىك دەڭگەيگە كوتەردىك. اسەم دە, ايشىقتى ەلوردامىز – استانامىزدى ەلىمىزدىڭ تورىنە شىعاردىق.
سوڭعى جىلدارى ۇلتتىق مۇرانى قايتا تۇلەتۋ, ۇلتتىق مادەنيەتتى قولداۋ تۇرعىسىندا ۇلكەن ىستەر اتقارىلدى. بيىلدىڭ وزىندە ء"مادەني مۇرا" مەملەكەتتىك باعدارلاماسىن ىسكە اسىرۋ اياسىندا 51 تاريحي جانە مادەني ەسكەرتكىشتەر قالپىنا كەلتىرىلدى, ونداعان ارحەولوگيالىق ەسكەرتكىشتەرگە قولدانبالى عىلىمي زەرتتەۋلەر جۇرگىزىلدى. مەملەكەتتىك ءتىلدى دامىتۋ جونىندە جۇمىستار جۇيەلى جۇرگىزىلۋدە. "مەملەكەتتىك ءتىلدى دامىتۋ" پرەزيدەنتتىك قورى قۇرىلىپ, قازىردىڭ وزىندە بىرقاتار جاڭا جوبالاردى جۇزەگە اسىرا باستادى. ەلىمىزدىڭ ەقىۇ-عا توراعالىعى, استانا ءسامميتتى دە تاۋەلسىزدىك تۇعىرىنىڭ بەرىك ەكەندىگىن دالەلدەدى.
ەل تاۋەلسىزدىگىن ۇلىقتاعان قازاقستان تەك ەكونوميكالىق مودەلدى تاڭداۋمەن عانا شەكتەلمەدى. بۇل ورايدا كونستيتۋتسيالىق ەرەجەلەردى, سونداي-اق, ساياسي ينفراقۇرىلىمدى, دىنارالىق قارىم-قاتىناستى قامتيتىن ساياسي مودەلدى دە تاڭدادى. پرەزيدەنتتىڭ: «باسەكەگە قابىلەتتى ۇلت دەپ – ونىڭ ءاربىر وكىلىنىڭ باسەكەگە قابىلەتتىلىگىن, دايارلىق دەڭگەيىن, بىلىمدىك جانە دارالىق دامۋ دارەجەسىن ايتامىز» دەگەن ءسوزىنىڭ ءمان-ماعىناسى, ءسوز جوق, مەملەكەتتىك باعىتىمىزدىڭ نەگىزگى ارناسىمەن ۇشتاسادى. ەلباسى ايقىنداعان جەدەل جاڭارۋ جولى ەلدىكتى ويلاعان وتانداستارىمىزدان جاڭا ءارى سەرپىندى ىزدەنىستەردى تالاپ ەتەدى.
ۋاقىت – بارىنە سىنشى. سوندىقتان بۇگىنگى وتاندىق 147 جوعارى وقۋ ورنىن, بەينەلەپ ايتساق, قاتاڭ باسەكە-بايگە الدىنداعى 147 تالاپ پەن 147 ىزدەنىس دەپ ءتۇسىنۋ ورىندى سياقتى. ءبىلىم جانە عىلىم مينيسترلىگى مەن «نازارباەۆ ينتەللەكتۋالدىق مەكتەپتەرى» اق ازىرلەگەن تۇجىرىمداما جوباسىندا: «جاڭا جۇيەنىڭ باستى ەرەكشەلىكتەرىنىڭ ءبىرى رەتىندە مۇعالىمدەر بىلىكتىلىگىن ارتتىرۋ جونىندە ەندىگى ءبىرىڭعاي تۇجىرىمدامالىق ءادىس قولدانىلاتىندىعىن ايتۋىمىز كەرەك. وسى ءۇشىن الەمدىك ءتاجىريبە مەن قازىرگى زامانعى مەكتەپتەردىڭ تالاپتارى ەسكەرىلە وتىرىپ, دەڭگەيلىك كۋرستاردىڭ تاقىرىپتارى جەتى مودۋل بويىنشا انىقتالاتىن بولادى...» دەلىنگەن. بۇگىندە تاراز مەملەكەتتىك پەداگوگيكالىق ينستيتۋتىندا وسى ماسەلەلەردى باسشىلىققا الا وتىرىپ, ءبىلىم بەرىلۋدە.
قازىر زامان تالابىنا ساي, جوعارى ساپالى ءبىلىم بەرۋ دەڭگەيىنە جەتۋ ءۇشىن ماتەريالدىق-تەحنيكالىق بازامەن قامتاماسىز ەتۋ جانە عىلىمدى جاڭارتۋ نەگىزى ءپرينتسيپىن ىسكە اسىرۋ ماقساتىندا جاڭا پەداگوگيكالىق, يننوۆاتسيالىق جانە اقپاراتتىق تەحنولوگيالار شەبەر قولدانىسقا يە بولۋدا. ينستيتۋتتىڭ ماتەريالدىق-تەحنيكالىق بازاسى جيناقتالعان 8 وقۋ كورپۋسىندا: وقۋ زەرتحانالارى, كومپيۋتەرلىك كلاستار, سپورتتىق, حورەوگرافيالىق جانە 2 ەلەكتروندى, 6 وقۋ زالدارى, عىلىمي كىتاپحانا ورنالاسقان. 13 كومپيۋتەرلىك كلاسس, 7 اۋديتوريا ينتەراكتيۆتى تاقتا جانە 1 لينگافوندى كابينەت بار. ءاربىر بىلىمگەر جەكە وتىرىپ, ەركىن جۇمىس ىستەي الاتىنداي مۇمكىندىگى بار ەلەكتروندى وقۋ زالىندا ينتەرنەت ارقىلى اقپارات الۋ مۇمكىندىگى جاسالعان. ەلەكتروندى وقۋ زالىنىڭ قورى ەلەكتروندى جانە ماگنيتتى تاسىمالداعىشتاعى ماتەريالداردان, كورۋ-تىڭداۋ قۇجاتتارىنان تۇرادى. ينستيتۋتتا ماگيستراتۋرا, اسپيرانتۋرا, پەداگوگيكالىق ماماندىقتارعا سايكەس پەداگوگيكالىق كادرلاردىڭ ءبىلىمىن جەتىلدىرۋ جانە قايتا دايارلاۋ ايماقتىق ورتالىعى اشىلعان. وقۋ كورپۋستارى مەن جاتاقحاناعا جوندەۋ جۇمىستارى جۇرگىزىلىپ, ولاردىڭ ماتەريالدىق-تەحنيكالىق بازاسى تولىقتىرىلعان.
ينستيتۋتتاعى جاعىمدى جاڭالىقتىڭ ءبىرى – «ءححى عاسىر مۇعالىمى مودەلى» جوباسى دايىندالىپ, بۇگىندە وسى جوبا بويىنشا جاڭا تۇرپاتتى مۇعالىم ماماندارىن دايىنداۋدا ساپالى ءبىلىم نەگىزىن قالاۋ ماسەلەسى الدىڭعى ورىندا تۇر. سونداي-اق, وقۋ ۇدەرىسىنە دە ەرەكشە نازار اۋدارىلادى. سونىڭ ناتيجەسىندە ءبىلىمدى جاستارعا قولداۋ كورسەتۋ دەڭگەيى وسە تۇسكەن. سونىڭ ناتيجەسىندە بىلىمگەرلەرىمىز ەلىمىزدە وتكىزىلىپ جاتقان ءپان وليمپيادالارىنا قاتىسىپ ءجۇر. اتاپ ايتساق, الماتى قالاسىندا وتكەن رەسپۋبليكالىق پاندىك وليمپيادادان «باستاۋىشتى وقىتۋدىڭ پەداگوگيكاسى مەن ادىستەمەسى» ماماندىعى بىلىمگەرلەرى ءى ورىن, اقتاۋ قالاسى ش. ەسەنوۆ اتىنداعى كاسپي مەملەكەتتىك ينجەنەريا جانە تەحنولوگيالار ۋنيۆەرسيتەتىندە وتكەن ءىىى رەسپۋبليكالىق وليمپيادادا «تاريح» ماماندىعىنىڭ بىلىمگەرلەرى ءىىى ورىن, الماتى قالاسى اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە وتكەن رەسپۋبليكالىق پاندەر وليمپياداسىندا «گەوگرافيا» ماماندىعىنان قۇرالعان «تارمپي» كومانداسىنىڭ مۇشەلەرى جۇلدەلى ءىىى ورىن, قىزىلوردا قالاسىنىڭ قورقىت اتا اتىنداعى قمۋ رەكتورىنىڭ كۋبوگى ءۇشىن وتكىزىلگەن پىكىر-سايىس تۋرنيرىنە «تالاپ» پىكىرسايىس كلۋبىنىڭ «تاراز تارلاندارى» كومانداسى قاتىسىپ 1 ورىن, قازاق مەملەكەتتىك قىزدار پەداگوگيكالىق ۋنيۆەرسيتەتىندە الماتى قالاسىندا «مەكتەپكە دەيىنگى وقىتۋ جانە ءتاربيەلەۋ» ماماندىعى بويىنشا قاتىسىپ جۇلدەلى ءى ورىن, شىمكەنت قالاسى م.اۋەزوۆ اتىنداعى وقمۋ-دە وتكەن وليمپياداعا "كاۋسار توبى" قاتىسىپ ءىىى ورىن, «كرەاتيۆ» كومانداسى ءال-فارابي اتىنداعى قازاق ۇلتتىق ۋنيۆەرسيتەتىندە وتكەن «پسيحولوگيا» پانىنەن رەسپۋبليكالىق وليمپياداعا قاتىسىپ ءىىى ورىنعا يە بولدى.
جوعارى پەداگوگيكالىق ءبىلىم جۇيەسىنىڭ قۇرىلىمى مەن مازمۇنىن جەتىلدىرۋ ماقساتىمەن بۇگىندە تارمپي ءبىلىم جانە عىلىم مينيسترلىگىنىڭ وقۋ-تاجىريبەلىك الاڭىنا اينالدى. بولون كەلىسىمىنە قول قويىلعان. ينستيتۋتىمىزدا عىلىمي-زەرتتەۋ سالاسىنا دا باسا نازار اۋدارىلادى. شەت مەملەكەتتەردەن, اتاپ ايتساق, گەرمانيا, بولگاريا, ۆەنگريا ت. ب ەلدەردەن پروفەسسور-عالىمدار كەلىپ, ءدارىس وقىپ, عىلىمي تاجىريبە الماسۋدا, ينستيتۋتتا جىل سايىن عىلىمي كونفەرەنتسيالار, سەمينارلار, كەزدەسۋلەر وتكىزىلىپ تۇرادى.
قازىرگى كەزدە بارلىق مەملەكەتتەردىڭ عالىمدارى ادامزات وركەنيەتىنىڭ جاڭا كەزەڭى جايلى, جاھاندىق اقپاراتتىق قوعام قالىپتاستىرۋ جايلى ءسوز ەتەدى. ناق وسى ءۇشىن كەڭ اۋقىمدى پايدالانۋشىلارعا اقپاراتتى جيناقتاۋشى, ساقتاۋشى جانە تاراتۋشى ورىن رەتىندە كىتاپحانالاردىڭ ءرولى وتە زور. ءبىزدىڭ كىتاپحانادا كىتاپ قورى جەتكىلىكتى پرەزيدەنتتىك اۋديتوريا بار. ۇلى عۇلاما عالىم ءال-فارابي: «ادامعا الدىمەن تاربيە بەرىلەدى, سودان كەيىن ءبىلىم بەرىلەدى, تاربيەسىز بەرىلگەن ءبىلىم ادامزاتتىڭ قاس جاۋى» – دەگەن. وسى قاعيدانى ءبىزدىڭ ينستيتۋت ۇجىمى ۇنەمى باسشىلىققا الادى, سونىڭ ناتيجەسىندە تاربيە سالاسىندا ۇلكەن جەتىستىكتەرگە جەتۋدە. تاراز مەملەكەتتىك پەداگوگيكالىق ينستيتۋتىندا تاۋەلسىزدىكتىڭ 20 جىلدىعىنا وراي بارلىق فاكۋلتەتتەردە, كافەدرالاردا, اكادەميالىق توپتاردا جانە «بىلىمگەرلەر ۇيىندە» اشىق تالىمگەرلەر ساعاتتارى, كەزدەسۋلەر, «دوڭگەلەك ۇستەل», دارىستەر, جىر-ءمۇشايراسى جانە ت.ب. ءىس-شارالار جۇرگىزىلۋدە.
ەلباسىنىڭ «بولاشاقتىڭ ىرگەسىن بىرگە قالايمىز!» اتتى جولداۋى, قر ءبىلىم بەرۋدى دامىتۋدىڭ 2011-2020 جىلدارعا ارنالعان مەملەكەتتىك باعدارلاماسى جانە تاۋەلسىزدىكتىڭ 20 جىلدىعىنا وراي اتقارىلعان ءىس-شارالاردىڭ بىلىمگەرلەرگە بەرەرى مول. اتاپ ايتساق, «قازاقستاننىڭ يسلام كونفەرەنتسياسى ۇيىمىنا توراعالىق ەتۋى» تاقىرىبىندا «دوڭگەلەك ءۇستەل», «تاۋەلسىزدىك – قازاقتىڭ سان عاسىرلىق ارمانى» تاقىرىبىندا سەمينار, «ءدىننىڭ ادام ومىرىندە اتقاراتىن قىزمەتى مەن الاتىن ورنى» تاقىرىبىندا وبلىس كولەمىندە سەمينار-كەزدەسۋ وتكىزىلدى. سەمينارعا ق.ا. ياساۋي اتىنداعى حالىقارالىق قازاق-تۇرىك ۋنيۆەرسيتەتى «ءدىنتانۋ» كافەدراسىنىڭ وقىتۋشىلارى, تەولوگيا دوكتورى, ءتافسىرتانۋشى يسمايل چالىشكان, ءدىنتانۋشى سەرجان قارسىباي ۇلى ورازبايلار قاتىستى. سونداي-اق, «ءتىل تاۋەلسىزدىگى – ۇلت تاۋەلسىزدىگى» تاقىرىبىندا ستۋدەنتتەر اراسىندا اڭگىمە-سۇحبات, عىلىمي كىتاپحانانىڭ ۇيىمداستىرۋىمەن تاريحي تۇلعالاردى ەسكە الۋعا ارنالعان «ەر ەسىمى – ەل ەسىندە» كىتاپ كورمەسى, ۇوس ارداگەرلەرىنىڭ قاتىسۋىمەن «تاۋەلسىزدىك جولىنداعى كۇرەستىڭ تاريحي ماڭىزى» تاقىرىبىندا كەزدەسۋ وتكىزىلدى. «تاۋەلسىزدىگىم – ءتول بەسىگىم» اتتى وبلىستىق فورۋمعا قاتىسقان بىلىمگەرلەرىمىزدىڭ يدەياسى بويىنشا تاۋەلسىزدىكپەن قۇرداس بىلىمگەرلەر وزدەرى وقىعان مەكتەپتەرىنىڭ اۋلاسىنا 20 كوشەت وتىرعىزدى, بۇدان باسقا دا تاربيەلىك ءمانى زور ءىس-شارالار ۇيىمداستىرىلدى.
بىلىمگەرلەرگە تاربيە بەرۋ ماقساتىندا تارمپي-ءدىڭ 2011-2020 جىلدارعا ارنالعان تاربيە جۇمىسىنىڭ ستراتەگيالىق جوسپارى دايىندالعان. جوسپاردا پاتريوتتىق تاربيەگە, ۇلتتار ىنتىماعىن ساقتاۋعا, قازاق حالقىنىڭ ءداستۇر-سالتىن قۇرمەتتەۋگە, ادامگەرشىلىك تاربيەسىنە, سالاماتتى ءومىر سالتىنا باسا نازار اۋدارىلعان. ويتكەنى ەلباسى ن. نازارباەۆتىڭ «ءوز وتانىڭنىڭ پاتريوتى بولۋ دەگەنىمىز – قازاقستاندى جان-تانىڭمەن سۇيە ءبىلۋ» دەگەن قاعيداسىن باسشىلىققا العان تارمپي ۇجىمى بىلىمگەرلەر تاربيەسىنە كوپ كوڭىل بولەدى. وسىعان بايلانىستى بارلىق فاكۋلتەتتەردە, كافەدرالاردا, اكادەميالىق توپتاردا قازاقستان رەسپۋبليكاسىنىڭ پرەزيدەنتى ن. نازارباەۆتىڭ قازاقستان حالقىنا جولداۋلارى, قر زاڭدارى, «جاستار ساياساتى» ماسەلەلەرى تالقىلانىپ, ناسيحاتتالادى جانە جاستار ءۇشىن ءتاربيەلىك ءمانى زور «جەمقورلىققا قارسى كۇرەس», «ناشاقورلىققا قارسى كۇرەس», «ەكسترەميزمگە قارسى كۇرەس» اكتسيالارى وتكىزىلىپ تۇرادى.
پاتريوتتىق تاربيە بەرۋ ماقساتىندا ينستيتۋتىمىزدا «باۋىرجانتانۋ» ورتالىعى, «بالاساعۇن» مۇراجايى, «جاستار ساياساتى» ورتالىعى, بىلىمگەرلەردىڭ ءوزىن-ءوزى باسقارۋ ورتىلىقتارى جانە جاتاقحانادا «بايتەرەك» كلۋبى, «ايشا» قىزدار وتاۋى جۇمىس ىستەيدى.
سپورتتاعى جەتىستىكتەردى دە اتاپ وتۋگە بولادى. جوو ستۋدەنتتەرى اراسىندا سپورت ءتۇرلەرىنەن رەسپۋبليكالىق VI جازعى ۋنيۆەرسياداعا بىلىمگەرلەر قاتىسىپ, 6 التىن, 15 كۇمىس, 16 قولا مەدالعا قول جەتكىزدى. 1 وقۋ ورنىنىڭ ءبىر جارىستا 37 مەدال الۋى ۇلكەن جەتىستىك. قىزداردىڭ رەگبي كومانداسى بيىل التىن مەدالعا يە بولدى. الماتى قالاسىندا وتكەن دزيۋدو, پاۆلودار قالاسىندا بولعان قازاقشا كۇرەس, پەتروپاۆل قالاسىندا ۇيىمداستىرىلعان ءجۇزۋ سپورت تۇرلەرى دە جەڭىس اكەلدى. بۇل تەك 1 جىل ىشىندەگى جەتىستىك.
ينستيتۋت بىلىمگەرلەرىنىڭ وقۋى مەن دەمالىسىن ءتيىمدى ۇيىمداستىرۋ دا جولعا قويىلعان. جاتاقحانادا كىتاپحانا, وقۋ زالدارى جانە سپورت, ترەناجەر, تەننيس زالدارى, كومپيۋتەر بولمەسى جانە دەمالىس بولمەلەرى جۇمىس ىستەيدى. «بىلىمگەرلەر ۇيىندە» جىل سايىن «ۇلگىلى بولمە», «ۇلگىلى قابات» بايقاۋلارى ۇيىمداستىرىلادى. ادامگەرشىلىك جانە ەستەتيكالىق تاربيە بەرۋ ماقساتىندا اشىلعان «بايتەرەك» كلۋبىندا جانە «ايشا» قىزدار كلۋبىندا اقىن, جازۋشىلارمەن, ەڭبەك جانە سوعىس ارداگەرلەرىمەن, كاسىپكەرلەرمەن, مەكتەپ ديرەكتورلارىمەن, پسيحولوگيا ماماندارىمەن, ءسان جانە ديزاين شەبەرلەرىمەن كەزدەسۋلەر ءجيى وتكىزىلىپ تۇرادى. ينستيتۋتتا جاس دارىنداردىڭ شىعارماشىلىق قابىلەتتەرىن دامىتۋدا كوپ كوڭىل اۋدارىلىپ, ءار ءتۇرلى دەڭگەيدە ءان-بايقاۋلارىن ۇيىمداستىرىپ تۇرادى. جاستاردىڭ شىعارماشىلىق قابىلەتىن دارىتۋ جانە وقۋدان تىس ۋاقىتتارىن قىزىقتى, ءتيىمدى وتكىزۋ ماقساتىندا تالانتتى جانە تالاپتى بىلىمگەرلەردەن «گۇلدەراي» ءانسامبلى قۇرىلدى.
ەلباسى ن. نازارباەۆتىڭ قولداۋىمەن ۇيىمداستىرىلعان «جاسىل ەل» قوزعالىسىنا – 150, «بىلىمگەرلەردىڭ قۇرىلىس وتريادتارى» رەسپۋبليكالىق جاستار قوزعالىسىنا – 7 وترياد, ياعني 350 بىلىمگەرلەرىمىز بەلسەنە قاتىسىپ, الدىڭعى شەپتەن كورىندى. «جاسىل ەل» باعدارلاماسىنىڭ ارقاسىندا ءبىلىم وشاعى دا كوركەيىپ, وقىتۋشىلار مەن بىلىمگەرلەر, ماگيسترانتتاردىڭ ۇيىمداستىرۋىمەن ينستيتۋت كورپۋستارى الدىندا «بىتىرۋشىلەر اللەياسى», «عالىمدار اللەياسى», «ماگيسترانتتار اللەياسى» جاسالدى. كورپۋستار مەن بىلىمگەرلەر ءۇيىنىڭ الدى القىزىل گۇلدەرمەن كومكەرىلدى. مۇنىڭ جاستارعا ەستەتيكالىق تاربيە بەرۋدە ۇلكەن ءمانى بار دەپ بىلەمىز.
«نۇر وتان» حدپ وبلىستىق فيليالىمەن بىرلەسىپ «ديپلوممەن اۋىلعا» جاستار فورۋمى وتكىزىلىپ, سونىڭ ناتيجەسىندە 2010-2011 وقۋ جىلىندا 294 ءبىتىرۋشى جولدامامەن اۋىلعا اتتاندى. سونىمەن قاتار, تاراز قالاسىنىڭ 54 مەكتەبىنەن مەكتەپ ديرەكتورلارىنىڭ قاتىسۋىمەن جارمەڭكە, اكتسيا ۇيىمداستىرىلدى. بۇل ءىس-شارالار ءبىتىرۋشى مامانداردى جۇمىسپەن قامتاماسىز ەتۋگە مۇمكىندىك بەرەدى.
بۇگىندە تاراز مەملەكەتتىك پەداگوگيكالىق ينستيتۋتى جۇمىسىنىڭ نەگىزگى باعىتى – ستۋدەنتتەردىڭ جەكە تۇلعالىق قاسيەتتەرىن قالىپتاستىرۋ, شىعارماشىلىق قابىلەتتەرىن, پاتريوتتىق سەزىمدەرىن شىڭداۋعا نەگىزدەلىپ, جوعارى وقۋ ورىندارىنىڭ جاقسى داستۇرلەرىن دامىتۋمەن قاتار, ۇزدىكسىز شىڭداپ, كوركەيتۋگە ۇلەس قوسۋ.
تاراز.