قازاقستان رەسپۋبليكاسىنىڭ قاۋىپسىزدىك كەڭەسى ۇجىمدىق قاۋىپسىزدىك جونىندەگى كەلىسىم ۇيىمىنىڭ حاتشىلىعىمەن بىرلەسە وتىرىپ, 2011 جىلدىڭ 4 قاراشاسىندا «ورتا ازيا ايماعىندا قازىرگى زامان قاۋىپ-قاتەرلەرىنە قارسى ءىس-ارەكەتتەردىڭ ماڭىزدى ماسەلەلەرى تۇرعىسىنان ۇجىمدىق قاۋىپسىزدىك جۇيەسىنىڭ دامۋ باعىتتارى» تاقىرىبىندا دوڭگەلەك ۇستەل وتىرىسىن وتكىزدى.
پرەزيدەنتتىڭ كومەكشىسى – قازاقستان رەسپۋبليكاسى قاۋىپسىزدىك كەڭەسىنىڭ حاتشىسى م.ءتاجين ءوزىنىڭ سوزىندە قازىرگى تاڭداعى ورتالىق ازيانىڭ ىشكى جانە سىرتقى قاتەرلەردىڭ وزگەرىستەرىن ەسەپكە الا وتىرىپ, ۇقكۇ قىزمەتىنىڭ كونتسەپتۋالدى جولدارىن جانە باسىم باعىتتارىن اتاپ ءوتتى.
ۇقكۇ باس حاتشىسى ن.بورديۋجا ايماقتىق قاۋىپسىزدىك جانە جاڭا قاۋىپ-قاتەرلەرگە قاجەتتى قارسى ارەكەت ەتۋ شارالارىنىڭ وزەكتى ماسەلەلەرىنە توقتالدى.
دوڭگەلەك ۇستەل وتىرىسىنا قىرعىزستان, تاجىكستان ەلدەرىنەن ماماندار, عىلىمي, مەملەكەتتىك, قوعامدىق ينستيتۋتتار جانە قازاقستاننىڭ ءتاۋەلسىز ساراپتاما ورتالىقتارىنىڭ وكىلدەرى قاتىستى.
وتكەن پىكىرتالاس بارىسىندا ورتا ازياداعى ۇجىمدىق قاۋىپسىزدىكتىڭ اسەرلى جۇيەسىنىڭ قالىپتاسۋىنا ۇقكۇ ءمۇشە ەلدەردىڭ ىڭعايى مەن ايماقتاعى احۋالدىڭ دامۋىنا ساراپتىق باعالار بەرىلدى.
سول كۇنى پرەزيدەنتتىڭ كومەكشىسى – قازاقستان رەسپۋبليكاسىنىڭ قاۋىپسىزدىك كەڭەسىنىڭ حاتشىسى مارات ءتاجين ۇجىمدىق قاۋىپسىزدىك جونىندەگى كەلىسىم ۇيىمىنىڭ باس حاتشىسى ن.بورديۋجامەن كەزدەسۋ ءوتكىزدى.
پىكىر الماسۋشىلار قازاقستاننىڭ ۇقكۇ مەن ستراتەگيالىق ارەكەتتەستىگىنىڭ العا باعىتتالعان سيپاتىن, الەمنىڭ جالپى قاۋىپ-قاتەرگە قارسى ارەكەت ەتۋ سالاسىنداعى حالىقارالىق ۇيىمدارمەن قارىم-قاتىناستارىنىڭ دامۋىن اتاپ ءوتتى.
اتالعان كەزدەسۋ وسى جىلدا جوسپارلانعان ۇقكۇ سامميتىنە دايىندىق اياسىندا ءوتتى.