«تىنىس» اكتسيونەرلىك قوعامى, «التىنتاۋ-كوكشەتاۋ» التىن كەنىشى جانە «كوكشەتاۋجولدارى» جاۋاپكەرشىلىگى شەكتەۋلى سەرىكتەستىگى كوكشەتاۋ پوليتەحنيكالىق كوللەدجىنىڭ ءبىر توپ وقۋشىسىنا «التىن ۇرپاق» شاكىرتاقىسىن بەرۋگە ۇيعارىم جاسادى. الەۋمەتتىك ارىپتەستىك باعىتىنداعى بۇل كومەكتى وقۋدا عانا ەمەس, وندىرىستىك تاجىريبەدە جاقسى قىرىنان كورىنگەندەر يەمدەنەدى. كوللەدجبەن بايلانىس حاتتاماسىنىڭ شارتتارىنا ساي «تىنىس» اق ماشينا قۇرىلىسى تەحنولوگياسى ماماندىعى بويىنشا ءبىلىم الىپ جاتقان ءانۋار ەسەنجولوۆقا, ۆاسيلي ماركوۆقا جانە ۆيتالي پۋتينتسەۆكە ايىنا 7 مىڭ تەڭگەلىك شاكىرتاقى تاعايىنداسا, «كوكشەتاۋ جولدارى» سەرىكتەستىگى جاز ايلارىندا «كوكشەتاۋ-پەتروپاۆل» جولىنىڭ قۇرىلىسىندا ەڭبەك ەتكەن ماقسات قاپاروۆ پەن الەكسەي گرۋدەۆتى 10 مىڭ تەڭگەدەن كوتەرمەلەۋدى ۇيعاردى. ال «التىنتاۋلىقتار» پايدالى قازبالاردى بايىتۋ ماماندىعىن يگەرىپ جاتقان بەس وقۋشىعا «التىن ۇرپاق» شاكىرتاقىسىن بەرە باستادى. ارنايى شاكىرتاقى يەگەرلەرىنىڭ بارلىعى وقۋدى بىتىرگەن سوڭ اتالعان كاسىپورىندارعا جۇمىسقا ورنالاساتىن بولادى.
باقبەرگەن امالبەك, اقمولا وبلىسى.