«استانا» – «ۆيليارەال» ويىنىنا ءوڭىر تۇرعىندارى قانشى قارجى جۇمسايدى؟

ەكى كوماندا اراسىنداعى ويىندى كورۋ ءۇشىن ەلىمىزدىڭ تۇكپىر-تۇكپىرىنەن جانكۇيەرلەردىڭ كەلەرى انىق. ال ولار استاناعا كەلۋى ءۇشىن قانشا قارجى جۇمساماق؟

ەكىباستۇز – استانا – ەكىباستۇز

تەمىر جول بيلەتىنىڭ ەكى باعىتتاعى ورتاشا قۇنى: 3000تگ

قاراعاندى – استانا – قاراعاندى

تەمىر جول بيلەتىنىڭ ەكى باعىتتاعى ورتاشا قۇنى: 3000تگ

كوكشەتاۋ – استانا – كوكشەتاۋ

تەمىر جول بيلەتىنىڭ ەكى باعىتتاعى ورتاشا قۇنى: 5000 تگ

پاۆلودار – استانا – پاۆلودار

تەمىر جول بيلەتىنىڭ ەكى باعىتتاعى ورتاشا قۇنى: 3600تگ

اۋە بيلەتىنىڭ ەكى باعىتتاعى ورتاشا قۇنى: 22000تگ

پەتروپاۆل – استانا – پەتروپاۆل

تەمىر جول بيلەتىنىڭ ەكى باعىتتاعى ورتاشا قۇنى: 4500 تگ

اۋە بيلەتىنىڭ ەكى باعىتتاعى ورتاشا قۇنى: 28000تگ

قوستاناي – استانا – قوستاناي

تەمىر جول بيلەتىنىڭ ەكى باعىتتاعى ورتاشا قۇنى: 5500 تگ

اۋە بيلەتىنىڭ ەكى باعىتتاعى ورتاشا قۇنى: 50000تگ

وسكەمەن – استانا – وسكەمەن

تەمىر جول بيلەتىنىڭ ەكى باعىتتاعى ورتاشا قۇنى: 8000تگ

اۋە بيلەتىنىڭ ەكى باعىتتاعى ورتاشا قۇنى: 35000تگ

اتىراۋ – استانا – اتىراۋ

تەمىر جول بيلەتىنىڭ ەكى باعىتتاعى ورتاشا قۇنى: 15000تگ

اۋە بيلەتىنىڭ ەكى باعىتتاعى ورتاشا قۇنى: 60000تگ

اقتاۋ – استانا – اقتاۋ

تەمىر جول بيلەتىنىڭ ەكى باعىتتاعى ورتاشا قۇنى: 15000تگ

اۋە بيلەتىنىڭ ەكى باعىتتاعى ورتاشا قۇنى: 33000تگ

اقتوبە – استانا – اقتوبە

تەمىر جول بيلەتىنىڭ ەكى باعىتتاعى ورتاشا قۇنى: 15000تگ

اۋە بيلەتىنىڭ ەكى باعىتتاعى ورتاشا قۇنى: 37000تگ

ورال – استانا – ورال

تەمىر جول بيلەتىنىڭ ەكى باعىتتاعى ورتاشا قۇنى: 14000تگ

اۋە بيلەتىنىڭ ەكى باعىتتاعى ورتاشا قۇنى: 65000تگ

شىمكەنت – استانا – شىمكەنت

تەمىر جول بيلەتىنىڭ ەكى باعىتتاعى ورتاشا قۇنى: 9000تگ

اۋە بيلەتىنىڭ ەكى باعىتتاعى ورتاشا قۇنى: 32000تگ

قىزىلوردا – استانا – قىزىلوردا

تەمىر جول بيلەتىنىڭ ەكى باعىتتاعى ورتاشا قۇنى: 15000تگ

اۋە بيلەتىنىڭ ەكى باعىتتاعى ورتاشا قۇنى: 38000تگ

تاراز – استانا – تاراز

تەمىر جول بيلەتىنىڭ ەكى باعىتتاعى ورتاشا قۇنى: 8000تگ

اۋە بيلەتىنىڭ ەكى باعىتتاعى ورتاشا قۇنى: 32000تگ

الماتى – استانا – الماتى

تەمىر جول بيلەتىنىڭ ەكى باعىتتاعى ورتاشا قۇنى: 9000تگ

اۋە بيلەتىنىڭ ەكى باعىتتاعى ورتاشا قۇنى:30000تگ

بۇل ەلىمىزىڭ ەڭ ءىرى جانە استاناعا جاقىن ورنالاسقان قالالارىنا قاتىناس قۇرالدارىنىڭ ەڭ تومەنگى باعالارى ۇسىنىلىپ وتىر. بۇل كەلىپ-كەتۋ جولىنا قوسىمشا ويىن بيلەتىنىڭ قۇنى بار ەكەنىن دە ۇمىتپاعان ءجون. ال ماتچ بيلەتتەرىنىڭ قۇنى 1000 تەڭگە مەن 5000 تەڭگە ارالىعىندا ارنايى ساناتتارعا بولىنگەن. مەكتەپ وقۋشىلارى مەن ستۋدەنتتەرگە 50% جەڭىلدىك قاراستىرىلعان. زەينەتكەرلەرگە (زەينەتكەر ەكەندىگىن دالەلدەيتىن قۇجاتتارىن كورسەتكەن جاعدايدا) ويىنعا كىرۋ تەگىن.

سونىمەن قاتار, «استانانىڭ» دۇكەندەرىندە جانكۇيەرلەرگە ارنالعان اتريبۋتيكالار دا قولجەتىمدى باعادا ۇسىنىلعان. ماسەلەن, ويىن فورمالارى 7000 تەڭگە بولسا, ارنايى مويىنوراعىشتارى 3000 تەڭگەنى قۇرايدى. ال ءۇزىلىس كەزىندە ستاديوندا تاماقتانۋ شامامەن 1500-2000 تەڭگە كولەمىندە.

قورىتىندىلايتىن بولساق, استاناعا جاقىن ورنالاسقان قاراعاندى, كوكشەتاۋ, پاۆلودار جانە ەكىباستۇز قالالارىنان كەلەتىن جانكۇيەرلەر ورتاشا ەسەپپەن 15-20 مىڭ تەڭگە, ەلىمىزدىڭ باتىس وڭىرلەرىنەن كەلەتىندەرگە 90-100 مىڭ, وڭتۇستىك وبلىستاردان 40-50 مىڭ جانە شىعىس وڭىردەن 30-40 مىڭ تەڭگە كولەمىندە قارجى جۇمسالادى. ەندى وسى تۇستا ەۋروپانىڭ ەڭ ۇزدىك بەس چەمپيوناتىنداعى ماتچقا ارنالعان بيلەتتىڭ ەڭ ارزان قۇنى 100-150 ەۋرو (35000-45000 تەڭگە) كولەمىندە ەكەندىگىن ايتا كەتەيىك.

وزدەرىڭىز بىلەتىندەي, «استانا» قازاقستان چەمپيوناتىندا ءتورتىنشى جىل قاتارىنان چەمپيون اتاندى. ودان بولەك, «استانا» كومانداسى ەۋروكۋبوكتەر جولىندا ءوز الاڭىندا 17 ويىن قاتارىنان جەڭىلمەي كەلەدى.

ەندى, ەۋروپا ليگاسى توپتىق كەزەڭىنىڭ ارتتا قالعان ءتورت تۋرىنا قىسقاشا توقتالىپ وتسەك. «ۆيلياررەال» كومانداسى 8 ۇپايمەن «ا» توبىندا كوش باستاپ تۇرسا, «استانا» يسپانيالىق كوماندادان ءبىر ۇپايعا كەم جيناپ, سەنىمدى تۇردە ەكىنشى ورىنعا جايعاستى. ال چچەحيانىڭ «سلاۆياسى» 5 ۇپايمەن ءۇشىنشى ورىنعا تابان تىرەسە, «ماككابيدىڭ» قورجىنىندا ءبىر عانا ۇپاي بار. ال يزرايلدىك كوماندا توپتان شىعاتىن مۇمكىندىگىنەن تولىقتاي ايرىلىپ قالدى.

وسى ورايدا, توپتىق كەزەڭنەن شىعۋ مۇمكىندىگىنە «ا» توبىندا 3 كوماندا عانا يە. «سلاۆيا» بەسىنشى تۋردا سىرت الاڭدا «ماككابيمەن» كۇش سىناسسا, «استانا» ءوز الاڭىندا «ۆيلياررەالدى» قابىلدايدى. ال يسپانيالىق كوماندا لا ليگا اياسىندا 20 قاراشا كۇنى سىرت الاڭدا «اتلەتيك بيلباومەن» كەزدەسىپ, ءۇش كۇننەن كەيىن «استانامەن» وينايدى. ال 26 قاراشا يسپانيا چەمپيوناتىنداعى باستى باسەكەلەسى «سەۆيلياعا» قارسى وينايدى. وسى تۇستا يپانيا مەن قازاقستان اراسىنداعى ۋاقىت ايىرماشىلىعى, ۇشىپ كەلۋ ۇزاقتىعى, «استانا ارەناداعى» جاساندى الاڭنىڭ قولايسىزدىعى بارىن ۇمىتپايىق.