قوستاناي وبلىسى اكىمىنىڭ ورىنباسارى مەيىرجان مىرزاليەۆ باستاعان وبلىس دەلەگاتسياسى ىسكەرلىك ساپارمەن تاتارستاندا بولىپ, ونداعى مينيسترلىكتەر, ۆەدومستۆولار جانە كاسىپورىندار باسشىلارىمەن بىرقاتار ماڭىزدى كەزدەسۋلەر وتكىزدى.
ساپار بارىسىندا العاشقى كەزدەسۋ تاتارستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى رۋستام نىعماتۋللينمەن ءوتتى. ول سوزىندە تاتارستان مەن قوستاناي وبلىسى اراسىنداعى ورناعان حالىقارالىق بايلانىس, كەلەشەكتە ەكى جاقتى ىنتىماقتاستىقتى ودان ءارى دامىتۋدىڭ باعىتتارى جونىندە, سونىمەن قاتار ىسكەرلىك قاتىناستاردى نىعايتۋعا وزدەرى تاراپىنان دايىن ەكەندىكتەرىن ءبىلدىردى. ال وبلىس اكىمى مەيىرجان مىرزاليەۆ حالىقارالىق جانە وڭىرارالىق بايلانىستاردى دامىتۋدىڭ ماڭىزىنا توقتالا كەلىپ, قوستاناي وبلىسىنىڭ ەكونوميكالىق ورلەۋ كورسەتكىشتەرى, ينۆەستيتسيالىق الەۋەتى, ىنتىماقتاستىقتىڭ كەلەشەك نەگىزگى باعىتتارى جونىندە ايتىپ بەردى. سونىمەن قاتار ول كورشىلەرمەن ىسكەرلىك ارىپتەستىكتى, ونىڭ ىشىندە ينۆەستيتسيالىق جوبالاردى بىرلەسە جۇزەگە اسىرۋدى ەكى جاقتى كەڭەيتە بەرۋگە ءۇمىت ارتاتىنىن دا جەتكىزدى.
تاتارستان ينۆەستيتسيالىق دامۋ اگەنتتىگىنىڭ جەتەكشىسى تاليا مينۋللينامەن بولعان كەزدەسۋدە رەسپۋبليكانىڭ ينۆەستيتسيالىق الەۋەتىن اتالعان اگەنتتىك قوستانايلىق قوناقتارعا تۇساۋكەسەر جاساپ ايتىپ بەردى. تاتارستان رەسپۋبليكاسى رەسەي فەدەراتسياسى بويىنشا ينۆەستيتسيا تارتۋدا كوشباسشى بولىپ كەلەدى جانە بۇل ىستە جاقسى تاجىريبە جيناقتاعان. ءوز كەزەگىندە مەيىرجان مىرزاليەۆ تە قازاقستاندا ينۆەستيتسيا تارتۋ جونىندە ۇلتتىق ستراتەگيا قابىلدانعانىن, ونى جۇزەگە ازىرلەۋ بارىسىندا قوستاناي وبلىسى «پيلوتتىق» ءوڭىر دەپ بەلگىلەنگەنىن جەتكىزدى. سونداي-اق ءبىزدىڭ دەلەگاتسيا تاتارستاننىڭ قۇرىلىس, ارحيتەكتۋرا جانە تۇرعىن ءۇي-كوممۋنالدىق شارۋاشىلىعى مينيسترلىگىندە دە بولدى. سول جەردە رەسەي ينۆەستيتسياسى ارقىلى قوستانايدا جۇزەگە اساتىن ليفت جابدىقتارى ءوندىرىسى جوباسى تۋرالى ايتىلدى.
قوستانايلىقتار قازانداعى «الابۇعا» ەرەكشە ەكونوميكالىق ايماعى مەن «حيمگراد» تەحنوپوليسىن ارالادى. وسىدان 11 جىل بۇرىن «الابۇعا» ەرەكشە ەكونوميكالىق ايماعى 27 ميلليارد تەڭگەگە ينۆەستيتسيالانعان بولاتىن. قارجى فەدەرالدىق جانە تاتارستان رەسپۋبليكاسى بيۋدجەتتەرىنەن, سونىمەن قاتار جەكەمەنشىك كاسىپورىنداردان تارتىلدى. ەكونوميكالىق ايماقتا ماشينا جاساۋ, حيميا, قۇرىلىس ماتەريالدارى, مەتالل وڭدەۋ سەكىلدى سۇيەكتى كاسىپورىندار جۇمىس ىستەيدى. مۇندا ينۆەستيتسيالىق جوبالاردى جۇزەگە اسىرعىسى كەلگەندەر ءۇشىن 50 گەكتارعا دەيىن جەر بەرىلەدى جانە دايىن عيماراتتار دا ۇسىنىلادى. جوباعا سالاتىن قارجى تالاپ بويىنشا كوپ ەمەس, 120 ميلليون ءرۋبلدىڭ ءىسىن پايداعا اسىرسا جەتىپ جاتىر. باسقارۋشى كومپانيا جوبالاردى ورنالاستىرىپ, ينفراقۇرىلىمدى قامتاماسىز ەتەدى. كومپانيادا 700 ادام ەڭبەك ەتەدى. ء بىر ەرەكشەلىگى, «الابۇعادا» ينۆەستيتسيالىق جوبانى ورنالاستىرۋ ساراپتاما كەڭەسى مەن تاتارستان رەسپۋبليكاسى پرەزيدەنتىنىڭ شەشىمى ارقىلى عانا مۇمكىن بولادى. قوستانايلىق دەلەگاتسيا ۇيرەنەتىن ۇردىستەن ۇلگى الىپ قايتتى.
ء نازيرا جارىمبەت,
«ەگەمەن قازاقستان»
قوستاناي