وسكەمەندە سپورتتىق باعدارلاۋ بويىنشا ۇلدار جانە قىزدار, سونداي-اق, ەرەسەكتەر اراسىندا اشىق قالا بىرىنشىلىگى وتۋدە. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى حابارلادى.
جىل سايىن وتەتىن سايىسقا سپورتشىلار ءارتۇرلى جاس ەرەكشەلىگى بويىنشا قاتىسۋدا. ەڭ جاس قاتىسۋشى 6 جاستا بولسا, ەڭ ۇلكەنىنىڭ جاسى 60-قا تاياپ قالعان. سپورتتىق باعدارلاۋ سپورتىن كەڭىنەن ناسيحاتتاۋ جانە قاتىسۋشىلاردىڭ جادىنا پاتريوتتىق سەزىم ۇيالاتۋ ماقساتىمەن ءوتىپ جاتقان ءىس-شاراعا 110-عا جۋىق سپورتشى قاتىسۋدا. اشىق قالا بىرىنشىلىگى بولعاندىقتان گلۋبوكوە, شەمونايحا, اياگوز سىندى اۋدانداردان دا سپورتشىلار كەلدى. جاس ەرەكشەلىكتەرىنە قاراي سپورتشىلار ءارتۇرلى قاشىقتىقتا باق سىناۋدا. ءوز قاشىقتىقتارىندا ۇزدىك ۇشتىككە ىلىنگەن سپورتشىلار وبلىس قۇراماسىنا الىنىپ, الدا وتەتىن رەسپۋبليكالىق جارىستارعا قاتىساتىن بولادى.
ازامات قاسىم,
«ەگەمەن قازاقستان»
وسكەمەن