بۇگىندە قازاق ءتىلىن لاتىن قارپىندەگى الىپبيگە كوشىرۋ قالىڭ كوپشىلىكتىڭ قىزۋ تالقىسىنا سالىنعان يگىلىكتى باستاماعا اينالدى.
وسى كۇنگە دەيىن ءباسپاسوز بەتتەرىندە قاراپايىم حالىقتان باستاپ, لينگۆيست-عالىمدارعا دەيىن ءوز پىكىرى مەن ۇسىنىستارىن جەتكىزىپ كەلەدى. كوپتەگەن جوبالارمەن تانىس بولدىق. ۇشتىلدىلىككە كوشۋ ۇدەرىسى جىلدامداپ, عىلىمىمىز قارىشتاپ داميدى دەگەن ۇمىتتەمىز.
ۋاقىت سىنىنان وتكەن ومىرشەڭ لاتىن گرافيكاسىن قازىرگى تاڭدا الەم حالقىنىڭ 80 پايىزى مەڭگەرگەن ەكەن. الەمدىك اقپاراتتىڭ 70 پايىزى وسى تاڭبامەن تاراتىلاتىنىن, عىلىمنىڭ ءتىلى, حالىقارالىق تەرميندەر, فورمۋلالار دا نەگىزىنەن لاتىن ارىپتەرىمەن جازىلاتىنىن ەسكەرەر بولساق, جاڭا ءالىپبي بىزگە زور مۇمكىندىكتەر تۋعىزادى.
لاتىن گرافيكاسى بويىنشا قازاق ءتىلىن وقۋ بارىسىندا جاس ۇرپاق اعىلشىن ءتىلىن مەڭگەرەتىنى انىق. شەتەلدىكتەر ءۇشىن دە قازاق ءالىپبيى مەن ءتىلىن مەڭگەرۋى جەڭىلدەيدى, ياعني قازاقستاندى الەمگە تانىمال ەتۋگە سەپتىگىن تيگىزەدى. بۇل – قازاقستاننىڭ دۇنيەجۇزىلىك اقپاراتتىق كەڭىستىككە ىقپالداسۋى, ءبىزدىڭ بارلىق تسيفرلىق رەسۋرستارىمىز, مادەني مۇرامىز الەمدە لاتىن گرافيكاسىن قولداناتىن بارلىق پايدالانۋشىلارعا, قازاق ءتىلىن مەڭگەرگەن, الايدا كيريلليتسانى بىلمەيتىن ادامدار ءۇشىن قولجەتىمدى بولادى.
لاتىن ءالىپبيىنىڭ ەلباسىنا ۇسىنىلعان جاڭا جوباسى ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىندە دە جان-جاقتى تالقىلانۋدا. اسىرەسە عالىمدارىمىز, ءتىل ماماندارى, كوزى قاراقتى, كوكىرەگى وياۋ جاستارىمىز لاتىن ءالىپبيى توڭىرەگىندە تۇشىمدى وي-پىكىرلەرىن بىلدىرۋدە. ستۋدەنت جاستاردىڭ لاتىن گرافيكاسىن ەنگىزۋ ماسەلەسىن ىقىلاسپەن قابىلداعانىن اتاپ وتكەن ورىندى. بىرنەشە ءتىلدى ەركىن مەڭگەرگەن ستۋدەنتتەرىمىز ينتەرنەت كەڭىستىگىنە ەركىن ەنۋدە جانە لاتىن گرافيكاسىن قولدانۋدىڭ ەشقانداي قيىندىق تۋدىرمايتىندىعىن اڭعارىپ وتىر.
«جۇمىلا كوتەرگەن جۇك جەڭىل», «كوز – قورقاق, قول – باتىر», دەپ دانا حالقىمىز ايتقانداي, ەندى ەكى قولدى سىبانىپ, نىق قاداممەن العا باسۋدىڭ ۋاقىتى كەلدى!
ءسابيت جامبەك, ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ پروفەسسورى