كەشە ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ ەلىمىزدىڭ جەتەكشى عىلىمي مەديتسينالىق ورتالىقتارىنىڭ ديرەكتورلارىمەن كەزدەسۋ وتكىزدى, دەپ حابارلادى ۇكىمەت باسشىسىنىڭ ءباسپاسوز قىزمەتى.
كەزدەسۋ بارىسىندا رەسپۋبليكادا مەديتسينالىق عىلىمدى دامىتۋدىڭ نەگىزگى باعىتتارى تالقىلاندى. سونىڭ ىشىندە ونكولوگياداعى پەرسوناليزاتسيالانعان مەديتسينا ارتىقشىلىقتارى, ءبىلىم, عىلىم جانە كلينيكالىق پراكتيكانىڭ بىرىگۋى, سونداي-اق قازاقستانداعى بيومەديتسينالىق زەرتتەۋلەر كەلەشەگى قارالدى.
دەنساۋلىق ساقتاۋ ءمينيسترى ە.ءبىرتانوۆ, ۇلتتىق عىلىمي كارديوحيرۋرگيا ورتالىعىنىڭ باسقارما توراعاسى يۋ. پيا, ا.ن.سىزعانوۆ اتىنداعى ۇلتتىق عىلىمي حيرۋرگيا ورتالىعىنىڭ باسقارما توراعاسى ب. بايماحانوۆ, قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ ديرەكتورى د. قايداروۆا, سەمەي مەملەكەتتىك مەديتسينالىق ۋنيۆەرسيتەتىنىڭ رەكتورى ە. ءجۇنىسوۆ اعىمداعى جاعداي, كلينيكالىق زەرتتەۋلەر جۇرگىزۋ تاجىريبەلەرى مەن قازاقستاندىق مەديتسينا الدىندا تۇرعان مىندەتتەر تۋرالى باياندامالارىمەن تانىستىردى.