«التىن جۇرەك» قايىرىمدىلىق سىيلىعىنا ۇمىتكەرلەر انىقتالدى

بۇل جايلى ۇلتتىق سىيلىق ۇيىمداستىرۋشىلارى  «باۋىرجان» قايىرىمدىلىق قورى ءمالىم ەتتى. «التىن جۇرەك» سىيلىعىنا بيىل 450 ءوتىنىش كەلىپ ءتۇستى. ۇمىتكەرلەردىڭ قاتارىندا تانىمال ساياساتتانۋشى دوسىم ساتپاەۆ, جىلسايىنعى قايىرىمدىلىق شاراسى «الماتى مارافون», كاسىپكەرلەر باۋرجان وسپانوۆ, نۇرلان سماعۇلوۆ, «28 پەتەل» كلۋبى, سونداي-اق اقش تان كەلگەن ەرىكتىلەر ۆيكتوريا شاربونۋ ي ەليزابەت تۋرنوك بار.

«التىن جۇرەك» ۇلتتىق سىيلىعىنىڭ ۇيىمداستىرۋشىلارى  11 جىل قاتارىنان ەلىمىز بويىنشا ناعىز مەيىربان, جانى جومارت جانداردى ىزدەپ كەلەدى. «قايىرىمدىلىق»  سىندى اسىل قاسەتتى بويلارىنا سىڭىرگەن التىن جۇرەكتەرگە العىس ايتىپ ەل الدىندا ماداقتاپ, ماراپاتتاپ ءجۇر. 

شارا جىلسايىن «باۋىرجان» قايىرىمدىلىق قورىنىڭ باستاماسىمەن, «نۇر وتان» پارتياسى, «التىن قىران» كومپانيالار توبى, «پەتروكازاحستان» اق  الماتى قالاسىنىڭ اكىمدىگىنىڭ قولداۋىمەن وتكىزىلەدى.

وسى جىلدار ىشىندە «التىن جۇرەك»- قايىرىمدىلىقتىڭ نىشانى ىسپەتتەس, قازاق حالقىنىڭ مەيىرىمدى ءارى اتىمتاي جومارت جاندارعا باي ەكەنىن بايقاتىپ كەلەدى. جىل بويى ۇلتتىق سىيلىق ۇيىمداستىرۋشىلارى ەلىمىز بويىنشا قايىرىمدىلىقپەن اينالىساتىن جانداردى ىزدەدى.  2017 جىلى «التىن جۇرەك» سىيلىعىنا 455 ءوتىنىش كەلىپ ءتۇستى. ولاردىڭ 100-گە جۋىعى جەكە تۇلعالاردان.

ۇمىتكەرلەردىڭ قاتارىندا تانىمال ساياساتتانۋشى ء«سوز» مادەني-تانىمدىق قوردىڭ اۆتورى دوسىم ساتپاەۆ ۇزدىكسىز حالىق اراسىندا مادەنيەت سالاسىنا ءوز ۇلەسىن قوسىپ ءجۇر.  جىلسايىنعى قايىرىمدىلىق شاراسى «الماتى مارافون» شارادان جينالعان قاراجاتتى قايىرىمدىلىق جولىنا جۇمسايدى. سونداي-اق, امەريكاندىق ۆيكتوريا شاربونۋ مەن ەليزابەت تۋرنوك تاراز قالاسىندا جالعىزباستى انالارعا باسپانا بەرىپ, جەتىم بالالار ۇيلەرىندە تاربيەلەنگەن بالالارعا كومەك بەرەدى.  

التىن جۇرەك اتىنا لايىق ۇمىتكەرلەردى سارالاۋ بارىسى بارلىق كەلىپ تۇسكەن وتىنىشتەر ىشىنەن 3 قازان وتكەن ەكسپەرتتىك كەڭەستە ءار نوميناتسيا بويىنشا 3 ۇمىتكەردەن انىقتالدى. ءار ۇمىتكەر ۇلتتىق سىيلىققا ۇسىنىلعانى جايلى حابارسىز. اتىمتاي جومارت جاندار مەن قايىرىمدىلىق جاساعان مەكەمەلەردى يگى ىستەرىنە كۋا بولعان جاندار ۇسىنادى. 

سوڭعى وتكەن قوعامدىق كەڭەستە ادىلقازىلار مۇشەلىگىنە قازاقستاندىق قوعامدىق قايراتكەرلەرى  مەن باق وكىلدەرى قاتىستى. ولاردىڭ قاتارىندا;  تەلەجۇرگىزۋشى ادەل ورازالينوۆا, سپورت ءجۋرناليسى گەني تۋلەگەنوۆ, قازاقستاندىق ۆولەيبولشى مارينا ستوروجەنكو, سونداي -اق, «ارتيشوك»  تەاترىنىڭ نەگىزىن سالۋشى گالينا پيانوۆا مەن قوعام قايراتكەرى اسيا احتانوۆا, جارناماشى اسحات وسكەمباەۆ.

 «باۋىرجان» قايىرىمدىلىق قورىنىڭ اتقارۋشى باسشىسى, «التىن جۇرەك» سىيلىعىنىڭ باس ۇيلەستىرۋشىسى گۇلزات رىمبايقىزىنىڭ سوزىنشە «التىن جۇرەك» سىيلىعىنىڭ 11 جىلدىق تاريحىندا قايىرىمدى جانداردىڭ قاتارى 5 ەسە ءوستى, 2016-2017 جج ارالىعىندا قازاقستان بويىنشا كەلىپ تۇسكەن وتىنىشتەر بويىنشا 29,4 ميلليارد تەڭگەگە قايىرىمدىلىق ىستەرى جۇزەگە اسىرىلعان. ەڭ كوپ دەگەن يگى ىستەر قاتارىندا جەتىم بالالارعا قولداۋ مەن سپورت جانە ءبىلىم سالاسىنا قاتىسى بار شارالاردىڭ باسىم ەكەنى انىق.

– «التىن جۇرەك» تاريحى – بۇل جالپى قازاقستاندىق قايىرىمدىلىق تاريحىن باستايدى.  سەبەبى, ءار ۇمىتكەر قوعامنىڭ دامۋىنا ءوز ۇلەسىن قوسىپ جاتقان جاندار.  جىلسايىن وسى قايىرىمدى  جاندار قاتارى ارتىپ كەلەدى. ماسەلەن6 بيىل «التىن جۇرەك» سىيلىعىنىڭ ۇيىمداستىرۋ كوميتەتىنە 455 ءوتىنىش كەلىپ ءتۇستى.   اتاپ ايتقانداي وسى كۇنى قايىرىمدى ءىس جاساۋ كوپشىلىكتىڭ كۇندەلىكتى اتقاراتىن جۇمىسىنىڭ ءبىر بولشەگىنە اينالدى- دەيدى, ءوز سوزىندە- گۇلزات رىمبايقىزى.

قوعامدىق كەڭەستىڭ مۇشەسى بولعان ادەل ورازاليەۆانىڭ پىكىرىنشە  «التىن جۇرەك» سىيلىعى- بۇل قوعامدا يگى ىسپەن اينالىساتىن جانداردى ساۋاپتى ىسپەن اينالىسۋعا دەگەن قۇلشىنىسىن ارتتىراتىن شارا.

ادەل ورازالينوۆا:

- «التىن جۇرەك» سىيلىعى الدىمەن حالىققا قاجەت.  سەبەبى, ول قايىرىمدىلىقتىڭ نىشانى. كەز –كەلگەن ادام التىن جۇرەك اتىنا لايىق بولۋ ءۇشىن تىرىسادى سوندىقتان مەيىرىمدى ىسپەن اينالىسۋعا ءوز ەرىك –جىگەرىن ارنايدى. ال ولاردى بۇل ىستەرى ءۇشىن باعالاۋ ارتىقتىق ەتپەيدى. «التىن جۇرەك» - الدىمەن ادامداردى ءبىر ارنادا توعىستىرادى ويتكەنى, جاقسىلىقتىڭ شەكاراسى ولشەۋسىز.

تانىمال قازاقستاندىق ساياساتتانۋشى جۋرناليست, ايدوس سارىم «التىن جۇرەك» سىيلىعى قايىرىمدىلىق تاريحىنا جاڭا تۇلعالاردىڭ ەسىمدەرىن ەنگىزەدى. اسىرەسە قوعامدا ءوز يگى باستامالارىن جار سالمايتىن اتىمتاي جومارت جاندارعا العىس ايتۋعا مۇمكىندىك بەرەدى.

ايدوس سارىم:

- مەنى قايىرىمىدىلىقپەن وسى كۇنى جان-جاقتا, سوناۋ الىس اۋىلداردا مۇمكىندىك تاۋىپ اينالىساتىن جاندار تاڭ قالدىرادى. سەبەبى, كەزىندە قايىرىمىدىلىقپەن تەك ءىرى كوماپنيالار مەن  مۇمكىندىگى بار كاسىپكەرلەر عانا اينالىساتىن. التىن جۇرەك- حالىق تاڭداۋى. حالىقتىڭ اتىنان مەيىربان جاندارعا العىس ايتۋ مۇمكىندىگى دەپ بىلەمىن.

 «التىن جۇرەك» ۇلتتىق سىيلىعىنىڭ جەڭىمپازدارى 2017 جىلى 27 قازان ساعات 19:00دە, الماتى قالاسى, اباي اتىنداعى مەملەكەتتىك اكادەميالىق وپەرا جانە بالەت تەاترىندا سالتاناتتى راسىمىندە ماراپاتتالادى.