قۇرمەتتى نۇرسۇلتان ءابىش ۇلى! ابايدى العاش تانىعان الاشتىقتار ەدى. ونىڭ تۇڭعىش عىلىمي ءومىربايانىن جازعان ءاليحان بوكەيحانوۆ بولاتىن. ابايدىڭ قازاقتىڭ باس اقىنى ەكەنىن ادەبيەت تەورياسى تۇرعىسىنان دالەلدەگەن احمەت بايتۇرسىنوۆ ەدى.
قىمباتتى نۇرسۇلتان ءابىش ۇلى, ءسىز ءححى عاسىرداعى قازاق قوعامىنىڭ, ۇلتتىق قايتا ورلەۋ ءداۋىرىنىڭ, ونىڭ رۋحاني جاڭعىرۋىنىڭ باسىندا تۇرسىز! سونىڭ ايقىن دالەلىندەي, قالامىزدا الاش قوزعالىسىنىڭ 100 جىلدىعىنا ارنالعان ءىس-شارالار ۇلكەن قارقىنمەن اتقارىلۋدا. قالامىز قايتادان جاسارىپ, جاڭعىرۋ ۇستىندە, ونداعان كوشەگە جاڭادان ۇزىندىعى 24 شاقىرىمدىق اسفالت توسەلىپ, بۇكىل ەرتىستىڭ وڭ جاعالاۋى ادام تانىماستاي وزگەرۋدە, بولاشاقتا بۇل ماڭدا تاعى دا بالالار الاڭى سالىنىپ, كىشى كينوزال قۇرىلىسى بوي كوتەرمەك. «قاراعايلى» شاعىن اۋدانىندا بوي كوتەرۋگە ءتيىس وتىز بيىك ءۇيدىڭ ۇشەۋىنىڭ قۇرىلىسى باستالىپ تا كەتتى. سەمەي اۋەجايىندا كۇردەلى جوندەۋ جۇمىستارى قارقىندى جۇرۋدە, ول بولاشاقتا حالىقارالىق ستاندارتقا ساي «بوينگ-777» سياقتى ءىرى لاينەرلەردى قابىلدايتىن بولادى.
وتكەن وقۋ جىلىندا قالامىزدا بىرنەشە مەكتەپ پەن بالالار باقشاسى سالىنىپ, نازارباەۆ زياتكەرلىك مەكتەبى جاڭا عيماراتقا كىرسە, سان مىڭداعان مەتر جىلۋ قۇبىرلارى ۇنەمى توڭىپ وتىراتىن سەمەيلىكتەردىڭ بويىن عانا ەمەس, جۇرەكتەرىن دە جىلىتتى, ءىرى «اباي ارەنا» سپورت كەشەنىنىڭ سالىنۋى, ءاليحان بوكەيحانوۆقا ەسكەرتكىش ورناتىلۋى – وسىنىڭ ءبارى كوڭىل قۋانتادى, قالا جۇرتشىلىعىنىڭ بولاشاققا سەنىمىن ارتتىرادى. كوپ جىلدان بەرى قالانىڭ بيۋدجەتى مۇنداي قوماقتى بولىپ كورمەگەن دە شىعار!
وسى حات ارقىلى ءسىزدىڭ ءبىزدىڭ وڭىرگە, ءبىزدىڭ قالامىزعا, اباي ەلىنە دەگەن ىقىلاس-پەيىلىڭىزدىڭ ەرەكشە ەكەندىگىنە العىس سەزىمىمىزدى بىلدىرگىمىز كەلەدى جانە «جاقسىنىڭ جاقسىلىعىن ايت – نۇرى تاسىسىن!» دەمەكشى, ءسىز جىبەرگەن ىسكەر باسشى – وبلىس اكىمى دانيال احمەتوۆكە ريزا ەكەنىمىزدى ايتقىمىز كەلەدى.
بۇگىندە تورتكۇل دۇنيەنىڭ نازارى – استانادا جانە سىزدە!
سەمەيلىك اقىن قۇسمىليا ءسىز تۋرالى: ۇلتقا قيىن كەزەڭدە, تۋ ۇستاعان كەمەلىم ءجۇز ۇلىستىڭ تىزگىنىن, تەڭ ۇستاعان كەمەلىم. تەلىسى مەن تەنتەگىن, كەڭ ۇستاعان كەمەلىم. اياعىنان شالسا دا, جاعاسىنان السا دا, الىسپاعان كەمەلىم. وركەنيەت ورىنە, قارىشتاعان كەمەلىم. بار عۇمىرىن حالقىنا. باعىشتاعان كەمەلىم! – دەپ جىرلاعانداي, سەمەي حالقى ءسىزدىڭ توڭىرەگىڭىزگە بۇرىنعىدان دا توپتاسا ءتۇستى دەپ ايتساق ارتىق بولماس دەيمىز! تاۋەلسىزدىكتىڭ تۋىن ءوزىڭىز كوتەرگەن ەگەمەن ەلىمىزدىڭ رۋحى بيىك, جۇلدىزى جوعارى بولسىن!
العىس سەزىمىمەن سەمەي حالقىنىڭ اتىنان: ناسەن سەمباەۆ, سەمەي قالاسىنىڭ قۇرمەتتى ازاماتى, قوعام قايراتكەرى; حافيز ماتاەۆ, سەمەي قالاسىنىڭ قۇرمەتتى ازاماتى, قوعام قايراتكەرى; اناتولي ەرەمەنكو, سەمەي قالاسىنىڭ قۇرمەتتى ازاماتى, قوعام قايراتكەرى; ءازىمحان سادۋاقاسوۆ, سەمەي قالاسىنىڭ قۇرمەتتى ازاماتى, قوعام قايراتكەرى; دۇيسەنباي قوشقاربەكوۆ, سەمەي قالاسىنىڭ قۇرمەتتى ازاماتى, قوعام قايراتكەرى; توكەن يبراگيموۆ, سەمەي قالاسىنىڭ قۇرمەتتى ازاماتى, ابايتانۋشى; اراپ ەسپەنبەتوۆ, فيلولوگيا عىلىمدارىنىڭ دوكتورى; اينۇر ماۋسىمباەۆا, سەمەي قالالىق ءماسليحاتىنىڭ دەپۋتاتى; ۆەرا كروپاچەۆا, جۋرناليست; جاننا جيبراەۆا, سەمەي قالالىق قوعامدىق كەڭەسىنىڭ ءتورايىمى; امانتاي دوعالاقوۆ, سەمەي قالالىق اقساقالدار القاسىنىڭ توراعاسى; مۇحتاربەك كارىموۆ, تاريح عىلىمدارىنىڭ كانديداتى; وماربەك بايۋاقوۆ, شىعىس قازاقستان وبلىسىنىڭ قۇرمەتتى ازاماتى; جانات مولداعاليەۆا, دارىگەر, سەمەي قالالىق ءماسليحاتىنىڭ دەپۋتاتى.