رەسەي فەدەراتسياسىنىڭ ۆلاديمير وبلىسىندا كولىك اپاتىنا ۇشىراعان قازاقستاندىق نۇرعالي سارمانوۆ ۋاقىتشا ورنالاستىرۋ پۋنكتىندە جاتىر, دەپ حابارلادى قازاقپارات.
ايتا كەتەيىك, رەسەيدەگى جول-كولىك اپاتىنان زارداپ شەككەن قازاقستان ازاماتتارىنىڭ ەسىمدەرى انىقتالىپ, ولاردىڭ وڭتۇستىك قازاقستان وبلىسىنىڭ تۇرعىندارى ەكەندىگى بەلگىلى بولعان ەدى.
«رەسەيدەگى قازاقستاندىق ديپلوماتتار كولىك اپاتىنان قازا تاپقان ازاماتتىڭ ءمايىتىن ەلگە جەتكىزۋ ماسەلەسىن تالقىلاۋدا جانە ونىڭ تۋىستارىمەن تۇراقتى بايلانىس ورناتقان», دەدى قر سىرتقى ىستەر مينيسترلىگى ءباسپاسوز قىزمەتىنىڭ جەتەكشىسى انۋار جايناقوۆ.
رەسەي فەدەراتسياسىنىڭ ۆلاديمير وبلىسىندا قازاقستاننان شىققان اۆتوبۋس جول اپاتىنا ۇشىراعان ەدى. ۆلاديمير وبلىستىق تجم-ءنىڭ مالىمەتتەرىنە سۇيەنسەك, اپاتقا ۇشىراعان اۆتوبۋستا 55 وزبەكستان ازاماتى جانە 2 جۇرگىزۋشىسى قازاقستاندىق بولعان.