«تاۋەلسىزدىك جىلدارىنداعى الماتى وبلىسىنىڭ قالىپتاسۋى» ءفيلمى قازاقستاننىڭ 25 جىلدىعىنا ارنالعان. ءفيلمنىڭ تۇساۋكەسەرى تالدىقورعان قالاسىنداعى ءى.جانسۇگىروۆ اتىنداعى مادەنيەت ۇيىندە ءوتتى.
اتالمىش فيلم الماتى وبلىسىنىڭ ەكونوميكالىق جاعدايىن كورسەتۋ, تاۋەلسىزدىك جىلدارى سىرتقى نارىقتىڭ حال-احۋالى, جەرگىلىكتى كاسىپكەرلەردىڭ بيزنەس-جوبالارى, وبلىستىڭ ينۆەستيتسيالىق تارتىمدىلىعىن دەرەكتى فيلمىندەگى كەيىپكەرلەردىڭ تاعدىرىمەن بايلانىستىرىپ تۇسىرىلگەن. بۇل تۋرالى وبلىستىق وڭىرلىك كوممۋنيكاتسيالار قىزمەتى الاڭىندا بەلگىلى بولدى.
فيلم جەرگىلىكتى تاريحشىلاردىڭ سۇحباتىنان, قازاقستان رەسپۋبليكاسى پرەزيدەنتىنىڭ مۇراعاتىنان جانە تانىمال تۇلعالاردىڭ سوزدەرىنەن الىنعان. اتالمىش ءفيلمدى 3 اي كولەمىندە تۇسىرگەن. تۇسىرۋشىلەردىڭ ايتۋىنشا وپەراتورلىق كەمشىلىكتىڭ كەسىرىنەن, كەيبىر سيۋجەتتەردى قايتا تۇسىرۋگە تۋرا كەلگەن. الايدا, بەرىلگەن ۋاقىت ىشىندە ءتۇسىرىلىم اياقتالعان.
«كينو ءتۇسىرۋ وڭاي شارۋا ەمەس. وعان ۋاقىت پەن قاراجات كەرەك. دەرەكتى فيلم بولعاندىقتان, وعان اكتەرلەر ەمەس, قاراپايىم ادامدار تۇسكەن. «تاۋەلسىزدىك جىلدارىنداعى الماتى وبلىسىنىڭ قالىپتاسۋى» ءفيلمىنىڭ باستى ماقساتى - وسى تاۋەلسىزدىك جىلدارىنداعى الماتى وبلىسىنىڭ قارىشتاپ دامىعانىڭ كورسەتۋ. سونىمەن قاتار وبلىسىمىز ەلباسىمىزدىڭ تۋعان ولكەسى بولىپ تابىلادى», - دەدى بەلگىلى كينورەجيسسەر,«تاناريس» كينوكومپانياسىنىڭ ديرەكتورى سەرگەي جۇماباي ۇلى.