ناتو پارلامەنتتىك اسسامبلەياسىنىڭ جاقىندا بۋحارەستە (رۋمىنيا) اياقتالعان جىل سايىنعى 57- سەسسياسىندا حالىقارالىق قاۋىپسىزدىك ماسەلەلەرى ءسوز بولدى, دەپ حابارلادى قازاقستان رەسپۋبليكاسىنىڭ پارلامەنتى سەناتىنىڭ ءباسپاسوز قىزمەتى.
كيبەر قىلمىستارمەن, بيولوگيالىق جانە حيميالىق قاتەرلەرمەن, رەسۋرستار زارۋلىگىمەن كۇرەس تاقىرىبى بويىنشا ءپىكىرسايىستارعا قازاقستان پارلامەنتىنىڭ دەپۋتاتتارى راشيت احمەتوۆ پەن ءسات توقپاقباەۆ قاتىستى.
ءتورت ارنايى كوميتەتتىڭ وتىرىستارىندا ناتو باعدارلامالارىن ىسكە اسىرۋ, اسكەري-تەحنيكالىق قامتاماسىز ەتۋ جانە اليانستىڭ بيۋدجەت ستراتەگياسى ماسەلەلەرىنە نازار اۋدارىلدى. اۋعانستانداعى وتپەلى كەزەڭدە قاۋىپسىزدىكتى قامتاماسىز ەتۋدەگى ناتو-نىڭ رولىنە دە ەرەكشە كوڭىل ءبولىندى.