وسىعان وراي, ورتالىق كوممۋنيكاتسيالار قىزمەتىندە ۇيىمداستىرىلعان بريفينگكە «كاسىبي اسكەريلەندىرىلگەن اپاتتىق-قۇتقارۋ قىزمەتى» رمك باس ديرەكتورىنىڭ مىندەتىن اتقارۋشى, گەنەرال-مايور ديحانبەك ساتىلعانوۆ پەن باس ديرەكتوردىڭ ورىنباسارى قانات امانوۆ, تاۋ-كەن جانە كومىر سالاسىنىڭ جەدەل الدىن الۋ جۇمىستارى جونىندەگى باسقارما باستىعى سەرگەي كرىسين جانە مۇناي-گاز, حيميا سالاسى جەدەل-الدىن الۋ جۇمىستارى جونىندەگى باسقارما باستىعى مۇرات قاليتوۆ قاتىسىپ, اتالعان ماسەلە توڭىرەگىندەگى جۇمىستاردىڭ جاي-جاپسارىن باق وكىلدەرىنە باياندادى.
بۇگىنگى تاڭدا ەلىمىزدە ورىن الۋى مۇمكىن كەز كەلگەن توتەنشە وقيعا كەزىندە اپاتتىق-قۇتقارۋ قىزمەتىنىڭ اپاتتى جويۋ جۇمىستارىنا تاۋلىگىنە 2 800-دەن استام بىلىكتىلىگى جوعارى كاسىبي قۇتقارۋشى مەن 600 بىرلىك اپاتتىق-قۇتقارۋ تەحنيكاسى جانە 6 700 بىرلىك ارنايى جابدىقتار قولدانۋعا ساقاداي-ساي تۇر ەكەن. مۇنداي دەرەكتى بريفينگ بارىسىندا «كااقق» رمك باس ديرەكتورىنىڭ مىندەتىن اتقارۋشى گەنەرال-مايور د.ساتىلعانوۆ حابارلادى.
الدىمەن شىعىس قازاقستان, پاۆلودار, جامبىل, اقتوبە, قوستاناي, قاراعاندى وبلىستارىنىڭ قۇتقارۋشىلارى قاتىسادى دەپ جوسپارلانعان جيىن «كااقق» رمك قاراعاندى فيليالىنىڭ وقۋ-جاتتىعۋ پوليگونىندا 21-25 تامىز ارالىعىندا وتپەك. جيىنعا قاتىسقان تاۋ-كەن جانە كومىر سالاسىنىڭ جەدەل الدىن الۋ جۇمىستارى جونىندەگى باسقارما باستىعى س.كرىسين, ءوز سالاسىنداعى بىلىكتىلىك باسەكەسى ء«ىV ەتاپتى تاۋ-كەن قۇتقارۋ بويىنشا كوپسايىستى جارىس» دەگەن اتاۋمەن ۇيىمداستىرىلاتىندىعىن العا تارتتى.
بريفينگ بارىسىندا مۇناي-گاز, حيميا سالاسى جەدەل-الدىن الۋ جۇمىستارى جونىندەگى باسقارما باستىعى م.قاليتوۆ قىركۇيەك ايىنىڭ 28-30 ارالىعىندا اتىراۋدا مۇناي گاز جانە حيميا سالاسىنداعى «اتقىلاما–2017» ارنايى-تاكتيكالىق اۋماقتىق جاتتىعۋ» شاراسى اتىراۋ فيليالىنىڭ وقۋ-جاتتىعۋ پوليگونىندا وتەتىنىن مالىمدەدى. ارنايى ماقساتتاعى وقۋ-جاتتىعۋعا اقتوبە, اتىراۋ, باتىس قازاقستان, ماڭعىستاۋ وبلىسىنان بىرنەشە كوماندا قاتىسادى دەپ جوسپارلانۋدا.
نۇرلىبەك دوسىباي, «ەگەمەن قازاقستان»