اتاپ ايتقاندا, وڭتۇستىك قازاقستان, اقمولا وبلىستىق شوگەن فەدەراتسيالارىنىڭ كوماندالارى, «اققيا», «اۋليەاتا» شوگەن كلۋبتارى, «Astana polo club» جانە «Almaty polo club» ۇجىمدارى بىرىنشىلىك جۇلدەلەرىن ساراپقا سالدى.
جارىس قورىتىندىسىندا بارلىق ويىندارىندا قارسىلاستارىنان باسىم بولعان قوس كوماندا – «Astana polo club» جانە «Almaty polo club» كلۋبتارى ءتۋرنيردىڭ باس جۇلدەسى ءۇشىن مايدان سالدى. جالپى, بۇل ەكى كوماندا بىرنەشە حالىقارالىق تۋرنيرگە قاتىسىپ, مول تاجىريبە جيناقتاعان ازۋلى ۇجىمدار. ەسكە سالار بولساق, «Astana Polo Club» كومانداسى 2016 جىلى ارگەنتينانىڭ لۋحان قالاسىندا وتكەن حالىقارالىق تۋرنيردە توپ جارعان. بۇدان بولەك, 2017 جىلى ارگەنتيناداعى «Santa Catalina Summer Cup» جانە «Torneo Summer Polo Match» حالىقارالىق تۋرنيرلەرىندە وسى ەكى كوماندا شەتەلدىك شوگەنشىلەردى شاڭ قاپتىرعان-تۇعىن. سونداي-اق, بيىل ەلىمىزدە وتكەن «Almaty Snow Polo Cup» حالىقارالىق دوداسىندا دا اتالعان قوس كوماندانىڭ التىن جانە كۇمىس جۇلدەلەردى ءوزارا بولىسكەنى بار.
مىنە, وسىنداي سىرالعى قارسىلاستار اراسىنداعى ويىن تارتىسقا تولى بولدى. ماتچتى تاماشالاعان جانكۇيەر قاۋىم دا قۇماردان شىعىپ, شوگەن ساڭلاقتارىنا دەگەن قوشەمەتتەرىن قيقۋ سالىپ كورسەتىپ وتىردى.
سونىمەن, شەشۋشى ويىندا شىن شەبەرلىگىمەن كوزگە تۇسكەن «Astana polo club» ۇجىمى الماتىلىق شوگەنشىلەردى 6:4 ەسەبىمەن جەڭىپ, 2017 جىلعى ەل چەمپيونى اتاندى. ال جۇلدەلى ءۇشىنشى ورىندى اقمولا وبلىسىنىڭ شوگەنشىلەرىنەن 2:1 ەسەبىمەن باسىم تۇسكەن «اۋليەاتا» كلۋبى يەلەندى. ەسكە سالساق, بىلتىر تۇڭعىش رەت وتكەن ەل چەمپيوناتىن وسى «اۋليەاتا» شوگەن كلۋبى جەڭىپ العان بولاتىن.
«سامۇرىق قازىنا» ۇلتتىق ءال-اۋقات قورى باس سەرىكتەس جانە «Samruk-Kazyna Trust» الەۋمەتتىك جوبالاردى دامىتۋ قورى الەۋمەتتىك سەرىكتەس بولعان بىرىنشىلىكتىڭ جۇلدە قورى 2 ميلليون تەڭگەنى قۇرادى. قازاقستاننىڭ جاڭا چەمپيونى «Astana polo club» كلۋبى 1 ميلليون تەڭگەنىڭ سەرتيفيكاتىنا يە بولسا, كۇمىس جۇلدەگەر اتانعان «Almaty polo club» كومانداسىنا 600 مىڭ تەڭگە بۇيىردى. قولا مەدال يەسى «اۋليەاتا» ۇجىمى 400 مىڭ تەڭگەنىڭ جۇلدەسىنە قاناعات ەتتى.
جارىس ناتيجەسىندە ۇزدىك شىققان ويىنشىلار مەن سايگ ۇلىكتەر ارنايى جۇلدەلەرمەن ماراپاتتالدى. مىسالى, «Almaty polo club» كومانداسىنىڭ كاپيتانى قۋانىش مۇسابەكوۆ «ۇزدىك ويىنشى» اتالىمى بويىنشا وزىپ شىقسا, «ۇزدىك پولو پوني» بولىپ «ماۋسىم» اتتى سايگ ۇلىك تانىلدى.
«ەگەمەن-اقپارات»