زاۋىتتا بولعان كەزدە ج.احمەتبەكوۆ ءۇش تسەحتىڭ مەتاللۋرگتەرىمەن كەزدەسىپ, ولارعا پرەزيدەنتتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» تاقىرىبىنداعى جولداۋىن ءتۇسىندىرىپ, جۇمىسكەرلەردى الاڭداتىپ وتىرعان ماسەلەلەر تۇرعىسىندا پىكىرلەستى. بۇل كۇندە ونەركاسىپتىڭ اسا زياندى سالالارىندا جۇمىس جاسايتىن جۇمىسكەرلەردىڭ ەڭبەكاقىسىن كوتەرۋ, قازاقستاننىڭ ونەركاسىپتىك ايماقتارىنىڭ ەكولوگياسى, سونىمەن قاتار, «قۇرمەتتى مەتاللۋرگ» بەلگىسىن قايتارۋ – بالقاشتىقتار ءۇشىن تۇيتكىلدى ءتۇيىن. كەزدەسۋ بارىسىندا مەتاللۋرگتەر حالىق قالاۋلىسىنىڭ الدىنا وسى تەكتەس سۇراقتاردى قويدى. دەپۋتات ءار جۇمىسكەردىڭ پىكىرىن مۇقيات تىڭداپ, ولاردى تولعاندىرعان ماسەلەلەر جەدەل شەشىمىن تابۋى ءۇشىن ايانىپ قالمايتىنىن جەتكىزدى.
مەتاللۋرگتەر ءماجىلىس دەپۋتاتىنا ولاردىڭ قيىنشىلىقتارىنا نازار اۋدارعانى ءۇشىن العىس ءبىلدىرىپ, «حالىق كوممۋنيستەرى» فراكتسياسى ەلدىڭ جوعارى زاڭنامالىق ورگانىندا بۇرىنعىداي قاراپايىم ادامداردىڭ مۇددەلەرىن قورعايتىنىنا ءۇمىت ءبىلدىردى.
ميراس اسان, «ەگەمەن قازاقستان» قاراعاندى وبلىسى, بالقاش قالاسى