ودان ءارى تايلاند – 566 711, ءۇندىستان – 557 480, رەسەي – 515 321, وزبەكستان – 469 575, جاپونيا 461 772 كورەرمەن تارتقان ەكەن. العاشقى وندىقتى تۇيىندەگەن ساۋد ارابياسىنىڭ كورمەسىن 419 285 ادام تاماشالاپ ۇلگەرىپتى. كەلىپ-كەتۋشىلەر سانى 800 مىڭنان اسقان «نۇر الەم» پاۆيلو- نى وتكىزۋشى مەملەكەت رەتىندە تىزىمنەن ورىن الماپتى. بۇل دەرەكتەر حالىقارالىق كورمە ورتالىعىنىڭ ەكى ايلىق قورىتىندىسىنا ارنالعان جيىندا ءمالىم بولدى.
«استانا ەكسپو-2017» ۇك» اق باسقارۋشى ديرەكتورى بەيبىت قارىمساقوۆتىڭ ايتۋىنشا, كورمەنىڭ ەكىنشى ايىندا العاشقى وتىز كۇنمەن سالىستىرعاندا 1,4 ەسە كوپ ادام كەلگەن. «نۇر الەم» سفەراسىنا 746 مىڭ ادام كىردى. مۇندا دا ءوسىم – 1,4 ەسە. شارا باستالعالى بەرى مەملەكەتتەر مەن حالىقارالىق ۇيىمداردىڭ 60-تان اسا ۇلتتىق كۇنى ۇيىمداستىرىلعان. ەندى 30-عا جۋىق وسىنداي شارا وتەدى. 160-قا جۋىق تاقىرىپتىق جيىن ۇيىمداستىرىلدى. كورمەنى كوپتەگەن ەلدىڭ مەملەكەت جانە ۇكىمەت باسشىلارى مەن سىرتقى ىستەر مينيسترلەرى ارنايى ارالادى», دەدى ول.
ۇلتتىق كومپانيانىڭ قاۋىپسىزدىك بويىنشا دەپارتامەنت ديرەكتورى رۇستەم شاكەنوۆ كورمەدە ەڭ كوپ جوعالاتىن, ياعني كەلۋشىلەر جوعالتىپ الاتىن زات قۇجاتتار ەكەنىن ايتتى. «بالكىم, سالاقتىعىنان, بالكىم نەمقۇرايدىلىعىنان كەلۋشىلەر اراسىندا كيىم-كەشەگىن تاستاپ كەتەتىندەر دە جەتكىلىكتى. سومكەلەرىن وتىرعان جەرىندە ۇمىتىپ كەتەتىندەر دە بار. ەكى اي ىشىندە 867 زات تابىلدى, ولاردىڭ 273-ءى يەسىنە قايتارىلسا, 594-ءى ساقتاۋدا تۇر», دەگەن ول قاۋىپسىزدىكتى قامتاماسىز ەتۋ ورتالىعىنىڭ جەلىسى بويىنشا 1789 جاعداي تىركەلگەنىن, ونىڭ 26-سى ۇساق ۇرلىق قىلمىسى ەكەنىن مالىمدەدى.
كورمە باستالعالى بەرى ەكسپو قالاشىعىنا ورنالاسقان قوناقتار سانى – 15416 ادام. ءدال قازىرگى ۋاقىتتا وندا 5181 ادام تۇرىپ جاتىر. سونىمەن قاتار, ەسەپتى مەرزىمدە 4864 ادام مەديتسينالىق كومەككە جۇگىنسە, 49-ى اللەرگيا, دەنە قىزۋىنىڭ كوتەرىلۋى جانە قان اينالىم جۇيەسىنىڭ بۇزىلۋى دەرتتەرىمەن اۋرۋحاناعا جاتقىزىلدى. «ەكى ايدا جالپى سوماسى 131 767 992 تەڭگەنى قۇرايتىن 84 495 دانا ليتسەنزيالىق ءونىم ساتىلدى. جانە 537,8 توننا ءونىم اكەلىندى. قوعامدىق تاماقتانۋ ورىندارىندا 558,7 مىڭ كەلۋشىگە قىزمەت كورسەتىلدى. تاۋار اينالىمىنىڭ جالپى سوماسى 905,7 ملن تەڭگەنى قۇرادى», دەدى كوممەرتسيالاندىرۋ دەپارتامەنتىنىڭ ديرەكتورى داۋلەت ەركىنباەۆ.
10 ماۋسىمنان 14 تامىزعا دەيىن بايلانىس ورتالىعىنا 44 242 ادام جۇگىنگەن ەكەن. ونىڭ ىشىندە 26 261 قوڭىراۋ شالۋ بولسا, 965-ءى – وزگە بايلانىس تۇرلەرى. اقپارات دۇڭگىرشەكتەرىنە جۇگىنگەن ازاماتتار سانى – 17 016. لوگيستيكالىق قىزمەت كورسەتۋلەر بويىنشا حالىقارالىق پاۆيلوندارعا 5 298 توننا جۇك جەتكىزىلدى.
18 تامىز كۇنى ەكسپو-2017 كورمەسى اياسىندا ەلورداعا ەيكون, دجون نيۋمەن سياقتى الەم جۇلدىزدارى قاتىساتىن مۋزىكالىق فەستيۆال وتەدى. 19 تامىزدا ەروس ءرامازوتتيدىڭ كونتسەرتى بولادى. ال 29 تامىز كۇنى ايگىلى دەۆيت گەتتا كەلىپ, ونەر كورسەتەدى.