جاقسىنى كورمەك ءۇشىن

− اۋدان بويىنشا استانا­داعى حالىق­ارالىق كورمەنى ءۇش مىڭعا جۋىق ادام تاما­شالاماق. جا­قىندا عانا ماماي باتىر اۋىلى مەن ساعىر ورتا مەك­تە­بى­نىڭ, اۋداننىڭ باسقا اۋىل­دا­رىنداعى مىڭنان استام مەكتەپ وقۋشىلارى مەن ۇستازدارى كورمەنى تاماشالاپ قايتتى. ولار ەكسپو-نى ارالاي ءجۇرىپ ەلى­مىز تاۋەلسىزدىك العان شي­رەك عاسىر ۋاقىتتا كەرەمەت جەتىستىكتەرگە جەتكەنىنە كۋا بولدى. ەرەكشە اسەر العان وقۋشىلار كورگەن-بىلگەندەرىن جەرلەستەرىمەن بولىسۋدە. اۋدان اكى­مى داۋلەت باتىرباەۆ وقۋ­شى­لاردىڭ بارىپ-كەلۋىنە ەرەكشە قامقورلىق جاسادى, ولاردىڭ جولىنا, جاتاتىن جەرىنە قارجىلاي كومەك كورسەتتى. ارينە, اتا-انالار دا بالالارىنا قولعابىس جا­سادى, −دەيدى اۋداندىق ءبىلىم ءبو­لىمىنىڭ باسشىسى قۋات وقاسوۆ.

− ارقانىڭ تورىندەگى استانا ۇلان اۋدانىنىڭ ماماي باتىر اۋىلىنداعى ورتا مەكتەپتەن بارعان  وقۋشىلار مەن ۇستازدارعا ەرەكشە ۇنادى. مەن ۇلىم − نارتاي, قىزىم − اسەمدى ارقا توسىندەگى ارۋ قالاعا ەرتىپ بارعان ەدىم. ولار العان اسەر­لەرى جايلى دوستارىنا ايتۋ­دان جالىققان ەمەس. اسىرەسە, قا­لانىڭ سول جاعالاۋى ادام تا­نىماستاي وزگەرىپ كەتكەن. با­لالارمەن بىرگە «بايتەرەككە» شىق­تىق, ەكسپو-نىڭ بىرنەشە پا­ۆيلوندارىن ارالادىق. قازاقستاننىڭ «نۇرلى الەم» اتتى سەگىز قاباتتان تۇراتىن پا­ۆي­لونىن ارالاۋعا جارتى كۇن كەتتى. ءبىرىنشى قاباتتاعى كۇن ساۋ­لەسى, جەل ارقىلى ەلەكتر قۋا­تىن وندىرەتىن بەينەفيلمدى تا­ما­شالادىق. العان اسەرىمىز ەرەك­شە. ەلباسى ن.نازارباەۆتىڭ سارابدال ساياساتى ارقاسىندا الەم جۇرتشىلىعى ەلىمىزدى تانىپ-ءبىلدى, كۇن سايىن دامىپ كەلە جاتقانىنا كوز جەتكىزدى. كورمەنى ارالعان كەزدە ءبىز شەتەلدەردەن كەلگەن قوناقتارمەن ءتىلماش ارقىلى سويلەستىك. استا­ن­ا­عا بارعان 30 وقۋشى, 22 ۇستازدىڭ العان اسەرلەرى كەرەمەت, ءبىز ەلىمىزدى ماقتان تۇتامىز, ونىڭ دامۋىنا ۇلەس قوسا بەرەمىز, − دەيدى ۇستاز دينارا جاڭاباەۆا.          وڭداسىن ەلۋباي, جۋرناليست شىعىس قازاقستان وبلىسى, ۇلان اۋدانى