- جاتتىعۋلار ادەتتەگىدەي ءبىر قالىپتى ءجۇرىپ جاتىر. ويىنشىلاردىڭ بارلىعى قاتاردا. بۇل كەزدەسۋ بىزگە وڭاي بولمايتىنى انىق. سوعان قاراماستان شاكىرتتەرىم چەمپيوندار ليگاسىنىڭ توپتىق كەزەڭىنە وتەدى دەگەن ۇمىتتەمىن.
- قازاقستان پرەمەر-ليگاسىنىڭ سوڭعى «ورداباسى» جانە «اقتوبەمەن» بولعان ماتچتاردا نەگىزگى قۇرامنىڭ بىرقاتار فۋتبولشىلارىن كورە الماعان ەدىك. ولاردىڭ جاي-كۇيى قالاي؟ «سەلتيكپەن» بولاتىن ويىنعا قاتىسپايتىندار بار ما؟
- دجوردجە دەسپوتوۆيچتىڭ ويىنعا ءجۇز پايىز قاتىسپايتىنى بەلگىلى بولدى. ال مارين انيچيچ ماتچقا دەيىن قاتارعا قوسىلىپ كەتەدى دەگەن ءۇمىت بار.
- وتكەن ماۋسىمدا «سەلتيكپەن» بولعان ويىنداعى تورەشىلەر شەشىمى ءادىل بولدى دەي الاسىز با؟
- تورەشىلەر تۋرالى ەشتەڭە ايتا المايمىن. «استانا» ءوز الاڭىندا مىقتى بولعانىمەن, قارىمتا كەزدەسۋدە «سەلتيك» گلازگودا ءبىر باس جوعارى وينادى. ءبىز تورەشىلەر شەشىمىمەن ساناسپايمىز, قالاي قابىلدادى, سولاي بولادى. ال ەرتەڭگى ويىندا بولاتىن تورەشىلەردىڭ جۇمىسىنا ريزا بولامىز دەگەن ويدامىن.
- ەرتەڭگى ويىننىڭ اتموسفەراسىنا بايلانىستى كومانداڭىزعا قانداي تالاپ قويىپ وتىرسىز؟
- وتكەن جىلى ويىنشىلارىمىزدى ەموتسيا قۇرتقان بولاتىن. ەرتەڭگى ويىندا ءبارىنىڭ جاقسى بولاتىندىعىنا سەنىمدىمىن. بۇل ەكى ويىننان تۇراتىن كەزدەسۋدىڭ تەك ءبىرىنشى ماتچتان عانا ەكەنىن ەستەن شىعارماۋىمىز كەرەك ەمەس.
- ۋەفا چەمپيوندار ليگاسىنىڭ توپتىق كەزەڭىنە شىقساڭىزدار, ول قازاق فۋتبولىنا نە بەرەدى, قانداي ناتيجە الىپ كەلەدى؟
- قازاق فۋتبولىنىڭ قانداي دا ءبىر ناتيجە الىپ كەلەتىنىن ءدال باسىپ ايتۋ قيىن. ەۋروپا بويىنشا ەسەپكە الساق, دال قازىر «استانانىڭ» كوەففيتسيەنتى وتە تومەن. «لەگيامەن» بولعان ويىننان كەيىن كومانداداعى جىگىتتەرگە قازاقستان فۋتبولىنا ۇلكەن توڭكەرىس جاساعانىمىزدى ايتتىم.
- ەرتەڭگى ويىندا «استانا» ءۇشىن قانداي ەسەپ قولايلى, ناتيجەلى دەپ ويلايسىز؟
- كەلەسى بەيسەنبى كۇنى وتەتىن ۋەفا چەمپيوندار ليگاسى توپتىق كەزەڭىنىڭ جەرەبە تارتۋ راسىمىنە قاتىساتىن بولساق بولدى, ءبىزدى كەز كەلگەن ەسەپ قاناعاتتاندىرادى. «استانا» باسشىلىعىنىڭ نەگىزگى ماقساتى – ەۋروكۋبوكتاردىڭ توپتىق كەزەڭىنە جولداما الۋ.