- ەرتەڭگى ماتچتا گريففيتس ويناي الا ما؟
- ول جاراقاتىنان ايىعىپ كەلسە دە, دايىندىق بارىسىندا ءوزىن جاقسى قىرىنان كورسەتىپ ءجۇر. ونىڭ كومانداعا ورالعانى ءبىز ءۇشىن دە ءتيىمدى بولماق.
- پلەي-وفف كەزەڭىنىڭ ءبىرىنشى ويىنى. العاشقى ماتچتا جەڭىسكە جەتۋ – سونشالىقتى ماڭىزدى ما؟
- نەگىزى جەڭىسكە جەتۋ – وتە ماڭىزدى. ءبىز ەرتەڭگى ويىندا ءوز قاقپامىزعا گول وتكىزبەي, مەيىلىنشە كوپ گول سوعۋدى كوزدەيمىز. وتكەن كەزەڭدەردە ءبىز ءوز ۇيىمىزدە ءساتتى ويناي المادىق. ەسەسىنە, سىرت الاڭدا جاقسى وينايتىنىمىزدى كورسەتە الدىق دەپ ويلايمىن. شوتلاندياداعى ماتچتا جانكۇيەرلەردىڭ قولداۋى بىزگە جىگەر بەرەدى.
- بۇگىن كەشكە ترانسفەر تەرەزەسى جابىلادى. كومانداڭىز جاڭا ويىنشىمەن تولىعۋى مۇمكىن بە؟
- مەن تامىز ايىنىڭ سوڭىندا كوماندام تولىق جاساقتالسا دەپ ويلاعانمىن. بىرنەشە جاڭا فۋتبولشىمەن كەلىسىم شارتقا وتىرساق تا, ماعان ءالى كوماندانى كۇشەيتۋ كەرەك. چەمپيوندار ليگاسىنىڭ ءار ويىنى فۋتبولشىلارىمىزدىڭ دارەجەسىن وسىرەدى. ەرتەڭگى ويىنعا نەگىزگى قۇرامنىڭ بىرقاتار ويىنشىسى كومەكتەسە المايدى. جالپى, ويىنعا دايىن ەمەسپىز دەسەك تە بولادى. دەگەنمەن, ءدال قازىر كوماندامدا جاتتىعىپ جۇرگەن فۋتبولشىلارىما سەنىم ارتامىن.
- «استانانىڭ» ويىنىنا ساراپتاما جاساعان شىعارسىز. وتكەن جىلعىمەن سالىستىرعاندا قانشالىقتى كۇشەيگەن؟
- «استانانىڭ» بىرنەشە ويىنىن قاراپ, زەرتتەپ كوردىم. بىلتىرعىمەن سالىستىرعاندا ءبىرشاما وزگەرىس بايقادىم. استانالىق فۋتبولشىلار بىزگە ۇيرەنشىكتى شابۋىلدا جانە قاپتالمەن قارسى شابۋىلدا جاقسى وينايدى. سونداي-اق, بىلتىر ويناعان ۇش ورتالىق ويىنشىنى بيىل قۇرامادان كورە المادىم. سوندا دا ءبىز قارسىلاسقا قۇرمەتپەن قارايمىز جانە ءوز ويىنىمىزدى كورسەتكىمىز كەلەدى.
- ەرتەڭگى ويىننىڭ ناتيجەسىنە قاتتى الاڭداپ جاتقان جوقسىز با؟
- مەندە ويىن ناتيجەسى تۋرالى ەش الاڭداۋشىلىق جوق. ءبىز بۇل ويىنعا ءوزىمىزدىڭ كەزەكتى ماتچىمىز رەتىندە قارايمىز. وتكەن جىلى ءبىز قىسىم استىندا جانە ۇلكەن فۋتبول ويناۋعا ۇيرەندىك. باستىسى, ءوزىمىزدىڭ مىقتى تۇسىمىزدى ەسكەرىپ, ءوز ويىنىمىزدى ويناۋ كەرەكپىز. جانە دە ءبىز ەرتەڭگى ويىندا وسى ايتقاندارىمىزدى ورىنداپ, جەڭىسكە جەتەمىز.
ءالي بيتورە
«ەگەمەن قازاقستان»