وعان ەلوردالىق زيالى قاۋىم وكىلدەرى تۇگەلگە جۋىق جينالدى. سونداي-اق, كوكشەتاۋ مەن ەرەيمەنتاۋ اۋدانىنىڭ اكىمشىلىگىنەن دە بىرقاتار ازاماتتار قاتىستى. كەشتى فيلولوگيا عىلىمدارىنىڭ دوكتورى, پروفەسسور شاكىر يبراەۆ جۇرگىزدى. ول بۇگىننەن باستاۋ العان ءىس-شارانىڭ كاكىشەۆ تۋعان اۋىلدا جانە الماتىدا جالعاسىن تاباتىنىنا توقتالدى. ول ءىرى عالىمنىڭ ءوز وي-پىكىرىن بۇلتاقتاماي تۋرا ايتاتىن مىنەزىن, سوڭىنا قالدىرعان مول مۇراسىن اڭگىمە وزەگىنە اينالدىردى.
تۇرسىنبەك كاكىشەۆ ساكەن سەيفۋللين مۇراسىن كوپ زەرتتەگەن عالىم. كەش بارىسىندا زيالى قاۋىم وكىلدەرى ونىڭ ساكەندى جالپاق جۇرتقا تانىتۋداعى ەڭبەگىن اتاپ ءوتتى. سونداي-اق, «قازاق ادەبيەتىنىڭ تاريحى» كوپتومدىعىنا, «كوپۇلتتى كەڭەستىك ادەبيەتىنىڭ تاريحى» اتتى كىتاپتارعا سىڭىرگەن ەڭبەكتەرىنە شولۋ جاسادى. ونىڭ ادەبي سىنى تۋراسىنداعى ماقالالارى اڭگىمە وزەگىنە اينالدى.
ءومىر جولىندا 20-30-دان استام عىلىم دوكتورلارىن, بىرنەشە كانديداتتاردى دايارلاعان تۇرسىنبەك كاكىشەۆ تىرلىكتەگى ادامدىق قادىر-قاسيەتى دۋالى اۋىز عالىمدار تاراپىنان ايتىلدى.
كەشكە قاتىسقان تۇرسىن جۇرتباي, نۇرلان ورازالين, ديحان قامزابەك ۇلى, سەرىك تۇرعىنبەك, نەسىپبەك ايت ۇلى, راحىمجان تۇرىسبەك سىندى عالىمدار مەن قالامگەرلەر ءىرى عالىمنىڭ تۇلعاسىن تانىتاتىن جىلى ەستەلىكتەرىمەن ءبولىستى.
ايگۇل سەيىل,
«ەگەمەن قازاقستان»