استاناداعى 65 مەكتەپ بيىلعى وقۋ جىلىندا اعىلشىن تىلىندە ءبىلىم بەرەدى. 11 ءبىلىم ورداسىندا كەي پاندەر (حيميا, بيولوگيا, ينفورماتيكا, فيزيكا. ءبىلىم يننوۆاتسيا ليتسەيلەرىندە وسى پاندەرگە قوسىمشا — ماتەماتيكا مەن گەوگرافيا وقىتىلادى) اعىلشىن تىلىندە وقىتىلادى. بۇل مالىمەتتى استانا قالالىق ءبىلىم باسقارماسى تاراتىپ وتىر.
ايتا كەتەيىك, قر ءبىلىم جانە عىلىم ءمينيسترى جاڭا وقۋ جىلىندا اعىلشىن تىلىندە ءبىلىم الاتىن ەكسپەريمەنتتىك سىنىپتاردىڭ اشىلاتىنىن حابارلاعان ەدى. ءبىلىم باسقارماسىنىڭ حابارلاۋىنشا, استانادا اعىلشىن تىلىندە ساباق بەرەتىن مۇعالىمدەر تاپشىلىعى بايقالمايدى. وتكەن وقۋ جىلىندا 280 مامان كۋرستاردان ءوتتى. وسى جىلى تاعى 290 ماماندى دايارلاۋ جوسپارلانىپ وتىر. سونىمەن قاتار ەلوردالىق ءبىلىم باسقارماسى بەرگەن دەرەكتەرگە سايكەس, 2016-2017 وقۋ جىلىندا استانا مەكتەپتەرىندە 76 257 بالا — قازاق تىلىندە, 53 603 بالا — ورىس تىلىندە جانە 682 بالا — اعىلشىن تىلىندە وقىتىلعان.