ج.قاسىمبەك مەملەكەت باسشىسىنىڭ تاپسىرماسىن ورىنداۋ اياسىندا دۇنيەجۇزىلىك بانكپەن بىرلەسىپ 2018-2022 جىلدارعا ارنالعان ۇلتتىق ينۆەستيتسيالىق ستراتەگيا ازىرلەنگەنىن باياندادى. وندا ەكسپورتقا باعدارلانعان شيكىزاتتىق ەمەس سەكتورلارعا تىكەلەي شەتەلدىك ينۆەستيتسيالاردى تارتۋعا باسا كوڭىل بولىنگەن.
ستراتەگيا تابىستى جۇزەگە اسىرىلعان جاعدايدا, بەس جىل ىشىندە 2016 جىلعى دەڭگەيگە شاققاندا ەكونوميكاعا تىكەلەي ينۆەستيتسيالاردىڭ جاپپاي اعىمىنىڭ 26% دەيىن كەزەڭ-كەزەڭىمەن ءوسۋى بولجانىپ وتىر, ال تيىمدىلىكتى ارتتىرۋعا, ياعني ەكسپورتقا باعدارلانعان ينۆەستيتسيالار 50% دەيىن ارتپاق. سونىمەن قاتار شيكىزاتتىق ەمەس سەكتورداعى نەگىزگى كاپيتالعا ىشكى ينۆەستيتسيالار 46% وسەدى دەپ كۇتىلۋدە.
دۇنيەجۇزىلىك بانكپەن بىرلەسىپ تيىمدىلىكتى ارتتىرۋعا باعىتتالعان باسىمدىقتى سالالار تاڭدالدى, ولاردى ەكى توپقا بولۋگە بولادى. «قازىر الەۋەتى بار سالالار», ياعني تاماق ونەركاسىبى, مۇناي, گاز جانە پايدالى قازبالاردى تەرەڭدەتىلگەن وڭدەۋ, سونىمەن قاتار ماشينا جاساۋ. سونىمەن قاتار «پەرسپەكتيۆالى سالالار»: اكت, تۋريزم جانە قارجى سالالارى.
ءمجا ستراتەگيادا, اسىرەسە, كاپيتال سىيىمدى ينفراقۇرىلىمدىق جانە الەۋمەتتىك جوبالارعا تشي-دى تارتۋ ءۇشىن نەگىزگى قۇرالداردىڭ ءبىرى رەتىندە ايقىندالعان. سونىمەن قاتار قازىرگى ينۆەستورلاردى ساقتاپ قالۋ مەن قايتا ينۆەستيتسيالاۋعا ىنتالانتىرۋعا ەرەكشە كوڭىل بولىنەدى.
ەكونوميكالىق مۇمكىندىكتەرىن ەسكەرۋمەن الەمنىڭ 36 الەۋەتتى ەلى انىقتالدى, ونىڭ 11-ءى ءبىز ءۇشىن باسىمدىقتى بولىپ تابىلادى (اقش, رف, ۇلىبريتانيا, گەرمانيا, فرانتسيا, يتاليا, كحر, جاپونيا, وڭتۇستىك كورەيا, تۇركيا, ءباا). بۇل ەلدىڭ ارقايسىسىمەن جۇمىس ىستەۋ ءۇشىن ءسىم-ىمەن بىرلەسىپ دەربەس تاسىلدەر مەن ناقتى ءىس-ارەكەتتەر جوسپارى جاسالادى.
ستراتەگيا اياسىندا جۇمىس ەكى باعىتتا جۇرگىزىلەدى:
1) قازاقستاننىڭ ينۆەستيتسيالىق احۋالىن جاقسارتۋ: ينۆەستيتسيالىق ساياساتتىڭ اشىقتىعى مەن بولجامدىلىعىن ارتتىرۋ, ۆيزالىق جانە كوشى-قون رەجيمدەرىن جەتىلدىرۋ شارالارى, ينۆەستورلاردىڭ قۇقىقتارىن قورعاۋ سالاسىندا زاڭنامانى جەتىلدىرۋ.
2) ءتيىمدى وپەراتسيالىق شارالاردى جۇزەگە اسىرۋ جانە ينۆەستيتسيالار تارتۋ ءۇشىن جاڭا تاسىلدەردى ەنگىزۋ. ول ءۇشىن ينۆەستيتسيالار جونىندەگى ارنايى ۇلتتىق كومپانيا كazakh Invest قۇرىلدى, ونىڭ شەتەلدىك وكىلدىكتەرى مەن ايماقتىق فيليالدار جەلىسى ينۆەستورلارمەن ء«بىر تەرەزە» قاعيداتى بويىنشا جۇمىس ىستەيدى. سونىمەن قاتار ينۆەستيتسيالىق جوبالاردىڭ اقپاراتتىق-مونيتورينگتىك جۇيەسى ەنگىزىلەدى, ول قانداي دا ىسكە اسىرىلۋعا دەيىن ءبىر جوبالاردىڭ ساپالى ءارى تولىققاندى پىسىقتالۋىنسىز ء«تۇسىپ قالۋىن» بولدىرمايدى.
سونىمەن قاتار ينۆەستيتسيالىق جوبالار كارتاسى ەنگىزىلىپ, اقپاراتتىق-مونيتورينگتىك جۇيەمەن بايلانىستىرىلادى, رەگلامەنتى مەن جاۋاپكەرشىلىك سالالارى ناقتى ايقىندالۋىمەن ءسىم, شەتەلدىك مەكەمەلەرمەن, سالالىق مينيسترلىكتەرمەن, ۇلتتىق كومپانيالارمەن, اكىمدىكتەرمەن ءوزارا ارەكەتتەسۋ تەتىگى ەنگىزىلەدى.