پىكىرتالاسقا بەلگىلى قازاقستاندىق ساراپشىلار, قوعام قايراتكەرلەرى مەن شىعارماشىلىق قاۋىم وكىلدەرى قاتىستى. ولاردىڭ قاتارىندا: شايزادا توقتاباەۆا, ر.ب. سۇلەيمەنوۆ اتىنداعى شىعىستانۋ ينستيتۋتىنىڭ باس عىلىمي قىزمەتكەرى; ولگا باتۋرينا, ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ «تاريح جانە بەينەلەۋ ونەرى تەورياسى» كافەدراسىنىڭ پروفەسسورى; دينا دۋسپۋلوۆا, «الماتى – دوم ميرا» ارت اگەنتتىگىنىڭ ديرەكتورى; ەۆفرات يمامبەك, يۋنەسكو ساراپشىسى; گۇلميرا جانە گۇلنار عابباسوۆالار, رەجيسسەر–حورەوگرافتار; گۇلزادا وماروۆا, ونەرتانۋشى; ءاليا ماساليموۆا, ءال-فارابي اتىنداعى قازۇۋ فيلوسوفيا جانە ساياساتتانۋ فاكۋلتەتىنىڭ دەكانى; ەدۋارد پولەتاەۆ, ساياساتتانۋشى, «مير ەۆرازي» قورىنىڭ جەتەكشىسى; اندرەي چەبوتارەۆ, ساياساتتانۋشى, «التەرناتيۆا» وزەكتى زەرتتەۋلەر ورتالىعىنىڭ ديرەكتورى; مارات شيبۋتوۆ, ساياساتتانۋشى.
دوڭگەلەك ۇستەلگە قاتىسۋشىلار مادەنيەت سالاسىنداعى جاڭعىرۋ ماسەلەلەرى مەن مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنداعى باستى تاپسىرمالار اياسىنداعى ءداستۇرلى مادەنيەتتى ساقتاۋدىڭ اعىمداعى مەحانيزمدەرىنىڭ ناتيجەلىلىگىن تالقىلادى.
- وتاندىق مادەنيەتتىڭ دامۋى ءۇشىن جان-جاقتى قولداۋ مەن بارىنشا قولايلى جاعداي جاساۋ قازاقستانداعى مەملەكەتتىك ساياساتتىڭ باسىم باعىتتارىنىڭ ءبىرى. جاھاندانۋ پروتسەستەرىن تەرەڭدەتۋ جاعدايىندا ءداستۇرلى مادەنيەتتى دامىتۋ مەن ساقتاۋ, ونىڭ ىشكى جانە سىرتقى سىن-تەگەۋرىندەرگە توتەپ بەرە الۋ قابىلەتىن ارتتىرۋ ەرەكشە ماڭىزعا يە, - دەدى ءوز بايانداماسىندا اەسي الماتى وكىلدىگىنىڭ باسشىسى اسقار نۇرشا.
ساراپشىلار, سونداي-اق, قازاقستاننىڭ مادەني ءال-اۋقاتىن نىعايتۋ, قازاقستاندا جاسالعان مادەني ءونىمنىڭ باسەكەگە قابىلەتتىلىگىن ارتتىرۋ جانە مەملەكەتتىڭ جاعىمدى ءيميدجىن قالىپتاستىرۋ ءۇشىن سول ءونىمدى پايدالانۋ ماسەلەلەرىنە دە ەرەكشە نازار اۋداردى. سونىمەن بىرگە, جينالعانداردىڭ سوزىنشە, قازاقستانداعى مادەني كەلىسىمنىڭ بىرەگەي مودەلى بولىپ سانالاتىن ۇلتتىق مادەني كود پەن ەلدەگى ۇلتتاردىڭ ءداستۇرلى قۇندىلىقتارىن ساقتاۋدى قامتاماسىز ەتۋ ۇلكەن ماڭىزعا يە.