سونداي-اق ول قوعام اراسىندا قىزۋ پىكىرتالاس تۋدىرعان مەملەكەتتىك ءبىلىم بەرۋ گرانتتارىنىڭ بولىنۋىنە قاتىستى تۇسىنىكتەمە بەردى.
ء«بىز گرانتتى ەكونوميكانىڭ باسىم باعىتتارى بويىنشا بولەمىز. ماسەلەن, ەسەپتەۋ تەحنيكاسىنا – 610, قۇقىقتانۋعا – 45 گرانت بەرەمىز. جالپى مەديتسيناعا – 2,5 مىڭ گرانت بولسەك, ستوماتولوگياعا بار بولعانى – 45. مۇنىڭ بارلىعى ءتۇرلى دامۋ باعدارلامالارىندا بەكىتىلگەن. سايكەسىنشە, جىل سايىن جوعارى بالل جيناعاندار بەلگىلى ءبىر ماماندىققا گرانتقا تۇسە الماي قالادى, ال تومەن بالل جيناعاندار كەرسىنشە گرانت يەگەرى اتانادى, – دەدى ەرلان ساعاديەۆ. – ونىڭ ۇستىنە, قاجەتتى ماماندىقتار سانى وتە كەش شىعادى جانە تالاپكەر ءوز مۇمكىندىكتەرىن باعامداپ ۇلگەرمەيدى. بالاعا بەيىندى ءپانىن تاڭداپ, سول بويىنشا دايىندالۋى ءۇشىن ۋاقىت كەرەك. بۇل ماسەلە بويىنشا مينيسترلىك بىرقاتار شەشىمدەر ۇسىنادى. ماسەلەن, ماماندىقتار بويىنشا بولىنەتىن گرانتتار سانىن ءۇش جىل بۇرىن جاريالاۋ كەرەك. مۇنى ۇشجىلدىق بيۋدجەت اياسىندا جاساۋعا بولادى».
سونىمەن قاتار, مينيستر ءبىلىم بەرۋ گرانتتارىن جەڭىلدىكپەن بەرۋ ماسەلەسىن دە قوزعادى.
«بۇگىندە «التىن بەلگى» بويىنشا الەۋمەتتىك ادىلدىك ماسەلەسى وتكىر تۇر. بيىلعى گرانتتار «التىن بەلگى» فاكتورىسىز, ۇبت-دا جيناعان بالل بويىنشا بەرىلدى. ودان كەيىن رەسپۋبليكالىق كوميسسيا «التىن بەلگى» العان تالاپكەرلەر الدىنداعى مىندەتتەمەلەرىن ورىنداۋى ءۇشىن شامامەن 4% گرانت قوستى. وتكەن جىلى دا «التىن بەلگى» يەگەرلەرىن جوو گرانتتارى بويىنشا ورنالاستىرۋعا ءماجبۇر بولعان ەدىك. ەندى بيىل زاڭنامالىق وزگەرىستەر ەنگىزۋدى جوسپارلاپ وتىرمىز», – دەپ اتاپ ءوتتى مينيستر.