وزبەكستان ۇلتتىق اقپارات اگەنتتىگىنىڭ باس ديرەكتورى بولىپ ابدۋسايد كۋچيموۆ تاعايىندالدى, دەپ حابارلايدى كابار.
ابدۋسايد كۋچيموۆ - اقىن ءارى جازۋشى. ول 1951 جىلى دۇنيەگە كەلگەن. نيزامي اتىنداعى تاشكەنت مەملەكەتتىك پەداگوگيكالىق ينستيتۋتىن وزبەك ءتىلى جانە ادەبيەتى ماماندىعى بويىنشا تامامداعان. 1997-2005 جىلدارى وزبەكستان ۇلتتىق ارناسىن باسقارعان. 2006 جىلدان باستاپ اقپاراتتىق تەحنولوگيا جانە كوممۋنيكاتسيانى دامىتۋ مينيسترلىگىنىڭ «حابار» گازەتىندە باس رەداكتور بولدى.
كۋچيموۆقا دەيىن ۇلتتىق اقپارات اگەنتتىگىنىڭ باسشىسى بولعان ماماتكۋل حازرەتكۋلوۆ وزبەكستان اگەنتتىگىن 2001 جىلدان باسقارعان. ول وزبەكستان پرەزيدەنتى اپپاراتىندا بۇقارالىق اقپارات قۇرالدارى ماسەلەلەرى بويىنشا سەكتور مەڭگەرۋشىسى بولىپ اۋىستى.