بۇگىن قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ ارمەنيا رەسپۋبليكاسىنىڭ پرەمەر-ءمينيسترى كارەن كاراپەتيانمەن كەزدەسۋ وتكىزدى. بۇل تۋرالى primeminister.kz حابارلادى.
كەزدەسۋ بارىسىندا ساۋدا-ەكونوميكالىق قاتىناستار, اتاپ ايتقاندا ىنتىماقتاستىقتىڭ جاڭا فورمالارىن ودان ءارى دامىتۋ پەرسپەكتيۆالارى تالقىلاندى, ونىڭ ىشىندە كورسەتىلەتىن قىزمەتتەر مەن جاڭا تەحنولوگيالار ساۋدا-ساتتىعى بار. وسى ورايدا, ساۋدا-ەكونوميكالىق ىنتىماقتاستىق جونىندەگى قازاقستاندىق-ارمياندىق ۇكىمەتارالىق كوميسسيانىڭ ناتيجەلى جۇمىسى اتاپ ءوتىلدى.
سونداي-اق, ترانزيتتىك-لوگيستيكالىق الەۋەتتى دامىتۋ, حالىقارالىق ۇيىمدار اياسىنداعى جانە ەۋرازيالىق ەكونوميكالىق وداقتاعى ينتەگراتسيالىق ۇدەرىستەردى نىعايتۋداعى ءوزارا ارەكەتتەستىك ماسەلەلەرى تالقىلاندى.
بۇدان وزگە, تاراپتار استانادا ەكسپو-2017 كورمەسىن جانە ا. ج. 16 تامىزعا جوسپارلانعان ارمەنيانىڭ ۇلتتىق كۇنىن وتكىزۋ بارىسىن تالقىلادى.