«بۇگىنگە دەيىن «ەكسپو-2017» كورمەسىنە وڭىرلەردەن 57 913 بالا كەلدى. ەندى كورمە اياقتالعانعا دەيىن 15-20 وقۋشى كەلەدى دەپ كۇتىلۋدە. سونىمەن قاتار ءبىلىم باسقارماسى بالالاردى قارسى الۋ, ۇيلەرىنە شىعارىپ سالۋ, ەكى كۇندىك ىستىق تاماقپەن, جاتاقحانامەن قامتاماسىز ەتۋ شارالارىن قامتىپ وتىر»,-دەدى استانا قالاسى ءبىلىم باسقارماسى كامەلەتكە تولماعانداردىڭ قۇقىقتارىن قورعاۋ ءبولىمىنىڭ باسشىسى ءلاززات ورىنباساروۆا.
Oنىڭ سوزىنە قاراعاندا, ەكسپو باستالعالى بالالارعا قاتىستى ەشقانداي توتەنشە جاعدايلار ورىن العان جوق.
اتاپ اتقاندا, ايماقتاردان كەلگەن بالالار ءۇشىن استانادا ەكى كۇندىك باعدارلاما قاراستىرىلعان. وقۋشىلار ءبىرىنشى كۇنىن ەكسپو كورمەسىمەن تانىسۋعا ارناسا, ەكىنشى كۇنىندە ەلوردانىڭ اسەم جەرلەرىن ارالايدى.
ەستەرىڭىزگە سالا كەتەيىك, «بايتەرەك» مونۋمەنتى كۇردەلى جوندەۋدەن كەيىن 17 ماۋسىمدا قايتا اشىلعان بولاتىن. ەلوردانىڭ جاڭارتىلعان سيمۆولى تەك قازاقستاندىقتاردىڭ عانا ەمەس, سونداي-اق تۋريستەردىڭ دە قىزىعا باراتىن جەرىنە اينالدى. تاڭنىڭ اتىسىنان كەشتىڭ باتىسىنا دەيىن ەلوردانىڭ باستى سيمۆولىن قىزىقتاۋعا كەلەتىن ادامداردىڭ قاراسى كوپ, ۇزىن-سونار كەزەك بايقالۋدا. ولاردىڭ اراسىندا وڭىرلەردەن كەلگەن مەكتەپ وقۋشىلارى دا كوپتەپ كەزدەسەدى.