وسىدان ءبىراز جىل بۇرىن ەلىمىزدىڭ مەديتسينالىق وقۋ ورىندارى پەدياتر-ماماندارىن دايارلاۋدى توقتاتقان ەدى. بيىلدان باستاپ پەدياتريا فاكۋلتەتى قايتادان اشىلدى. بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ايتىلدى.
ءبىلىم جانە عىلىم مينيسترلىگى عىلىم جانە ادامي رەسۋرستار دەپارتامەنتىنىڭ ديرەكتورى ايگۇل قاپتاعاەۆانىڭ ايتۋىنشا, ۇكىمەتتىڭ تاپسىرماسىمەن قايتا اشىلعان پەدياتر ماماندارىن دايارلاۋعا بيىل 150 ءبىلىم گرانتى ءبولىنىپتى. وسى گرانتتى يەلەنۋ ءۇشىن 900 ادام باق سىناسقان. كونكۋرستان وتكەندەر بيىلعى 1 قىركۇيەكتەن وقۋىن باستايدى.
بولاشاق پەدياترلاردى ازىرشە تەك س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى دايارلايتىن بولادى.
قىمبات توقتامۇرات
«ەگەمەن قازاقستان»