ول بۇگىنگى تاڭدا ءونىمدى جۇمىس پەن جاپپاي كاسىپكەرلىكتى دامىتۋ باعدارلاماسى اياسىندا شاعىن نەسيە الۋعا تىلەك بىلدىرگەن ادامدار سانى وسى ماقساتقا قاراستىرىلعان قاراجات مولشەرىنەن كوپ ەكەنىن اتاپ ءوتتى.
سونىمەن قاتار قر ەجحاقم شاعىن نەسيە الۋعا نيەتتى ازاماتتاردى قامتۋدى ارتتىرۋ جۇمىستارىن جۇرگىزىپ جاتىر.
«بىرىنشىدەن, ءبىز قارجى ينستيتۋتتارىمەن ءونىمدى جۇمىسپەن قامتۋ باعدارلاماسىنىڭ قاراجاتى بويىنشا اۋىل شارۋاشىلىعى كووپەراتيۆتەرىن نەسيەلەندىرۋمەن اينالىسپايمىز, ال باستى نازاردى جۇمىسسىز جانە ءوزىن-ءوزى جۇمىسپەن قامتىعاندارعا اۋدارامىز دەپ كەلىستىك, ولار ءۇشىن 18 ملن ەمەس, 2 نەمەسە 3 ملن كولەمىندەگى شاعىن نەسيە جەتكىلىكتى. بۇل باعدارلاما قاتىسۋشىلارىنىڭ سانىن ارتتىرۋعا مۇمكىندىك بەرەدى.
ەكىنشىدەن, بىزدە 5,5 جىل بويى بيزنەستىڭ جول كارتاسى-2020 باعدارلاماسى جۇزەگە اسىرىلدى, ول بويىنشا دا شاعىن نەسيەلەر بەرىپ كەلدىك. 5,5 جىل ىشىندە 99 ملرد تەڭگە شاعىن نەسيە تۇرىندە بەرىلدى جانە قازىر ول اقشا بىرتىندەپ قايتارىلۋدا. بۇگىندە اۋىل شارۋاشىلىعىن قولداۋ قورىنىڭ قارىز الۋشىلار مەرزىمىنەن بۇرىن قايتارعان قاراجاتى بار, بىراق ولاردى جەرگىلىكتى بيۋدجەتكە قايتارۋ مەرزىمى ءالى بولمادى», – دەپ ءتۇسىندىردى ب. نۇرىمبەتوۆ.
ول ءونىمدى جۇمىس پەن جاپپاي كاسىپكەرلىكتى دامىتۋ باعدارلاماسىنىڭ قاتىسۋشىلارىن اۋىل شارۋاشىلىعىن قولداۋ قورىمەن ءۇش ملرد جۋىق تەڭگەگە نەسيەلەندىرۋ باعىتى تۋرالى كەلىسىمگە قول جەتكىزىلگەنىن ايتتى.
ء«بىز باعدارلاماعا قاجەتتى تۇزەتۋلەردى ەنگىزدىك. سايكەسىنشە, بۇدان ءارى ءبىز بۇل تەتىكتى پىسىقتايمىز, بۇل ءبىزدىڭ قاتىسۋشىلارىمىزدى شاعىن نەسيەلەندىرۋ ءۇشىن قوسىمشا قاراجات كوزى بولادى», – دەپ اتاپ ءوتتى ب. نۇرىمبەتوۆ.