بۇل تۋرالى بۇگىن ەكسپو-2017 اياسىنداعى گامبيا رەسپۋبليكاسىنىڭ ۇلتتىق كۇنىنە ارنالعان ءباسپاسوز ءماسليحاتىندا گامبيا تۋريزم مينيسترلىگى ماركەتينگ دەپارتامەنتىنىڭ ديرەكتورى ادام ندجي ءمالىم ەتتى.
ء«بىز قازاقستاندىق تۋريستەردىڭ گامبياعا قولجەتىمدىگى ءۇشىن بار جاعدايدى جاساعىمىز كەلەدى, قازىرگى اۋە باعىتتارىن ىڭعايلى دەپ ايتا المايمىز. ماركەتينگتىك زەرتتەۋلەر جۇرگىزىپ, ءبىزدىڭ بىرەگەي ەلىمىزگە ءتيىمدى تۋر ۇسىناتىن تۋريستىك اگەنتتىكتى بەكىتۋدى جوسپارلاپ وتىرمىز. مۇنىڭ بارلىعى جاقىن ارادا ىسكە اسىرىلادى», دەدى ادام ندجي.
گامبيا افريكا قۇرلىعىنداعى ەڭ كىشكەنتاي مەملەكەتتەردىڭ ءبىرى. سولتۇستىگىندە, شىعىسىندا جانە وڭتۇستىگىندە سەنەگالمەن شەكتەسەدى جانە باتىسىندا اتلانت مۇحيتىنىڭ جاعالاۋى بار. تۋريستىك سەكتور - گامبيانىڭ ەڭ ۇلكەن تابىس كوزى جانە ەكونوميكاسىنىڭ قوزعاۋشى كۇشى.