«كاسپي – دوستىق تەڭىزى»

V حالىقارالىق فەستيۆال اياسىندا ءتورت كۇن بويى ىنتىماقتاستىق پەن دوستىققا باعىتتالعان ءىس-شارالار تابىستى ءوتتى قازاقستان رەسپۋبليكاسى ءتاۋ­ەلسىزدىگىنىڭ 20 جىلدىعىنا وراي­لاستىرا وتكىزىلگەن فەستيۆال ءىىى حالىقارالىق كاسپي سپورتتىق ويىندارىمەن باستالدى. ال وسى جىلى اتالمىش فەستيۆال ايا­سىن­دا ءۇشىنشى رەت ۇيىمداس­تى­رىلعان ءىىى كاسپي ەكونوميكالىق كورمەسى ىسكەرلىك ارىپتەستىك پەن دوستىق بايلانىستى بەكىتە ءتۇ­سە­تىندەي بيىك دارەجەدەن كورىندى. ماڭعىستاۋ وبلىسىنىڭ اكىمدىگى ۇيىمداس­تىر­عان بۇل كورمە «كاسپي» ءوڭىرىنىڭ ەكونوميكالىق الەۋەتى» اتالىپتى. وعان قازاق­ستاننىڭ, رەسەي, ازەر­بايجان جانە يراننىڭ بيزنەس قۇ­رىلىمدارىنان 200-دەي وكىل مەن 40-تان استام كاسىپورىن قاتى­سىپ, ءوز ونىمدەرىن اكەلدى. كورمەنىڭ سالتاناتتى اشى­لۋىن­­دا ماڭعىستاۋ وبلىسىنىڭ اكىمى قىرىمبەك كوشەرباەۆ مەي­ماندارعا حوش كەلدىڭىزدەر ايتىپ, تاتۋ كورشىلىك پەن ساياسي-ەكونو­مي­كالىق جانە رۋحاني ارىپتەستىكتىڭ بەرەرى مول ەكەندىگىنە توقتالدى. يران مەن ازەر­بايجاننىڭ اقتاۋ قالاسىنداعى باس كونسۋلدارى مور­تازاۆي سەيەد الي رەزا مەن راشاد ماممادوۆ ءوندىرىستى ولكەدە ينۆەس­تي­تسيا­لىق احۋالدى نىعاي­تۋ­عا بارلىق جاعدايلار جاسالعاندى­عىن, سو­نىڭ ناتيجەسىندە كاسپي ايماعى ەلدەرىنىڭ اراسىنداعى ەكو­نو­مي­كا­لىق بايلانىستار كۇن ساناپ نىعايىپ وتىرعاندىعىن جەتكىزدى. ەكى كۇنگە سوزىلعان كورمەگە قاتىسقاندار ونىمدەرمەن جەتە تانىسىپ, ءوزارا تاجىريبە ال­ماس­تى. الداعى ۋاقىتتاعى ىسكەرلىك بايلانىستار جولدارىن بەلگىلەدى. ءاربىر ەل, ءاربىر كاسىپورىن وكىل­دەرى ءوز تاۋارلارىن سىرتقا شىعارۋدىڭ ءتيىمدى جولدارىن ۇسىنىپ جاتتى. بۇل اڭگىمەلەر تەڭىز جاعالاۋى ەل­دەرى­نىڭ ەكو­نو­مي­كاسىن جۇيەلى تۇردە ىقپال­داس­تىرا تۇسۋگە ارنالعان «كاس­پي ماڭى ەلدەرى ىن­تىماق­تاس­تى­عىنىڭ كەلەشەگى» اتتى دوڭگەلەك ۇستەل وتىرىسىندا ودان ءارى جالعاستى. «مۇنايشى» ستاديونىندا سال­تاناتتى تۇردە اشىلعان V حا­لىق­ارالىق «كاسپي – دوستىق تەڭىزى» فەستيۆالى قالا تۇرعىن­دارى مەن قوناقتارىنا مەرەكەلىك كوڭىل-كۇي, ءسان-سالتانات سىي­لا­دى. ەسترادا جۇل­دىزدارى قا­تىس­قان گالا-كونتسەرت ءتۇن ورتا­سىنا دەيىن تولاس­تا­ما­دى. فەستيۆال اياسىندا ۇيىم­داس­تىرىلعان سپورت­تىق جارىستار, حالىق­ارا­لىق قولدانبالى قولونەر باي­قاۋى دا كاسپي جاعالاۋىندا ور­نالاسقان مەملەكەتتەردىڭ ارا­سىن­داعى دوستىق بايلانىستار­دىڭ قاي سالادا دا تەرەڭدەي تۇسكەندىگىن بايقاتتى. ءسويتىپ, ءتورت كۇنگە سوزىلعان «كاسپي – دوستىق تەڭىزى» فەستيۆالىنە قاتىسۋشىلار ءوز ەلدەرىنە جاڭا دوستار, سەنىمدى سەرىكتەستەر, ارمانى اسقاق ارىپتەستەر تاۋىپ, كوتەرىڭكى كوڭىل-كۇيمەن اتتاندى. جولامان بوشالاق. اقتاۋ.