استاناداعى قوناقۇيلەر جالداۋ قۇنىن ءبىر ايدىڭ ىشىندە 24 پايىزعا قىمباتتاتىپتى. «ەnergyprom.kz» عالامتور كوزىنىڭ مالىمەتىنشە, تۋريستەردى كۇتۋشى قوناقۇيلەر, وتەلدەر مەن باسقا دا ورىندار سانى جازعى ماۋسىمدا 19 پايىزعا وسسە, جەكەلەگەن نومىرلەر سانى 15 پايىزعا ارتقان.
ماۋسىم ايىنىڭ قورىتىندىسى بويىنشا, ەلىمىزدىڭ باسقا دا ءىرى قالالارى مەن مەگاپوليستەرىنىڭ اراسىندا استانادا قوناقۇيدە تۇرۋ قۇنى قاتتى جوعارىلاعانى بايقالدى. ماسەلەن, مامىردا +23,8 پايىزعا, جىلدان جىلعا +26,6 پايىزعا, تاۋلىگىنە 12,12 مىڭ تەڭگەگە كوتەرىلگەن. سالىستىرمالى تۇردە ايتساق, جالپى ەلدەگى باعانىڭ ءوسۋى ءبىر ايدا +2,1 پايىزدى جانە ءبىر جىلدا +4,4 پايىزدى قۇرايدى.