2011 جىلعى 22 تامىز, استانا, ۇكىمەت ءۇيى
قازاقستان رەسپۋبليكاسى ۇكىمەتىنىڭ «وسىمدىك شارۋاشىلىعى ءونىمىنىڭ شىعىمدىلىعى مەن ساپاسىن ارتتىرۋعا جەرگىلىكتى بيۋدجەتتەردەن سۋبسيديالاۋ قاعيداسىن بەكىتۋ تۋرالى» 2011 جىلعى 4 ناۋرىزداعى № 221 جانە «وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ تۇقىم شارۋاشىلىعىن قولداۋعا 2011 جىلعى رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋ قاعيداسىن بەكىتۋ تۋرالى» 2011 جىلعى 30 ناۋرىزداعى № 297 قاۋلىلارىنا وزگەرىستەر مەن تولىقتىرۋ ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. قازاقستان رەسپۋبليكاسى ۇكىمەتىنىڭ كەيبىر شەشىمدەرىنە مىناداي وزگەرىستەر مەن تولىقتىرۋ ەنگىزىلسىن:
1) «وسىمدىك شارۋاشىلىعى ءونىمىنىڭ شىعىمدىلىعى مەن ساپاسىن ارتتىرۋعا جەرگىلىكتى بيۋدجەتتەردەن سۋبسيديالاۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 4 ناۋرىزداعى № 221 قاۋلىسىندا (قازاقستان رەسپۋبليكاسىنىڭ ءپۇاج-ى, 2011 ج., № 23, 291-قۇجات):
كورسەتىلگەن قاۋلىمەن بەكىتىلگەن وسىمدىك شارۋاشىلىعى ءونىمىنىڭ شىعىمدىلىعى مەن ساپاسىن ارتتىرۋعا جەرگىلىكتى بيۋدجەتتەردەن سۋبسيديالاۋ قاعيداسىندا:
8-تارماقتىڭ 2) تارماقشاسى مىناداي رەداكتسيادا جازىلسىن:
«2) قانت قىزىلشاسى, مايلى داقىلدار, كۇرىش, داندىك جۇگەرى, سۇرلەمدىك جۇگەرى, سۇرلەمدىك كۇنباعىس, ماقتا, كوكونىس-باقشا (قورعالعان توپىراق جاعدايىندا وسىرىلەتىن كوكونىس داقىلدارىن قوسپاعاندا), جەمشوپتىك, ونىڭ ىشىندە ءبىرىنشى, ەكىنشى جانە ءۇشىنشى ءوسۋ جىلدارىنداعى بۇرشاق تۇقىمداس كوپجىلدىق شوپتەر, جەمىس-جيدەك داقىلدارى, ءجۇزىم جانە كارتوپ بويىنشا – ەگىس ناۋقانىنىڭ قورىتىندىلارى بويىنشا بازالىق نورما بويىنشا 1 گەكتارعا 100 % جۇزەگە اسىرىلادى.
بۇل رەتتە:
ماقتا مەن كۇرىش وسىرۋمەن اينالىساتىن جانە 50 گەكتاردان كەم ماقتا, 200 گەكتاردان كەم كۇرىش ەگىس القابى بار اۋىل شارۋاشىلىعى تاۋارىن وندىرۋشىلەرگە, ەگەر ولار اۋىلدىق تۇتىنۋ كووپەراتيۆىنە نە سۋ پايدالانۋشىلاردىڭ اۋىلدىق تۇتىنۋ كووپەراتيۆىنە قاتىسۋشى بولىپ تابىلماسا, سۋبسيديالاردىڭ بازالىق نورماسىنىڭ ەلۋ پايىزى مولشەرىندە بيۋدجەتتىك سۋبسيديا تولەنەدى;»;
9-تارماق مىناداي رەداكتسيادا جازىلسىن:
«9. كوكونىس-باقشا داقىلدارى اشىق توپىراقتا, كارتوپ, قانت قىزىلشاسى مەن ماقتا ونەركاسىپتىك ۇلگىدەگى تامشىلاتىپ سۋارۋ جۇيەلەرىن قولدانا وتىرىپ وسىرىلگەن جاعدايدا سۋبسيديا نورماسى سۋبسيديالاردىڭ بازالىق نورماسىمەن سالىستىرعاندا كوبەيەدى. بۇل رەتتە ونەركاسىپتىك ۇلگىدەگى تامشىلاتىپ سۋارۋ جۇيەلەرى: سورعى ستانتسياسىن, گيدروتسيكلوندى, گيدروازىقتاندىرعىشتى, سۇزگىش قوندىرعىلارىن, قىسىم رەتتەگىشتى, سۋ ولشەگىشتى جانە تامشىلاتقىشى بار قۇبىرجولدار جۇيەسىن قامتۋعا ءتيىس»;
14-تارماق مىناداي رەداكتسيادا جازىلسىن:
«14. ءبولىم وتىنىمدەر مەن قۇجاتتاردى العاننان كەيىن ءۇش جۇمىس كۇنى ىشىندە قۇجاتتاردىڭ تولىقتىعىن, دۇرىستىعىن تەكسەرەدى جانە ۆاك-تىڭ قاراۋىنا ەنگىزەدى.»;
27-تارماق مىناداي رەداكتسيادا جازىلسىن:
«27. وبلىستىڭ جەرگىلىكتى اتقارۋشى ورگانىنىڭ شەشىمىمەن ۋاكىلەتتى ورگاننىڭ كەلىسىمى بويىنشا سۋبسيديالاردىڭ نورماتيۆتەرى بەلگىلەنەدى.»;
32-تارماقتىڭ 1) تارماقشاسى مىناداي رەداكتسيادا جازىلسىن:
«1) بەس جۇمىس كۇنى ىشىندە اۋداندار (وبلىستىق ماڭىزى بار قالالار) بويىنشا الدىن الا جاسالعان تىزبەلەردى قارايدى. بۇل رەتتە, ەگەر وتىنىمدەر سوماسى بولىنگەن بيۋدجەت قاراجاتىنىڭ سوماسىنان اسىپ كەتسە, وندا بيۋدجەتتىك سۋبسيديالاۋعا جاتاتىن الاڭدار ءاشتو اراسىندا الاڭداردىڭ ءوتىنىم بەرىلگەن كولەمىنە بايلانىستى تەپە-تەڭ بولىنەدى, ال سۋبسيديالار تەپە-تەڭ ءبولۋ ناتيجەسى بويىنشا الىنعان الاڭعا تولەنەدى;»;
مىناداي مازمۇنداعى 72-1-تارماقپەن تولىقتىرىلسىن:
«72-1. وسى قاعيدانىڭ 70-تارماعىنىڭ 2), 3), 4) تارماقشالارىنا جانە 71-تارماعىنا سايكەس سۋبسيديا الاتىن, تىڭايتقىشتار مەن گەربيتسيدتەر قۇنىنىڭ كەمىندە 50 %-ىن تولەگەن ءاشتو بيۋدجەتتىك سۋبسيديالار الۋشىلاردىڭ تىزىمىنە ەنگىزىلەدى.
بۇل رەتتە ءاشتو وسى قاعيدانىڭ 72-تارماعىندا كورسەتىلگەن قۇجاتتارعا قوسىمشا ۆاك-تىڭ جۇمىس ورگانىنا:
ءىشىنارا تولەنگەنىن راستايتىن تولەم قۇجاتتارىنىڭ (كاسسالىق كىرىس وردەرى, بانكتىڭ تولەم تاپسىرماسى) كوشىرمەلەرىن;
گەربيتسيد ساتىپ الىنعان, پەستيتسيدتەردى (ۋلى حيميكاتتاردى) ءوندىرۋدى (فورمۋلياتسيالاۋدى) جانە ساتۋدى جۇزەگە اسىراتىن گەربيتسيد جەتكىزۋشىلەر ليتسەنزيالارىنىڭ كوشىرمەلەرىن ۇسىنادى. بۇل رەتتە ءاشتو قالعان سوماعا تولەم قۇجاتتارىنىڭ (كاسسالىق كىرىس وردەرى, بانكتىڭ تولەم تاپسىرماسى) كوشىرمەلەرىن تىڭايتقىشتاردى جانە (نەمەسە) گەربيتسيدتەردى الۋعا سەنىمحاتتىڭ تۇپنۇسقاسىن قۇنىن تولىق تولەگەننەن كەيىن, بىراق بيۋدجەتتىك سۋبسيديالاردى العان كۇننەن باستاپ 15 جۇمىس كۇنىنەن كەشىكتىرمەي ۆاك-تىڭ جۇمىس ورگانىنا ۇسىنادى. وسى قاعيدانىڭ 72-1-تارماعىنىڭ تالاپتارى ورىندالماعان جاعدايدا, ءاشتو الىنعان بيۋدجەتتىك سۋبسيديالاردى باسقارمانىڭ ەسەپ ايىرىسۋ شوتىنا اۋدارۋ جولىمەن قايتارادى.»;
79-تارماقتىڭ 2) تارماقشاسىنىڭ ءتورتىنشى ابزاتسى مىناداي رەداكتسيادا جازىلسىن:
«ۋاكىلەتتى ورگان بەكىتكەن نىسان بويىنشا ءوندىرۋشى مەن ءاشتو اراسىنداعى تىڭايتقىشتاردى ساتىپ الۋ-ساتۋ شارتىن ۇسىنادى, ول ءۇش دانادا جاسالادى: ءبىرىنشىسى – ءوندىرۋشى ءۇشىن, ەكىنشىسى – ءاشتو ءۇشىن, ءۇشىنشىسى – باسقارما ءۇشىن;»;
2) «وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ تۇقىم شارۋاشىلىعىن قولداۋعا 2011 جىلعى رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 30 ناۋرىزداعى № 297 قاۋلىسىندا:
كورسەتىلگەن قاۋلىمەن بەكىتىلگەن وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ تۇقىم شارۋاشىلىعىن قولداۋعا 2011 جىلعى رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋ قاعيداسىندا:
9 جانە 10-تارماقتار مىناداي رەداكتسيادا جازىلسىن:
«9. وسى قاعيدانىڭ 3-تارماعىنىڭ 4) تارماقشاسىندا كورسەتىلگەن بيۋدجەتتىك سۋبسيديالار اتتەستاتتالعان ەليتتۇقىمشارلارعا ءاربىر وبلىس, استانا جانە الماتى قالالارى ءۇشىن تۇقىم مەن كوشەتتىڭ ءاربىر ءتۇرى بويىنشا مينيسترلىك بەلگىلەگەن كۆوتالار شەگىندە جۇگەرىنىڭ, كۇنباعىستىڭ جانە كوشەتتەردىڭ قازاقستان رەسپۋبليكاسىندا پايدالانۋعا رۇقسات ەتىلگەن سورتتارىنىڭ ەليتالىق تۇقىمدارى مەن كوشەتتەرىن ارزانداتىلعان باعامەن وتاندىق تاۋار وندىرۋشىلەرگە ناقتى ساتىلعان كولەمى ءۇشىن تولەنەدى.
وتاندىق اۋىل شارۋاشىلىعى تاۋارىن وندىرۋشىلەرگە ماقتانىڭ ەليتالىق تۇقىمىنىڭ ارزانداتىلعان قۇنى بويىنشا ناقتى ساتىلعان كولەمى ءۇشىن بيۋدجەتتىك سۋبسيديالار اتتەستاتتالعان ەليتتۇقىمشارلار مەن تۇقىم وتكىزۋشىلەرگە تولەنەدى.
ەليتتۇقىمشارلار مەن تۇقىم وتكىزۋشىلەر ماقتانىڭ, جۇگەرىنىڭ, كۇنباعىستىڭ ەليتالىق تۇقىمدارىن جانە كوشەتتەردى وتاندىق اۋىل شارۋاشىلىعى تاۋارىن وندىرۋشىلەرگە مينيسترلىكتىڭ بۇيرىعىمەن بەلگىلەنگەن شەكتى باعادان اسپايتىن باعا بويىنشا ساتادى.
10. ءاربىر ەليتالىق تۇقىمنىڭ ءتۇرى بويىنشا ءاربىر تۇقىمشارعا جانە تۇقىم تۇتىنۋشىعا, ماقتانىڭ, جۇگەرىنىڭ, كۇنباعىستىڭ ەليتالىق تۇقىمدارى جانە كوشەتتىڭ ءاربىر ءتۇرى بويىنشا ءاربىر ەليتتۇقىمشار جانە تۇقىم وتكىزۋشى ءۇشىن كۆوتالاردى بەلگىلەنگەن تارتىپپەن وبلىستاردىڭ جەرگىلىكتى اتقارۋشى ورگاندارى بەلگىلەيدى.»;
19-تارماقتىڭ ەكىنشى بولىگى مىناداي رەداكتسيادا جازىلسىن:
«بيۋدجەتتىك سۋبسيديالاردى تولەۋ ساتىپ الىنعان تۇقىم ءۇشىن تولىق تولەم جاساعان ساتىپ الۋشىلارمەن قاتار, ساتىپ الىنعان تۇقىم ءۇشىن تۇقىمنىڭ نارىقتىق قۇنىنىڭ ەلۋ پايىزىنان كەم ەمەس مولشەردە ءىشىنارا تولەم جاساعان ساتىپ الۋشىلارعا دا جۇرگىزىلەدى.»;
20-تارماقتىڭ 2) تارماقشاسى مىناداي رەداكتسيادا جازىلسىن:
«2) وسى قاعيدانىڭ 19-تارماعىنىڭ 2), 3), 4) تارماقشالارىندا كورسەتىلگەن قۇجاتتاردىڭ تىزبەسىن;»;
23-تارماقتىڭ ءبىرىنشى بولىگىنىڭ ءتورتىنشى ابزاتسى مىناداي رەداكتسيادا جازىلسىن:
«تۇقىم ساپاسىنا ساراپتاما جاساۋ جونىندەگى زەرتحانانىڭ تەكسەرىلگەن تۇقىمنىڭ مولشەرى مەن ساپاسىنىڭ ستاندارتتار تالاپتارىنا سايكەستىگى تۋرالى انىقتاماسىنىڭ كوشىرمەسىن تاپسىرادى.»;
28-تارماق مىناداي رەداكتسيادا جازىلسىن:
«28. ارزانداتىلعان قۇن بويىنشا ساتىلعان ماقتانىڭ, جۇگەرىنىڭ جانە كۇنباعىستىڭ ەليتالىق تۇقىمدارى مەن كوشەتتەرگە (بۇدان ءارى – ەليتالىق تۇقىمدار مەن كوشەتتەر) بيۋدجەتتىك سۋبسيديالار الۋ ءۇشىن:
1) قازاقستان رەسپۋبليكاسىنىڭ قورعالاتىن وسىمدىكتەر سورتتارىنىڭ مەملەكەتتىك تىزىلىمىنە ەنگىزىلگەن اۋىل شارۋاشىلىعى وسىمدىكتەرى سورتتارىنىڭ تۇقىمدارى مەن كوشەتتەرى بەلگىلەنگەن كۆوتالار شەگىندە ساتىلعان جاعدايدا, ەليتتۇقىمشارلار مەن تۇقىم وتكىزۋشىلەر اۋداننىڭ جەرگىلىكتى اتقارۋشى ورگانىنا ليتسەنزيالىق شارتتى بەرەدى, ول بويىنشا پاتەنت يەسى (ليتسەنزيار) ەليتتۇقىمشارعا نەمەسە تۇقىم وتكىزۋشىگە (ليتسەنزياتقا) سەلەكتسيالىق جەتىستىكتەردى قورعاۋ تۋرالى زاڭعا سايكەس سەلەكتسيالىق جەتىستىكتى ۋاقىتشا پايدالانۋ قۇقىعىن بەرەدى;
2) ەليتتۇقىمشارلار مەن تۇقىم وتكىزۋشىلەر اي سايىن 1-كۇنىنە قاراي اۋداننىڭ جەرگىلىكتى اتقارۋشى ورگانىنا ساتىپ الۋشىلار بولىنىسىندە ساتىلعان ەليتالىق تۇقىمدار مەن كوشەتتەردىڭ مولشەرى مەن ساپاسى تۋرالى اقپارات بەرەدى;
3) ەليتتۇقىمشارلار مەن تۇقىم وتكىزۋشىلەر ەليتالىق تۇقىمدار مەن كوشەتتەردى ساتۋ فاكتىسىن راستاۋ ءۇشىن ءتيىستى جىلدىڭ 20 ماۋسىمىنا دەيىن اۋداننىڭ جەرگىلىكتى اتقارۋشى ورگانىنا:
ەليتتۇقىمشار مەن تۇقىم وتكىزۋشى ناقتى ساتقان ەليتالىق تۇقىمدار مەن كوشەتتەردىڭ كولەمى جونىندەگى جيىنتىق ءتىزىلىمدى;
ەليتالىق تۇقىمدار مەن كوشەتتەردى وندىرۋگە ارنالعان باستاپقى ماتەريالدىڭ شىعۋ تەگىن راستايتىن قۇجاتتاردى (سىناقتان وتكىزۋ اكتىسى جانە سىناقتان وتكىزۋ تۋرالى ەسەپتى, ال مولىقتىرۋ پيتومنيكتەرىنىڭ تۇقىمدارى مەن سۋپەرەليتانى ساتىپ العان جاعدايدا – تۇقىمعا ارنالعان اتتەستاتتىڭ كوشىرمەسىن) (تۇقىم وتكىزۋشىلەر – ماقتانىڭ ەليتالىق تۇقىمدارىنىڭ سورتتىق جانە ەگۋ ساپاسىن راستايتىن قۇجاتتاردى (تۇقىم اتتەستاتىنىڭ كوشىرمەسىن));
تەكسەرىلگەن تۇقىمنىڭ (كوشەتتەردى قوسپاعاندا) سانى مەن ساپاسىنىڭ ستاندارتتاردىڭ تالاپتارىنا سايكەستىگى تۋرالى تۇقىمداردىڭ ساپاسىنا ساراپتاما جاساۋ جونىندەگى زەرتحانانىڭ انىقتاماسىن;
ساتىلعان ەليتالىق تۇقىمدار مەن كوشەتتەردىڭ باستاپقى تولەم قۇجاتتارىنىڭ, سونداي-اق كوشەتتەردى تيەپ جونەلتۋگە ارنالعان جۇكقۇجاتتىڭ جانە شوت-فاكتۋرالاردىڭ كوشىرمەلەرىن;
ەليتتۇقىمشار (تۇقىم وتكىزۋشى) مەن ساتىپ الۋشىنىڭ اراسىنداعى ساتىلعان جانە ساتىپ الىنعان ەليتالىق تۇقىمدار مەن كوشەتتەردىڭ كولەمى تۋرالى ەليتالىق كوشەتتەردى ساتىپ الۋ-ساتۋ شارتىن ۇسىنادى.
ەليتالىق تۇقىمدار مەن كوشەتتەردى ساتىپ الۋ-ساتۋ شارتى ءتورت دانادا جاسالادى: ءبىرىنشىسى – ەليتتۇقىمشار (تۇقىم وتكىزۋشى) ءۇشىن, ەكىنشىسى – ساتىپ الۋشى ءۇشىن, ءۇشىنشىسى – اۋداننىڭ جەرگىلىكتى اتقارۋشى ورگانى ءۇشىن, ءتورتىنشىسى – وبلىستىڭ جەرگىلىكتى اتقارۋشى ورگانى ءۇشىن.
حيميالىق ادىسپەن تازارتىلعان ماقتانىڭ تۇقىمىن وتاندىق اۋىل شارۋاشىلىعى تاۋارىن وندىرۋشىلەرگە ارزانداتىلعان قۇنى بويىنشا ساتقان ەليتتۇقىمشارلار بيۋدجەتتىك سۋبسيديالار الۋ ءۇشىن قوسىمشا ماقتا تۇقىمىن حيميالىق ادىسپەن وڭدەۋگە ارنالعان شارتتاردىڭ كوشىرمەلەرىن جانە حيميالىق ادىسپەن تازارتۋ بويىنشا ورىندالعان جۇمىستاردىڭ اكتىسىن (تۇقىم وتكىزۋشىلەر – حيميالىق ادىسپەن تازارتۋ بويىنشا ورىندالعان جۇمىستاردىڭ اكتىسىن) تاپسىرادى;
4) اۋداننىڭ جەرگىلىكتى اتقارۋشى ورگانى ۇسىنىلعان باستاپقى تولەم قۇجاتتارىنىڭ كوشىرمەلەرىن تۇپنۇسقالارىمەن سالىستىرادى جانە ءوزىنىڭ مورىمەن كۋالاندىرادى. كۋالاندىرىلعان باستاپقى تولەم قۇجاتتارىنىڭ كوشىرمەلەرى, ەليتالىق تۇقىمدار مەن كوشەتتەردىڭ ناقتى ساتىلعان كولەمى جونىندەگى جيىنتىق ءتىزىلىمنىڭ ءبىر داناسى جانە ساتىپ الۋ-ساتۋ شارتىنىڭ ءبىر داناسى اۋداننىڭ جەرگىلىكتى اتقارۋشى ورگانىندا ساقتاۋعا تاپسىرىلادى;
5) اۋداننىڭ جەرگىلىكتى اتقارۋشى ورگانى ءتيىستى جىلدىڭ 1 شىلدەسىنە دەيىنگى مەرزىمدە وبلىستىڭ جەرگىلىكتى اتقارۋشى ورگانىنا مىناداي قۇجاتتاردى:
ەليتتۇقىمشار (تۇقىم وتكىزۋشى) ناقتى ساتقان ەليتالىق تۇقىمدار مەن كوشەتتەر كولەمى جونىندەگى جيىنتىق ءتىزىلىمدى;
ەليتتۇقىمشار (تۇقىم وتكىزۋشى) مەن ساتىپ الۋشى اراسىنداعى ساتىلعان جانە ساتىپ الىنعان ەليتالىق تۇقىمدار مەن كوشەتتەردىڭ سانى تۋرالى ەليتالىق تۇقىمدى ساتىپ الۋ-ساتۋ شارتىن;
تەكسەرىلگەن تۇقىمنىڭ (كوشەتتەردى قوسپاعاندا) مولشەرى مەن ساپاسىنىڭ ستاندارتتار تالاپتارىنا سايكەستىگى تۋرالى تۇقىمداردىڭ ساپاسىنا ساراپتاما جاساۋ جونىندەگى زەرتحانانىڭ انىقتاماسىن تاپسىرادى;
6) وبلىستىڭ جەرگىلىكتى اتقارۋشى ورگانى:
ون بەس جۇمىس كۇنى ىشىندە ۇسىنىلعان قۇجاتتاردى تەكسەرەدى, وبلىس بويىنشا ەليتالىق تۇقىمدار مەن كوشەتتەردىڭ ناقتى ساتىلعان كولەمى جونىندەگى جيىنتىق اكتىنى جاسايدى جانە بەكىتەدى;
وبلىس بويىنشا ەليتالىق تۇقىمدار مەن كوشەتتەردىڭ ناقتى ساتىلعان كولەمى جونىندە بەكىتىلگەن جيىنتىق اكتىلەر بويىنشا, وندا كورسەتىلگەن ەليتالىق تۇقىمدار مەن كوشەتتەردىڭ كولەمى مەن بەكىتىلگەن بيۋدجەتتىك سۋبسيديالار نورماتيۆتەرى نەگىزىندە تيەسىلى بيۋدجەت قاراجاتىنىڭ كولەمىن انىقتايدى;
ءاربىر ەليتتۇقىمشارعا (تۇقىم وتكىزۋشىگە) بەلگىلەنگەن كۆوتالار شەگىندە وسى قاعيداعا 9-قوسىمشاعا سايكەس نىسان بويىنشا وتاندىق اۋىل شارۋاشىلىعى تاۋارىن وندىرۋشىلەرگە ساتىلعان ەليتالىق تۇقىمدار مەن كوشەتتەر قۇنىن ءىشىنارا ارزانداتۋعا بيۋدجەتتىك سۋبسيديالار تولەۋگە ارنالعان جيىنتىق ۆەدوموست جاسايدى;
7) ۇسىنىلىپ وتىرعان ەليتالىق تۇقىمدار مەن كوشەتتەردى ساتىپ الۋ-ساتۋ شارتىنىڭ, ەليتتۇقىمشار (تۇقىم وتكىزۋشى) ناقتى ساتقان ەليتالىق تۇقىمدار مەن كوشەتتەردىڭ كولەمى جونىندەگى جيىنتىق ءتىزىلىمنىڭ, وبلىس بويىنشا ساتىلعان ەليتالىق تۇقىمدار مەن كوشەتتەردىڭ كولەمى جونىندەگى جيىنتىق اكتىنىڭ نىساندارىن مينيسترلىك بەكىتەدى.»;
كورسەتىلگەن قاعيداعا 9-قوسىمشاداعى 2-باعاننىڭ تاقىرىبى مىناداي رەداكتسيادا جازىلسىن:
«ەليتتۇقىمشاردىڭ (تۇقىم وتكىزۋشىنىڭ) اتاۋى».
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.